JEREMIA 32:24 - AMÜSÜH HÜM CL Bible (BSI)

²⁴ Kheahang, kiuto yanpü tankih-a lah, tüsho nukshang, khümzung tüsho arüm-tukthsü hode kiuto Kaldearü khah ching jihdo. Nünü tümü asukkheanü dünjido, nünü ngülah.

JEREMIA 32:24 Iomraidhean Croise

2 SAMUEL 20:15

Joab bonungrü arü tüsho Beth-maaka ching lakhi Abel ching Sheba yan; arünü kiuto ki leak rünkih tüsho ju aleanglim chipi arih-a zhip. Chipi ju alungshihpü thsüde Joab bonungrünü alunglim kheanmusu.

ISAIA 37:33

“Jumonü Asiria kiulongthsüpuh dünkheak Atungpuhnü ha thachoh: Api ha kiuto ching marü, ju ching hühzo mükip, ju ki tsung lubah marü, yungsho ayanpü amujuk müthsü.

JEREMIA 16:4

Arübo ashebe tukthsübonü ashebah. Arübo mütüzho, yungsho kiuyuka mübah; arübo alo mi kheak müneanmuru nangde alabah. Arübo nukshang tüsho khümzungnü ashebah, tüsho arü ashemibo thüning wuhnubo tüsho alomi murung shiwühbo jim kambah.

JEREMIA 20:5

Inü ha kiuto lakhit alala, hi alala, shoto kukrukbo, tüsho Juda kiulongthsüpuh rahpungbo arü riri khah ching jihbah, arünü ju yankhia lubah, tüsho rama lubah, tüsho Babilon ching hande ayübah.

JEREMIA 24:10

Tüshe inü nukshang, khümzung, tüsho arüm-tukthsü, inü arü tüsho arü jipürü kilim jihkhi lomi chingnü arübo shahde müdükheakshihyi khiungde arü kheak yüshihbah.

JEREMIA 29:17

Wuto Atungpuhnü ha thachoh, inü arü kheak nukshang, khümzung, arüm-tukthsü arüshihbah, tüsho inü arübo mütsühkhukbe ashuhkhi khubaso nangde akamshihbah.

JEREMIA 29:18

Inü arübo nukshang, khümzung, tüsho arüm-tukthsünü yande müshambah, tüsho arübo alomi kiulongthsü alala ki athraneanbe, muthrumünean tüsho atrebe ish thsübe tüsho inü arü yana yüshihkhi trükshih alala bolung keangrümünekhi kamshihbah,

JEREMIA 32:25

Tütüshe, O Atungpuh T H RÜ NPU H , nünü I ki thado, “Shonü thulu thuloang tüsho thiyumütsanbo luang”–tütüshe kiuto ju Kaldearü khah ching jih.

JEREMIA 32:28

Jumonü, Atungpuhnü ha thachoh: Inü ha kiuto Kaldearü khah ching tüsho Babilon kiulongthsüpuh Nebukednezar khah ching jihbah tüsho apinü ju lubah.

JEREMIA 32:3

Tümüde Juda kiulongthsüpuh Zedekianü api rihdoa zobah tha, “Tümü thsükhi nünü müchitcho tüsho thacho: Atungpuh nü ha thachoh: Inü ha kiuto Babilon kiulongthsüpuh khah ching jihbah, tüsho apinü ju lubah;

JEREMIA 32:36

Kheakü jumonü Atungpuh , Israel Thrünpuhnü nünü athakhi kiuto dünkheak ha thachoh, “Ha nukshang, khümzung tüsho arümtukthsü hode, Babilon kiulongthsüpuh khah ching jihbah”;

JEREMIA 32:5

tüsho apinü Zedekia Babilon lim bede ayübah, tüsho I anihbuh ki müyüyi khiungde api ju ching labah, Atungpuhnü thachoh; nünü Kaldearü bede keochihchih she mukuk?”

