JEREMIA 31:9 - AMÜSÜH HÜM CL Bible (BSI)

⁹ Tripde arübo arübah tüsho shukheamde inü arü belodarübah, inü arübo yungzü ke yeande atsahshihbah, limro mukhiungkhi ching arü jing mümükhe; tümüde I Israel abuh kamdo tüsho Ephraim ju I tsührü adüjibuh.

JEREMIA 31:9 Iomraidhean Croise

1 KIUTHSÜYUKHEAN 29:10

Judüki amukhungrü alala mikinü Davidnü Atungpuh mung shi; Davidnü tha: “Nü shijihchoh, O Atungpuh , isa Israel jipürü Thrünpuh, lünnü akheam müla.

MUNGSHIKHÜN 107:7

Tüsho apinü arübo alungki limrobo mikhuh be, junangde arünü alapü thsungkheak kiuto lim yüpü lakheah.

MUNGSHIKHÜN 23:2

Apinü I rimlopungbo aphüyak ching yapshihchoh; apinü I maphapkhi ke yean bechoh.

MUNGSHIKHÜN 89:27

Inü api I tsührü adüjirü, alomi kiulongthsürübo kheaknü achangbe thsüshihbah.

ABEKHIT 4:22

Judüki nünü Pharao ki thabah, Atungpuhnü ha thachoh, Israel I tsührü adüjibuh ah.

ISAIA 42:16

Inü müktukrü arünü mümükheahkhi limronü abebah, arünü mümükheahkhi tsahpung ching limbebah. Inü arü müngüh amitingnü ayin kamshihbah, mutromutruk dangpungbo alo arih kamshihbah. Harü ha inü arhimobebo lah tüsho inü harü mübahyuk.

ISAIA 43:20

Mütüm shiwühbonü I ki wüntre jihbah, shirungbo tüsho kewühtopübo; tümüde inü mokhitkhi mihtsürü kilim ayungpü thsüde inü sunglo ching ke jihchoh, loshelo ching ayungbo jihchoh,

ISAIA 45:11

Atungpuhnü ha thachoh, Israel Amüsüh Thrünpuh, tüsho Athrünrü: I tsührü yungsho I khah rhimo dünkheak nünü I ki keokhiba de?

ISAIA 57:14

Hade athabah, “ Rünkihang, rünkihang, limro thsakhamang, I mihtsürübo limro chingnü jing mükhebe alala lah-a bahang.”

ISAIA 63:13

shepünü asükbo hode arü bekhea? Loshelo ching khora nangde arü jing mümükhe.

ISAIA 63:16

Tümüde nü isa abuh, Abrahamnü isa mümükheahkheah she tüsho Israelnü isa mümütsantsan she; nü, O Atungpuh , isa abuh lah; adüsonü isa Rhokhitbuh ju nü mung ah.

ISAIA 64:8

Tütüshe, O Atungpuh , nü a isa Abuh; isa ju alo, tüsho nü isa phühdamrü; isa alala nü khah rhimo ah.

JEREMIA 3:19

I tsührü bolung küde thsah nü zojihpü; tüsho alo atsü, trükshih alala yo akheahakham yamrüplurüp küde ajihpü de inü tha. Tüsho nünü I ki, abuh de ajibah tüsho I kilimnü rholode mutso de inü tha.

JEREMIA 3:4

Nünü kheakü, “Abuh, nü a I athunu müyambuh de I ki müji de,

JEREMIA 31:20

Ephraim a inü amuzhokhi tsührü a de? Api ju inü asühkhi tsührü a de? Alochode inü api azhihde asuksuk she, judü lang inü api lümkhitchoh. Jumonü api thsungkheak I mulong niuthünaka lah; tsükjide inü api kheak mihmüthsüm labah, Atungpuhnü thachoh.

JEREMIA 50:4

Atungpuhnü thachoh, ju nimung ching, ju kim ching, Israel mihtsürü tüsho Juda mihtsürü rukhüh arübah; arünü Atungpuh arü Thrünpuh yimde tripde arübah.

HOSEA 12:4

Apinü yunirü bede shochih tüsho kuk; apinü trip tüsho api amuzho yim; apinü Bethel ching Thrünpuh shoru, tüsho ju ching apinü anihbuh ki asuk.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

MALAKI 2:10

Isa alala abuh khülang lah yung de? Thrünpuh khülangnü isa thrünkhi yung de? Dale tümüde isanü isa jipürü tangzüng müneande khülangnü khülang ki akin mülaachih le?

WÜHKHE 2:18

Aniyüzahlim peang Ephraimrü arü bonungrü ayannü arü tsükhi ching binbah, tüsho Ephraimrü limbebuh ju Ammihud tsührü Elishama.

MATHI 3:3

Tümüde Isaia wukihrünü athakhi ju api ah: “Sunglo ching khülangnü azhikhi düsheak: ‘Atungpuh thsungkheak limro thsakhamang, api limtsahpung mukhiungarihdo thsüjang.’ ”

MATHI 5:4

Mitriprübo asühpü, tümüde arübo mulong shukheambah.

MATHI 6:9

Jumonü nüsanü hanangde tamkhüntamnüang: Yinmi ching labuh isa Abuh, nü mung amüsüh thsang.

LUKNÜ ATHRÜTKHI THIYUSHEAK-ATSÜ HUHTANYU 6:21

Nüsa kheakü khümde alarübo asühpü, tümüde nüsa bukthsübah. Nüsa kheakü tripde alarübo asühpü, tümüde nüsa amünebah.

ROMRÜ KILIM PAULNÜ ATHRÜTKHI KIHÜM HUHTANYU 8:26

Junangde isa yiuhyiuhde alachoki Menü isa rungchoh; tümüde küde tamkhüntamnübanü isanü mümükheah; thiyubonü müthakhukbe ashede Me küdahnü isa thsungkheak Thrünpuh ki mushujihchoh.

2 KORINT 6:18

I nüsa abuh thsübah, tüsho nüsa I tsührübo le tsührübebo thsübah, Wuto Atungpuhnü thachoh.”

YUZÜNGTHALO 14:1

“Nüsa ju Atungpuh nüsa Thrünpuh tsührü ah; asherü thsungkheaknü nüsanü nihbuh küdah thsüde dütsüt yungsho kingkang kheak kuyü dühüt.

YUZÜNGTHALO 32:6

Nüsanü Atungpuh kheak hade rhimocho de, nüsa abünrü tüsho azhazha mihtsürü? Api ju nü thrünrü nü buh yung de, shepünü nü thrün tüsho trük kamshih?

IBRI 12:13

Limro arihkhibo kheak tsahang, junangde nü jing nüpkhi müphülapkhit, tüshe athsüngubah.

IBRI 12:23

tüsho yinmi ching adüjirü mung thrüta lakhi mukhungpung, tüsho alala Thrünpuh mahkhaprü tüsho thiyurolungkirü khiukdahde akamshihkhi mebo kilim,

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

AMIKHEAKAKHIUKKHI 7:17

Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”