JEREMIA 31:38 - AMÜSÜH HÜM CL Bible (BSI)

³⁸ Atungpuh thsungkheak Hananel Aheangsadam kheaknü Amühit Chipiripit khiungde kiuto thsülopü nimung tsükjide arado, Atungpuhnü thachoh.

JEREMIA 31:38 Iomraidhean Croise

2 KIULONG THSÜRÜ 14:13

Israel kiulongthsüpuh Jehoashnü Ahazia tsührü Joash tsührü Juda kiulongthsüpuh Amazia Beth-shemesh ching kuk; api Jirusalem ching arü, tüsho apinü Ephraim ripit chingnü amühit ripit khiungde khahnap 400 bande Jirusalem chipi yihkheam.

2 KIUTHSÜYUKHEAN 26:9

Uzzianü Jirusalem ching aheangsadambo Amühit Ripit ching, Jindükhün Ripit ching, tüsho Akiklo ching thsü, tüsho chipinü ayündo.

NEHEMIA 2:17

Tüshe inü arü ki tha, “ Kheahang isa küdükhüh thsünükhi ching la, tümüde Jirusalem thsümünima lah tüsho chipiripitbo monü taka lah! Arang, isanü Jirusalem chipi thsüloanü, ju hode isa kheak mihmüthsüm mülakhi arün thsüshihanü.”

NEHEMIA 3:1

Kiuto chipi ju ha ruk thsülokheah. Achangbe Amükeambuh Eliashib tüsho amüyamrü amükeamrübonü Namfimihnu Chipiripit thsübah müsükhit tüsho ripitbo awopung ching wo. Chipi ju Chi Aheangsadam tüsho Hananel Aheangsadam khiungde thsülo.

MUNGSHIKHÜN 102:17

Apinü abahyukkhi mihtsürübonü tamkhüntamnükhi leangkhijihbah, tüsho arü tamkhüntamnükhi mükhemükim müthsü.

ISAIA 44:28

shepünü Sairus dünkheak tha, “Api I mihnu neakrü, tüsho apinü I lümkhi alala rhimode ayübah;” tüsho shepünü Jirusalem dünkheak tha, “Ha athsülobah,” tüsho arüngyam dünkheak, “ Nü khimtan khimbah.”

JEREMIA 23:5

Atungpuhnü thachoh, David thsungkheaknü inü thiyuro-lungki sangkhah asürüshihpü nimungbo tsükjide arado, tüsho kiulongthsürü nangde kiulongthsübah tüsho lümlung lade rhimobah, tüsho lomi ching thiyuro tüsho thiyuro-lungki rhimobah.

JEREMIA 30:18

Atungpuhnü ha thachoh: Inü Jakob khimyam kuhibo jihlopü thsüchoh, tüsho api lapung kheak mihmuzho labah; kiuto ju amujuk kheak thsülobah, tüsho alungki dangpung kheak kiulongthsürü-yam thsübah.

JEREMIA 31:27

Atungpuhnü thachoh, Israel yamkhün tüsho Juda yamkhün kheak mihtsürü tüsho shiwüh müjihbo hiupü nimung tsükjide arado.

JEREMIA 31:4

Kheaküshe inü nü bemusubah, tüsho nü thsülobah, O atsangkhit Israel! Kheaküshe nünü züpzüppü lubah tüsho asühde tsünde ayübah.

JEREMIA 33:7

Inü Juda kuhi tüsho Israel kuhi jihlobah, tüsho arü atankih nangde thsülojihbah.

DANIEL 9:25

Jumonü mükheahang tüsho anikhitang: Jirusalem thsülopü thiyu wukhiukkhi chingnü mujude-mokhitkhi limberü khülang kim khiungde thünenü shu thüne kambo labah; tüsho thünenü shu rukrükheak mahne kambo ching ju kiudunglimrobo tüsho khuhtotsunglobebo bede athsülobah, tüshe ha küpkhuk kim khülang labah.

ZEKARIA 14:10

Alomi athrünkhi, Geba chingnü Jirusalem düjinglim Rimmon khiungde adükhün kambah. Tüshe Jirusalem a Benjamin chipiripit kheaknü adüso ripit dangpung, Amühit Chipiripit khiungde, tüsho Hananel Aheangsadam kheaknü kiulongthsüpuh yukhu nitpung khiungde adüpheak labah.

ZEKARIA 2:6

Wusuang, Wusuang! Dukulim lomi chingnü tsoang, Atungpuhnü thachoh; tümüde thüning lim pung phüyi nangde inü khiungke lim nüsa hiumüzütshih, Atungpuhnü thachoh.