JEREMIA 32:20 - AMÜSÜH HÜM CL Bible (BSI)

²⁰ Nünü amütsanbo tüsho khinthiyinbebo Ijip lomi ching tüsho khihni nimung ching Israel tüsho mihtsürü alala ki huhdo, tüsho khihni nimung khiungde nü mung lashihlah.

JEREMIA 32:20 Iomraidhean Croise

2 SAMUEL 7:23

Thrünpuhnü api mihtsürü müngühnü trükshih tüsho ju thrünpuhbo yankhitde api mung thsüa lupü tüsho arü thsungkheak ato tüsho atrebe rhimopü, api mihtsürü thsüpü rhokhitpü yükhi, nünü Ijip chingnü rhokhitkhi nü mihtsürü Israel nangde alomi ching püpü trükshih she la?

1 KIUTHSÜYUKHEAN 17:21

Nünü Ijip chingnü arhokhitkhi nü mihtsürü müngühnü trükshihbo yankhitde api mung toshihde tüsho atrebe rhimode Thrünpuhnü api mihtsürü thsüpü rhokhitpü yükhi alomi kheak lakhi trükshih khülang, nü mihtsürü Israel nangde she la?

NEHEMIA 9:10

Pharao kiulongthsüpuh, atorü tüsho ju lo mihtsürü azhihde mükheahmihbe tüsho khinthiyinbe yüshih, tümüde arünü nü mihtsürü küde junokheanü nünü mükheah. Nünü nü mungthukhi khihni khiungde lah.

NEHEMIA 9:11

Nü mihtsürü thsungkheak nünü keto azüshihde limro huh, tüsho arü akung lo ching bekhiung. Arü müshamrü lung keto asük ching jipyukkhi nangde thüraksah.

MUNGSHIKHÜN 135:9

Apinü nüsa bolung amütsanbo tüsho amüyinsahbebo, Pharao tüsho api yamlarübo alala kheak arüshih, O Ijip.

ABEKHIT 10:2

tüsho nü tsührü le nü tsührütsührünü sode inü Ijip ching arü bolung amütsanbo ato rhimokhi thaang, junangde I Atungpuh de nüsanü amükheahbah.”

ABEKHIT 3:20

Tüshe inü I khah chungde Ijip kheak lakbah, junangde khinthiyinbebo rhimobah. Jushu apinü nüsa yüshihbah.

ABEKHIT 7:3

Tüshe inü Pharao mulong müküpde akamshihbah, tüsho inü Ijip lo ching amütsanbo tüsho khinthiyinbebo alü kamshihshih she,

ABEKHIT 9:16

Tüshe ha thsungkheaknü inü nü asürüshihkheah, junangde I wu nü kheak huhbah tüsho alomi alala ching I mung khipkhitbah.

ISAIA 63:12

api mung akheam mülakhi kamshihpü shepünü api müretahkhi khah Mosa khah tsülim tsahshihkhea, shepünü arü müngüh kebo chamnakkhea,

ISAIA 63:14

Jindükhün ching moshi yüzahkhi nangde, Atungpuh menü arü kilim sühakhim jih. Hanangde nü mung müretahpü thsungkheaknü nünü nü mihtsürü be.

JEREMIA 13:11

Tümütüsho chimrüm khimnü khürü chim kheak kapkihkhi nangde, inü Israel yamkhün abümnü tüsho Juda yamkhün abümnü I kheak kapkihshihbah, Atungpuhnü thachoh, jude athsükhinü arübo I thsungkheaknü mihtsürü khülang, mung khülang, mungshi khülang, tüsho müretahkhi khülang labah. Tüshe arünü mani.

DANIEL 6:28

Jumonü hanü Persiarü Darius kiulongthsü tüsho Sairus kiulongthsü kim ching Daniel lalim tsüde kam.

DANIEL 9:15

Kheakü, O Atungpuh isa Thrünpuh, shepünü khah ato hode nü mihtsürü Ijip chingnü bekhit tüsho khihni ha khiungde nü mung thude kamshihkhea, isanü neak yihbeakdo, isanü amülim thsüdo.

YUNIRÜBO RHIMO 7:36

Apinü Ijip ching, Amürüm keto, tüsho sunglo ching kam yirü khinthiyinbe tüsho amüyinsahbebo rhimode bekhit.

YUZÜNGTHALO 11:3

amütsanbo tüsho api rhimobo Ijip ching Pharao kiulongthsüpuh ki tüsho api lomi alala ching rhimokhi,

YUZÜNGTHALO 4:34

Yungsho A TUN GPU H nüsa Thrünpuhnü nüsa ki Ijip ching rhimokhi nangde, thrünpuh khürünü trükshih khürü püpü trükshih chingnü api yo thsüpü rükakide, amükheahmihbe huhde, khinthiyinbe rhimode, keochihde, wu-sühmüh khah chunghuhde, tüsho tode müzünkhi la shi?

YUZÜNGTHALO 6:22

tüsho Atungpuhnü Ijip, Pharao tüsho api yamkhün azhihde amükheahmihbe khinthiyinbe, tode atrebe isa mük ki huh.

YUZÜNGTHALO 7:19

nüsa müknü angükhi rükakikhi ato, amükheahmihbe, khinthiyinbe, tüsho Wuto khahnü chunghuhde Atungpuh nüsa Thrünpuhnü nüsa bekhit; jumonü Atungpuh nüsa Thrünpuhnü nüsanü trede alakhi mihtsürü alala ju ruk rhimobah.