JEREMIA 33:4

Tümüde Atungpuh , Israel Thrünpuhnü ha kiuto yambo tüsho Juda kiulongthsürü yambo ayanpü thsükhi tüsho nukshang leanglode thokheamkhi dünkheak ha thachoh:

JEREMIA 34:17

Jumonü Atungpuhnü ha thachoh: Nüsanü nüsa yamhingrü tüsho müyamrübo müdükhekhi hode I yu manide kamdo; inü nüsa kilim dükhepü lah, Atungpuhnü thachoh–nukshang, arüm-tukthsü tüsho khümzung dükhebah. Inü nüsa lomi kiulongthsü alala ki atrebe kamshihbah.

JEREMIA 52:4

Tüsho api kiulongthsü kam tukupü, khinu thürü, nimung thürü nipü, Babilon kiulongthsüpuh Nebukednezarnü api bonungrü alala bebah Jirusalem azhihde arü, tüsho arünü kiuto aleanglim binpung thsü; arünü ju mühide aheangyünbo thsü.

JEREMIA 52:6

Khinu phüyi nimung tuku nipü ju kiuto ching khümzung muthsukde arükhi hode lomi mihtsürü thsungkheak tsühyungpü mülade alakheah.

JEREMIA 6:6

Tümüde Wuto Atungpuhnü ha thachoh: Anihbe sangdungbo kiushakang; Jirusalem azhihde ayanpü tankihang. Ha athsümüchipü lakhi kiuto lah; ju ching tümü müla tüshe anihbe kheak junokhi lah.

EZEKIEL 14:21

Tümüde Wuto Atungpuhnü ha thachoh: Mihtrebe phüyi Jirusalem azhihde, nukshang, khümzung, mütüm shiwühbo tüsho arüm–mihtsürü tüsho arü shiwühbo laksahpü arüshihchoki küdükhüh amütsübe laba!

EZEKIEL 21:22

Api khah tsülim peang Jirusalem thsungkheak azan akhiukbah, küching apinü chipi-yümkheambe zoba, alaksahpü thiyukhüm jihpü, keochih düsheak zhipü, chipiripitbo yande chipi-yümkheambe zopü, alo wumujungpü tüsho sadambo thsübah.

EZEKIEL 21:27

Athsümünim! Athsümünim! Inü ha kiuto thsümünimbah! Tüshe ha kiuto thsümüchipü mokhitkhi marüyi khiungde müdünji; api kilim inü ju jihbah.

EZEKIEL 26:8

Kiutobo tüsho lomi phulung larübo thirithsü ching laksahbah. Apinü nü azhihde ayanpü alo kiubah, wumujungbah, tüsho tsungbonü rhü thsübah.

EZEKIEL 4:2

Tüsho ju yanpü thsang: ju kheak ayanpü rhimobo thsang, ju khiungde alo wukihang, ju kheak binkheampungbo thsang tüsho ju mükamde chipi-yümkheambe zoang.

HABAKKUK 1:10

Arünü kiulongthsürübo ki münejihchoh tüsho yakzanshuhrübo ki keangrümünechoh. Arünü chipi aban kheak kheah-a münejihchoh, tüsho ju lupü alo wumujungchoh.

ZEKARIA 1:6

Tüshe I yubo tüsho I yakzanbo, küpü inü I yamlarübo tüsho wukihrübo ki thiyukhüm jihkhea, jurünü nüsa jipürü müyanphuhkhea de? Jumonü arünü mulong müthri tüsho tha, “ Wuto Atungpuhnü apinü arhimopü lümkhi thsükhi nangde isa limrobo tüsho rhimobo yande isa ki rhimodo.”

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

YUZÜNGTHALO 4:26

khihni nüsa azhihde inü thüning tüsho alo jichoh, junangde nüsa Jordan hode ayükhi lomi chingnü shahde adükheakkhambah; nüsa nimungbo mushuhakhin, tüshe shahde adükheakbah.