JEREMIA 32:19 - AMÜSÜH HÜM CL Bible (BSI)

¹⁹ lümthiyan ching ato tüsho rhimo ching wuto; tümüde arü limro alala tüsho arü rhimokhi sangaso yande thsambah jihpü mihtsürü limro alala lim nü mükbo khimshuhlah.

JEREMIA 32:19 Iomraidhean Croise

1 KIULONG THSÜRÜ 8:32

yinmi chingnü sobah rhimoang. Amülimkhibo bahyukde tüsho anihbuhnü arhimokhi aku kheak yihkihde, nü yamlarübo kheak mahkhapang, tüsho thiyuro rhimorü kheak arü thiyuro lakhi yande thiyuro thsambah jihang.

2 KIUTHSÜYUKHEAN 16:9

Tümüde api kheak thiyuro mulong larü düküngshihpü Atungpuh müknü lomi athrünkhi ngürilah. Nünü ha ching bünde rhimodo; tümüde kheakünü rünbah nü rithsübo labah.”

JOB HU H T ANYU 34:11

Tümüde apinü mihtsürü kuhi api rhimobo yande jihlochoh, tüsho api limrobo yande apinü api thsambah khülang ngüshihchoh.

JOB HU H T ANYU 34:21

Tümüde api mükbo mihtsürü limrobo kheak lah, tüsho apinü arü jingdükübo alala ngülah.

MUNGSHIKHÜN 111:2

Atungpuh rhimobo ju ato ah, jurü ching asührü alalanü lümakheahdo.

MUNGSHIKHÜN 34:15

Atungpuh mük ju thiyuro-lungkirü lim, tüsho api nükhün arü zhikhi thrip lah.

MUNGSHIKHÜN 62:12

O Atungpuh , mihmüthsüm she nü yo; tümüde nünü mihbüm aban nihbuh rhimo yande thsambah jihchoh.

MUNGSHIKHÜN 92:6

Lümzülümdo mülakhi mihtsürünü mümükheah, yungsho makharünü ha manikhit.

ABEKHIT 15:11

“O Atungpuh , thrünpuhbo lung nü ruk she la? Amüsüh ching wüntre-müretah, mungshi ching atrebe, khinthiyinbe rhimokhi ching nü ruk she la?

MÜCHITMUDU 5:21

Tümüde mihtsürü limrobo Atungpuh mükbo ki lah, tüsho api tsahpungbo alala apinü ajama kheahchoh.

MÜCHITMUDU 8:14

Lümthiyan tüsho lümlung atsü I yo; I anikhitkhi, I sühmüh lah.

T H S AN GYU T H S AN GR ARÜ 12:14

Tümütüsho rhimokhi alala, rama lakhi lüpdükhi, atsü yungsho amütsü bede Thrünpuhnü mahkhap ching hande arübah.

ISAIA 28:29

Ha she Wuto Atungpuh kilimnü arüchoh; api ju lümthiyanpü ching amüyinsahbe, tüsho lümlung ching hodaklah.

ISAIA 40:13

Shenü Atungpuh me ki de, yungsho api lümthiyan-jihrü nangde api ki limro huhde?

ISAIA 59:18

Arü rhimobo yande apinü ju ruk jihlobah; api azhihrübo kilim bukakhiukbah, api riribo kilim athrihlobah; keyean lomibo ching apinü athrihlobah.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

JEREMIA 16:17

Tümüde I mükjibo arü limro alala kheak lah; arübo I mikinü müjik yungsho arü mülimkhi I mük kinü ramkhia müla.

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

JEREMIA 21:14

Nüsanü rhimokhi sangaso nangde inü nüsa thsümüchibah, Atungpuhnü thachoh; inü ha murung ching mo takkihbah, tüsho ju mükamde alala aniuabahbah.

JEREMIA 23:24

Inü arü müngükhukpü thsüde sherünü ajik dangpungbo ching jikpü kukla? Atungpuhnü thachoh. Inü yinmi tüsho alomi mümi de? Atungpuhnü thachoh.

JEREMIA 25:14

Tümüde trükshih ahihdo tüsho kiulongthsürü atobo she arü azhorü kamshihbah; tüsho arü khah rhimobo yande arü ki jihlobah.

DANIEL 2:45

Nünü müzüng chingnü akhiukkhi lung khülang ngü, tüshe mihtsürü khahnü yung–yinchi, müwayinchi, alo, shotoyinchi tüsho suna adütre kamde ayihnakkhi lung khülang. Ato Thrünpuhnü arübe ching tümü dünjibanü kiulongthsüpuh ki huhdo. Milim ju thiyuro tüsho athanakkhi ju akinpü thülünkhi lah.”

DANIEL 4:35

Apinü alomi ching larü alala tümü kheyuka müla, tüsho yinmi putungrü tüsho alomi ching larü ki apinü tümü lümlanü rhimochoh. Api khah leanglorü yungsho api ki, “ Nü tümü rhimocho?” de atharü she müla.

ZEKARIA 9:1

Ha Atungpuh yusheak: A TU N GPU H yu ju Hadrak lomi azhihde lah tüsho Damaska kheak keambah. Tümüde Israel trükbo lang yungde Siria kiuying she Atungpuh yo ah;

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

JOHAN 5:29

tüsho akhiukbah–sherünü atsü rhimokheanü arhang kamlobah rhangdung labah, tüsho sherünü amütsü rhimokheanü arhang kamlokhi ching bahyukbah.

2 KORINT 5:10

Tümüde isa alala Khrista thiyukhap binkiu miki labah, junangde mihbüm abannü pang ching rhimokhi ayannü atsü yungsho amütsü leangkhibah.

EFISIA 1:11

Lüpdükhi api lümthiyan yande rhimobah, api lümkhi yande akhujungkhinü, isanü api lung yamrüplurüp ngü,

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.

AMIKHEAKAKHIUKKHI 22:12

“Kheahang, mihbüm aban apinü arhimokhi dün jihpü I thsambah hanbah I nahde arüchoh.