JEREMIA 32:22 - AMÜSÜH HÜM CL Bible (BSI)

²² tüsho nünü arü jipürü kilim niuhke tüsho mukhuke bukkhi lomi jihpü thiyuchihchimkhi arü kilim ha alomi jih;

JEREMIA 32:22 Iomraidhean Croise

THRÜNTAN 13:15

tümüde nünü angükhi lomi inü nü tüsho nü tsühsoniusobo kilim lünnü ajihbah.

THRÜNTAN 24:7

Atungpuh yinmi Thrünpuh, shepünü I keoniorü lomi tüsho I buh yamkhün chingnü I bea lukhea, tüsho I ki thiyuchihchimde tha, ‘Nü tsühsoniusobo kilim inü ha lomi jihbah,’ apinü nü müngüh api yunirü thiyibah tüsho nünü ju chingnü I tsührü niube lujihbah.

THRÜNTAN 50:24

Tüsho Josepnü api keoniorübo ki tha, “I shechoh; tüshe Thrünpuhnü tsükjide nüsa rhua kheahbah, tüsho ha lomi chingnü bekhitde apinü Abraham, Isak tüsho Jakob ki thiyuchihchimkhi lomi ching yübah.”

NEHEMIA 9:15

Arü khümde alachoki, nünü yinmi chingnü yikhap kip tüsho arü kethürichoki lung chingnü ke rhapkhita duh. Arü kilim jihpü alokhikhi lo mükühshihpü nünü arü ki tha.

ABEKHIT 13:5

Küyimki Atungpuhnü nüsa jihpü nüsa jipürü ki alokhikhi Kananrü, Hitrü, Amorrü, Hivrü tüsho Jebusrü niuhke tüsho mukhuke bukkhi lo ching bede yüzahbanü nüsanü ha khinu ching amukhung laang.

ABEKHIT 3:17

Inü nüsa Ijiprü azhorü kuhi chingnü bekhitbah Kananrü, Hitrü, Amorrü, Perizrü, Hivrü tüsho Jebusrü lomi niuhke tüsho mukhuke bukkhi lomi ching bebah ayüpü alokhido.

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

JEREMIA 11:5

junangde khihni lakhi nangde nüsa jipürü ki niuhke tüsho mukhuke bukkhi lomi jihpü thiyuchihchimkhi inü arhimobah. Judüki inü alo, “Jude thsang, Atungpuh .”

EZEKIEL 20:15

Kheaküshe inü arü kilim jihkhi lomi, niuhke tüsho mukhuke bukkhi lomi, khide akhamkhi lomi ching bede marüpü arü ki inü sunglo ching thiyuchihchim thsü,

EZEKIEL 20:6

Ju nimung inü arü ki Ijip chingnü arü thsungkheak yimkhitkhi niuhke tüsho mukhuke bukkhi lomi, alala kheaknü khide akhamkhi lomi ching bekhitpü arü ki thiyuchihchim thsü.

WÜHKHE 14:16

‘ Tümütüsho Atungpuhnü harü mihtsürübo apinü ajihpü alokhikhi lo ching bebah marükhuk, jumonü apinü arübo sunglo ching laksah-a lah.’

WÜHKHE 14:30

Jephunne tsührü Kaleb tüsho Nun tsührü Jihusua ane kheak hode, nüsa sheshe inü alokhikhi lo ching müyüzah.

YUZÜNGTHALO 1:35

Tsükjide ha amütsü lün mihtsürü shepü she inü nüsa bebuhrü jihpü tangzüngkhi lo atsü müngü,

YUZÜNGTHALO 1:8

Kheahang, inü nüsa müngüh alo zojihlah; Atungpuhnü nüsa bebuhrübo– Abraham, Isak tüsho Jakob tüsho arü dunglim tsührübo kilim jihkhi lo ching yüzahbah mükühang.”

YUZÜNGTHALO 6:10

“Tüsho hanangde alabah, Küyimki Atungpuh nüsa Thrünpuhnü nüsa bebuhrü Abraham, Isak, tüsho Jakob ki nüsa ki tode ajihpü thiyuchihchimkhi tüsho nüsanü amüthsükhi akheahakham kiutobo ching bebah arübanü,

YUZÜNGTHALO 6:18

Tüsho nüsanü Atungpuh mük ki küpü alungkia tüsho atsüanü ju rhimoang, junangde nüsa tsüde alabah, tüsho Atungpuhnü nüsa bebuhrü kheak thiyuchihchimkhi alo atsü ching nüsanü yübah amükühbah,

YUZÜNGTHALO 6:23

Tüshe apinü isa ju chingnü bekhitbah isa bebuhrü kheak isa jihpü alokhikhi lo ching bedarü.

YUZÜNGTHALO 7:13

Tüsho apinü nüsa muzhobah, müngühjihbah, tüsho wüh bushihbah; apinü nüsa pang chingnü aso asoshihpü tüsho alo chingnü aso asopü müngühjihbah; nüsa hi, yukhu, müdangke, moshibo tüsho mihnu boto nüsa jihshihpü apinü nüsa bebuhrü ki thiyuchihchimkhi lo ching müngühjihde abushihbah.

YUZÜNGTHALO 8:1

“Inü nüsa kilim khihni thiyukhüm jihkhi yuzüngbo alala jinjihde anide rhimoang, junangde nüsa rhangdung lade wüh bubah, tüsho Atungpuhnü nüsa bebuhrü ki thiyuchihchimkhi lo ching yünü müküh-a lubah.

JIHUSUA 1:6

Reangzahang tüsho mulong ato thsang, tümüde arü jipürü ki alokhikhi nangde ha lomi mükühchoki nü harü limberü thsübah.

JIHUSUA 21:43

Jumonü Atungpuhnü Israelrü jipürü ki tangzüngkhi nangde alo ju arü kilim jih. Küyimki arünü alo ju alukhea, arü ju ching laabah.