JEREMIA 31:6 - AMÜSÜH HÜM CL Bible (BSI)

⁶ Tümüde judüki nimung khülang aheangrünü Ephraim lomi wung ching jikhi labah: “Arang, isanü Atungpuh isa Thrünpuh kilim Zion ching wutuanü.”

JEREMIA 31:6 Iomraidhean Croise

2 KIUTHSÜYUKHEAN 13:4

Judüki Abijanü Ephraim awung lomi ching lakhi Zemaraim wung düpheak kheak zhip, tüsho tha, “I ki aniang, Jeroboam tüsho Israel alala!

EZRA 1:5

Junangde Juda tüsho Benjamin trük chingnü gukbo aban ching azothsürübo, amükeamrübo, Levirübo tüsho sherü Thrünpuh nü ayüpü mulong athsungkheanü arübo Jirusalem ching arüngyam thsülopü tsahmusu.

MUNGSHIKHÜN 84:5

Mihtsürü shepü sühmüh nü kheak la, shepü mulong amüsüh-hantsahpü lanü müngühmühi.

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

ISAIA 40:9

Nü awung achang kheak yükihang, O Zion, thiyusheak atsü mükheahshang; nü düsheak sühmüh zahde shuhkihang, O Jirusalem, thiyusheak atsü mükheahshang, shuhkihang, dütre; Juda kiutobo ki thaang, “Ha ching nüsa Thrünpuh lah!”

ISAIA 62:6

Nü rhübo kheak, O Jirusalem, inü aheangrü zojihlah; nimungroro tüsho tsüngreroro arünü zhikde müla. Nüsa sherü Atungpuh ki lümkhitloshihbanü zhikde düla,

JEREMIA 3:14

Rholoang, O akin mülakhi tsührü, Atungpuhnü thachoh, tümüde I nü putungrü lah; inü nüsa, khülang kiuto chingnü tüsho mahne yamkhün chingnü bea lubah, tüsho inü nüsa Zion lim bedarübah.

JEREMIA 31:12

Arünü arübah tüsho Zion wung kheak achangnü khün thsübah, tüsho Atungpuh tsükhi– hi, yukhu, tüsho müdangke, namfimihnu tüsho moshi dünkheaknü arübonü asühachihbah; arü rhangdung ju ke tsüde aduhkhi ayündo nangde akambah tüsho arübo kheaküa mulong murozhak.

JEREMIA 50:19

Inü rimlopung ching Israel belodarübah tüsho Karmel kheak le Bashan ching yimtsühshihbah, tüsho Ephraim wungbo kheak Gilead ching apinü akünkhi reangkeambah.

JEREMIA 6:17

Kheaküshe inü nüsa thsungkheak aheangrübo zojihlah: “Hulipungpung düsheak aniang!” Tüshe arünü tha, “ Isanü mani.”

EZEKIEL 3:17

“Mihtsürü tsührü, inü nü Israel yamkhün thsungkheak aheangrü khülang kamshihdo; jumonü inü asukkhi yu aniang tüsho I kilimnü arü ki dühdükhi yu jihang.

EZEKIEL 33:2

O mihtsürü tsührü, nü mihtsürübo ki asukang tüsho arü ki thaang, Mürangkhüh inü lomi kheak thirithsü handarüsho tüsho lomi mihtsürünü arü bolung khülang arü aheangrü zosho;

HOSEA 1:11

Juda mihtsürü tüsho Israel mihtsürü rukhüh mukhungbah, tüsho arünü arü thsungkheak limberü khülang mokhitbah; tüsho arünü alo müküh-a lubah, tümüde Jezreel nimung ju ato labah.

HOSEA 9:8

Wukihrü ju Ephraim aheangrü I Thrünpuh lung lah, tütüshe wukihrü limrobo alala ching qimürip lah, tüsho api Thrünpuh yam ching mükthsü lah.