JEREMIA 32:21 - AMÜSÜH HÜM CL Bible (BSI)

²¹ Nünü nü mihtsürü Israel Ijip lomi chingnü amütsanbo tüsho khinthiyinbebo, amüküp khah, tüsho atrebe atonü bekhit;

JEREMIA 32:21 Iomraidhean Croise

2 SAMUEL 7:23

Thrünpuhnü api mihtsürü müngühnü trükshih tüsho ju thrünpuhbo yankhitde api mung thsüa lupü tüsho arü thsungkheak ato tüsho atrebe rhimopü, api mihtsürü thsüpü rhokhitpü yükhi, nünü Ijip chingnü rhokhitkhi nü mihtsürü Israel nangde alomi ching püpü trükshih she la?

1 KIULONG THSÜRÜ 8:42

tümüde arünü nü mung ato, nü khah sühmüh, tüsho nü bin chungkhitkhi sobah küyimki khiungkerü khülang arüba tüsho ha yam lim tamkhüntamnüba,

1 KIUTHSÜYUKHEAN 17:21

Nünü Ijip chingnü arhokhitkhi nü mihtsürü müngühnü trükshihbo yankhitde api mung toshihde tüsho atrebe rhimode Thrünpuhnü api mihtsürü thsüpü rhokhitpü yükhi alomi kheak lakhi trükshih khülang, nü mihtsürü Israel nangde she la?

MUNGSHIKHÜN 105:37

Apinü arübo shotoyinchi tüsho suna bede bebah akhiuk, tüsho api trükbo lung sheshe sühmüh mülarü mülakheah.

MUNGSHIKHÜN 105:43

Apinü anihbuhnü mokhitkhi api mihtsürübo asühde bekhit.

ABEKHIT 13:14

Jumonü nü tsührünü arübe kim ching nü ki, ‘Ha tümü a?’ de keokhisho, nünü api ki thabah, ‘Atungpuh khah adüküngnü isa Ijip azhorü yamkhün chingnü bekhitkheah.

ABEKHIT 13:9

Ha nü kilim nü khah kheak amütsan khülang tüsho nü kingkang kheak amümihbe nangde alabah, junangde Atungpuh yakzan nü mün ching labah; tümüde Atungpuh khah adüküngnü nüsa Ijip chingnü bekhit.

ABEKHIT 3:20

Tüshe inü I khah chungde Ijip kheak lakbah, junangde khinthiyinbebo rhimobah. Jushu apinü nüsa yüshihbah.

ABEKHIT 6:1

Atungpuhnü Mosa ki tha, “Kheakü inü Pharao kheak tümü rhimobanü nünü angübah. I mihtsürübo tsoshihpü inü api kheak ningkihbah. Atsütsü, api lomi chingnü apinü arübo yankhita bahshihpü inü api kheak ningkihbah.”

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

ISAIA 63:12

api mung akheam mülakhi kamshihpü shepünü api müretahkhi khah Mosa khah tsülim tsahshihkhea, shepünü arü müngüh kebo chamnakkhea,

YUZÜNGTHALO 11:3

amütsanbo tüsho api rhimobo Ijip ching Pharao kiulongthsüpuh ki tüsho api lomi alala ching rhimokhi,

YUZÜNGTHALO 26:8

tüsho Atungpuhnü isa api wu-sühmüh khah chunghuhde, atrebe amütsan tüsho mihmüyinsahbe thsüde Ijip chingnü bekhit;

YUZÜNGTHALO 4:34

Yungsho A TUN GPU H nüsa Thrünpuhnü nüsa ki Ijip ching rhimokhi nangde, thrünpuh khürünü trükshih khürü püpü trükshih chingnü api yo thsüpü rükakide, amükheahmihbe huhde, khinthiyinbe rhimode, keochihde, wu-sühmüh khah chunghuhde, tüsho tode müzünkhi la shi?

YUZÜNGTHALO 7:19

nüsa müknü angükhi rükakikhi ato, amükheahmihbe, khinthiyinbe, tüsho Wuto khahnü chunghuhde Atungpuh nüsa Thrünpuhnü nüsa bekhit; jumonü Atungpuh nüsa Thrünpuhnü nüsanü trede alakhi mihtsürü alala ju ruk rhimobah.