JEREMIA 31:7 - AMÜSÜH HÜM CL Bible (BSI)

⁷ Tümüde Atungpuhnü ha thachoh: Jakob thsungkheaknü asühde achangnü khün thsüang, tüsho trükshih yo atobe thsungkheak zhiang; zhiyukang, mungshi jihang, tüsho thaang, “ O Atungpuh , nü mihtsürü aningkhi Israel khümkhitang.”

JEREMIA 31:7 Iomraidhean Croise

MUNGSHIKHÜN 106:47

Nü mung amüsüh kilim makshe jihpü tüsho nü mungshikhi ching akuk ngüpü, isa khümkhitang, O Atungpuh isa Thrünpuh, tüsho isa khiungkerü bolungnü bemukhungang.

MUNGSHIKHÜN 126:2

Judüki isa mün münemüzhinü, tüsho isa mulo khün thsükhinü mide alakheah. Arünü trükshih bolung tha, “Atungpuhnü arü thsungkheak ato rhimodo.”

MUNGSHIKHÜN 14:7

O, Israel akhümkhit Zion chingnü arükhülaa! Küyimki Atungpuhnü api mihtsürü aramrü belode arübanü, Jakob asühachihbah tüsho Israel asühbah.

MUNGSHIKHÜN 28:9

Nü mihtsürü khümkhitang, tüsho nü yamrüplurüp müngühjang; nü arü neakrü thsang tüsho lünnü arü kümang.

MUNGSHIKHÜN 67:1

Thrünpuhnü isa ki müthsümshang tüsho isa müngühshang tüsho api miro isa kheak yinshang.

MUNGSHIKHÜN 69:35

Tümüde Thrünpuhnü Zion khümkhitbah tüsho Juda kiutobo thsübah, junangde ju ching mihtsürübo labah tüsho müküh-a lubah;

ISAIA 1:9

Wuto Atungpuhnü isa anükhüh aninga mülashihkhülaa, isa Sodom nangde alabah, tüsho Gomorra nangde akambah.

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 37:31

Juda yamkhün aninga rhangdung lakhi kheaküshe aying chinyukbah, tüsho akulim aso asobah;

ISAIA 37:4

Rabshake yubo Atungpuh nü Thrünpuhnü soa labah, shepü ki api putungrü Asiria kiulongthsüpuhnü arhang Thrünpuh keangrüpü, tüsho Atungpuh nü Thrünpuhnü asokhi yubo mükhemürangpü thiyikhea; jumonü aninga larü thsungkheaknü tamkhüntamnü zhiang.”

ISAIA 44:23

Khün thsang O thüningbo, tümüde Atungpuhnü ha thsükheah; zhiang, O alomi asükbo; khün thsüde ahoang, O awungbo, O murung, tüsho ju ching sangdungbo! Tümüde Atungpuhnü Jakob rhokhitdo tüsho Israel ching müretahbah.

ISAIA 52:8

Aniang! Nü chipi aheangrübonü arü düsheak shuhkihchoh, arü rukhühnü khün thsüde asühachihchoh; tümüde arü müknü Atungpuh Zion ching alodarükhi ngülah.

ISAIA 61:9

Arü tsühsoniusobo trükshih bolung mükheahbah, tüsho arü münübo mihtsürü bolung mükheahbah, arü ngürü alalanü arübo ju Thrünpuhnü müngühjihkhi mihtsürü de amükheahbah.

JEREMIA 20:13

Atungpuh ki khün thsüang; Atungpuh shiang! Tümüde apinü müthsümülarü rhangdung ju amütsü-rhimorü khah chingnü bekhitdo.

JEREMIA 23:3

Inü I mihtsürübo aningkhi lomibo ching yanmüzütkhi bemukhungbah, tüsho arübo nihbuh lapung lomi ching bedarübah, tüsho arübo tsührü labah tüsho wüh jabah.

JEREMIA 3:23

Tsükjide awung mujuk tüsho awungbo kheak sangthsü kingaünde asühkhi ju akeangkeang lah. Tsükjide Atungpuh isa Thrünpuh lung Israel akhümkhit lah.

JEREMIA 31:12

Arünü arübah tüsho Zion wung kheak achangnü khün thsübah, tüsho Atungpuh tsükhi– hi, yukhu, tüsho müdangke, namfimihnu tüsho moshi dünkheaknü arübonü asühachihbah; arü rhangdung ju ke tsüde aduhkhi ayündo nangde akambah tüsho arübo kheaküa mulong murozhak.

TÜZHOKHI 1:1

Khülang ki mihtsürünü mia lakhi kiuto küdükhüh zhikrangkhündo yapla! Künangde anihbe khimoberü nangde kama la, trükshih bolung anihbe ato lakheah! Anihbe lomi bolung ching kiulongthsürü lakhi azhorü kamdo.

EZEKIEL 6:8

Tüshe inü khürü aningshihbah, tümüde nüsa lomibo tüsho trükshih bolung müzütchoki nüsa khürü nukshang chingnü atsokhitbah.

HOSEA 1:7

Tüshe inü Juda yamkhün kheak muzhobah; inü arübo sanglüh, yungsho nukshang, yungsho thirithsü, yungsho khorabo, yungsho khoraberü hode mükhümkhit; tüshe I Atungpuh arü Thrünpuh hode arü khümkhitbah.”

JOEL 2:32

Judüki sherünü Atungpuh mung jibanü akhümkhitbah; tümüde Atungpuhnü athakhi nangde, Zion Müzüng tüsho Jirusalem ching atsokhitrü labah, tüsho rhangdung larü bolung ching Atungpuhnü ajirü labah.

AMOS 5:15

Amütsü thraneanang tüsho atsü muzhoang, tüsho chipimurung ching thiyuro lashang; khükijua Atungpuh , Wuto Thrünpuhnü ha trükshih mihtsürü aningkhi kheak müthsümbah.

MIKA 2:12

Inü tsükjide nüsa alala bemukhungbah, O Jakob, inü Israel arhang larü bemukhungbah; inü arübo rimlopung ching namfimihnu boto nangde, ayam ching bemukhungbah; ju mihtsürünü mide akambah.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

ZEPHANIA 2:9

Jumonü Wuto Atungpuh Israel Thrünpuhnü thachoh, I lale, Moab ju Sodom nangde tüsho Amonrü ju Gomorra nangde ayangbo tüsho thimi khün lakhi lomi kambah, tüsho lünnü thsümünima labah. I mihtsürü aningkhinü arü yankhia lubah tüsho I trükshih rhangdung larünü arü müküh-a lubah.

ROMRÜ KILIM PAULNÜ ATHRÜTKHI KIHÜM HUHTANYU 11:5

Jumonü kheakü kim ching she amüthsüm hode mokhitkhi aningkhi lah.

ROMRÜ KILIM PAULNÜ ATHRÜTKHI KIHÜM HUHTANYU 9:27

Tüsho Isaianü Israel dünkheak zhi: “Israel tsührübo khekhi ju loyi nangde lalashe, arü aningkhi lang akhümkhitbah;

YUZÜNGTHALO 28:13

Tüsho Atungpuhnü nüsa amo yungde aku kamshihbah; inü khihni nüsa kilim jihkhi Atungpuh yukhüm anide jurübo düshihde rhimosho, nüsa akumung lang alabah tüshe abukkhüp lim müla.

YUZÜNGTHALO 32:43

O trükbo, Atungpuh mihtsürübo shiang; tümüde api yamlarübo laksahrü alala kheak apinü royimchoh, tüsho api riri kheak royimchoh, tüsho api lo le amihtsürü neak bahjihchoh.