JEREMIA 32:18 - AMÜSÜH HÜM CL Bible (BSI)

¹⁸ Nünü chithürü lün ki muzhodakde huh, tüshe berübuhrü neakbo arü tsührübo khüh kheak zojih, O ato tüsho Wuto Thrünpuh, shepü mung Wuto Atungpuh la,

JEREMIA 32:18 Iomraidhean Croise

THRÜNTAN 49:24

Tüshe Jakob Thrünpuh Wuto wu, namfimihnu neakrü, Israel kümdorü hode api sanglüh tsüde la, tüsho api khah düküngde kamshih,

2 KIULONG THSÜRÜ 9:26

‘Naboth thiyih tüsho api tsührü thiyih inü yini ngükhi thsungkheak, Atungpuhnü tha, inü thiyuchihchimchoh, inü ha lo kheak nü kilim jihlobah.’ Kheakü jumonü api shuhkhitang tüsho Atungpuh yu yande api alo kheak shuh-a bahang.”

NEHEMIA 1:5

Inü tha, “O Atungpuh yinmi Thrünpuh! Nü ato tüsho atrebe Thrünpuh; nü muzhorü tüsho nü yuzüng yanrübo kheak tangzüngkhi nünü zochoh.

MUNGSHIKHÜN 50:1

Wuto Atungpuh , Thrünpuhnü asukchoh; apinü alomi athrünkhi aniakhiuklimnü aniyüzahlim khiungde jichoh.

MUNGSHIKHÜN 89:9

Nünü keto ato kurung yakzan shuhchoh; küyimki abükde akihbanü, nünü keamloshihchoh.

ABEKHIT 34:6

Tüsho apinü Mosa miki tsahhode zhiyuk, “Atungpuh , Atungpuh , mihmuzho tüsho mihmüthsüm Thrünpuh, arünnü bukakhiukchoh, amuzho tüsho thiyuro ching suhdahlah,

ABEKHIT 34:7

chithürü ki amuzho lachoh, tüsho mihbukmuyuk, azhihkhi tüsho neak bahjihchoh. Tütüshe apinü mülimkhi müthsümüchidüa müdükhe; apinü arü bebuhrü neak dünkheak arü tsührü tüsho tsührü-tsührü lün mahsam tüsho phüyi khiungde thsümüchichoh.”

ISAIA 10:21

Jakob yamkhün aningkhi Wuto Thrünpuh kilim alodarübah.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

JEREMIA 10:16

Jakob Thrünpuh a harü ruk yung, tümüde nü kukruk alala thrünkhi ju api lah, tüsho Israel ju api yamrüplurüp trük ah; Wuto Atungpuh ju api mung lah.

JEREMIA 10:6

Nü nangde she müla, O Atungpuh ; nü ato ah, tüsho wu-sühmüh ching nü mung tolah.

JEREMIA 20:11

Tüshe Atungpuh ju atrebe thirithsürü nangde I lung lah; jumonü I thsümüchirü jing mükhebah tüsho arünü mukuk. Arü tode achih ngübah,tümüde arünü akuk müngü. Arü akheam müla achihkhi küyimkishe mümih.

JEREMIA 31:35

Atungpuhnü ha thachoh, Shepünü animung yinshihpü ani jihcho tüsho azhing ching yinshihpü khinu tüsho chining zojihla, shepünü keto rhucho, junangde arungde abükcho– Wuto Atungpuh ju api mung lah:

JEREMIA 33:2

Alomi thrünrü Atungpuhnü ha thachoh, Atungpuh shepünü ha kamkhitpü thsü–Atungpuh ju api mung:

JEREMIA 50:34

Arü Rhokhitbuh sühmüh lah; Wuto Atungpuh ju api mung. Apinü tsükjide arü dünkheak müküpde azhipbah, junangde apinü aningkhi lomi kilim sühakhim jihbah, tüshe Babilon ching larü kilim sühakhim mülakhi jihbah.

DANIEL 2:45

Nünü müzüng chingnü akhiukkhi lung khülang ngü, tüshe mihtsürü khahnü yung–yinchi, müwayinchi, alo, shotoyinchi tüsho suna adütre kamde ayihnakkhi lung khülang. Ato Thrünpuhnü arübe ching tümü dünjibanü kiulongthsüpuh ki huhdo. Milim ju thiyuro tüsho athanakkhi ju akinpü thülünkhi lah.”

HABAKKUK 1:12

Nü adüsonü lah yung de, O Atungpuh I Thrünpuh, I yo Amüsüh Khülang? Nü müshe. O Atungpuh , mahkhapshihpü nünü arü mokhit; tüsho O Lung, nünü thsünüshihpü arü lashih.

WÜHKHE 14:18

‘Atungpuhnü bukakhiukpü müniokheamchoh tüsho mihmüthsüm ching suhdahlah, neak tüsho azhihde-wusukhi bahjihchoh; tüshe apinü arü bebuhrü neak dünkheaknü tsührübo tüsho tsührü-tsührübo kheak lün mahsam tüsho lün phüyi khiungde mülakphahde athsümüchihbah.’

MATHI 27:25

Tüsho mihtsürü alalanü alo, “Api thiyih isa le isa tsührübo kheak rheakshang.”

LUKNÜ ATHRÜTKHI THIYUSHEAK-ATSÜ HUHTANYU 6:38

jihang, tüsho ju nü kilim jihbah; tsüde adünde, nimde, niukarihde, müleamkhiukde nü khah ching jihbah. Tümütüsho nünü adüna jihkhi chingnü nü adünloa angübah.”

YUZÜNGTHALO 10:17

Tümüde Atungpuh nü Thrünpuh ju thrünpuhbo kurungkheak Thrünpuh tüsho atungrübo kurungkheak Atungpuh , ato Thrünpuh wu ato tüsho atrebe, shepünü jak mükheah tüsho buknim müleangkhicho,

YUZÜNGTHALO 7:21

Nüsanü arü ki dümüyinsah; tümüde Atungpuh nüsa Thrünpuh, ato tüsho atrebe Thrünpuh nüsa bolung lah.