JEREMIA 31:32 - AMÜSÜH HÜM CL Bible (BSI)

³² Ha inü arü jipürü Ijip lomi chingnü khah kheaknü thokhitchoki tangzüng nangde yung, tümüde I arü aputungrü thsüthsü she, arünü I tangzüng thsümünim, Atungpuhnü thachoh.

JEREMIA 31:32 Iomraidhean Croise

1 KIULONG THSÜRÜ 8:9

Sangdan ching tümü she mülakheah tüshe Israelrü Ijip lomi chingnü akhiukchoki Atungpuhnü arü kheak tangzüng pung Horeb ching Mosanü lungbeak mahne yukkhi lang alakheah.

MUNGSHIKHÜN 73:23

Judüalalashe I nü lung mutuklode lah; nü khah tsülimnü I tholoang.

MUNGSHIKHÜN 78:37

tümüde arü mulong api ki müdüküng, yungsho api ki tangzüngkhi ching thiyuro müla.

ABEKHIT 19:5

Jumonü kheakü nüsanü atsütsü I yu anisho tüsho I tangzüng zosho, mihtsürü alala kurungkheak nüsa I lakhit atsübe thsübah; tümüde alomi alala I yo ah.

ABEKHIT 32:8

Inü arü ki thiyukhüm jihkhi chingnü nahde rholode tsodo tüsho arü thsungkheak moshipungnunu mejak khülang thsüa lah. Arünü ju miki mükhümde laksah-a kingaün tüsho tha, ‘O Israel, harü ha nüsa Ijip lomi chingnü bekhitkhi nüsa thrünpuhbo ah.’”

KHÜNBOLUNGKHÜN 8:5

Sunglo chingnü anihbe müyambuh kheak angükihbah atucho ju shepü a? Nü zübepung, mukhiuk dung khüp inü nü yihmusukheah.

ISAIA 24:5

Mihtsürübonü alomi müneando; tümüde arünü yakzanbo lakmihdo, thiyuzüngbo thsümünimdo, akheam mülakhi tangzüng yihshakdo.

ISAIA 41:13

Tümüde, I, Atungpuh nü Thrünpuh, nü khah tsülim ramlolah; inü nü ki thachoh, “Dütre, inü nü rungbah.”

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

JEREMIA 11:3

Nünü arü ki thaang, Atungpuh Israel Thrünpuhnü ha thachoh: Ha tangzüng yubo manirü muthrumünean yükihshang,

JEREMIA 11:4

küpü nüsa jipürü Ijip lomi yinchi motru chingnü bekhitchoki inü arü ki thade, I yu aniang, tüsho inü nü ki thiyukhüm jihkhi alala rhimoang de thiyukhüm jih. Junangde nüsa I mihtsürü thsübah,

JEREMIA 2:2

Yüang tüsho Jirusalemnü sode zhiyukang, Atungpuhnü ha thachoh: Inü nü athunuchoki shuhmülanga jihkhi lümkhitchoh, akhuh yamkhün thsüchoki mümükheankhi lomi sunglo ching nünü I yankhi lümkhitchoh.

JEREMIA 22:9

Tüsho arünü alobah, “Tümütüsho arünü Atungpuh arü Thrünpuh tangzüngkhi bahyukdo tüsho püpü thrünpuhbo kingaün tüsho tankih.”

JEREMIA 3:14

Rholoang, O akin mülakhi tsührü, Atungpuhnü thachoh, tümüde I nü putungrü lah; inü nüsa, khülang kiuto chingnü tüsho mahne yamkhün chingnü bea lubah, tüsho inü nüsa Zion lim bedarübah.

JEREMIA 31:1

Atungpuhnü thachoh, ju kim ching I Israel yamkhün alala Thrünpuh thsübah, tüsho arübo I mihtsürü thsübah.

JEREMIA 34:13

Atungpuh , Israel Thrünpuhnü ha thachoh: Inü nüsa jipürü azhorü yamkhün chingnü bekhitchoki inü arü ki tangzüng khülang thsüde tha,

JEREMIA 34:14

“ Ibrirü nüsa ki yinbah kam thuruk nüsa tankihkhi nüsa mihbüm abannü kam thünepü ching zuzu kamshihbeah.” Tüshe nüsa jipürübonü I ki mani yungsho arü nükhün I ki manguh.

EZEKIEL 16:8

Ju dunglim I hode yü, tüsho nü kheak kheah; nü ju muzhoachihpü kim lakheah. Inü I khim münkheam nü kheak züngkihjih tüsho nü bünkeang lakhi lüpdojih. Inü nü ki thiyuchihchim jih tüsho nü kheak tangzüngpü ching yüzah, Wuto Atungpuhnü thachoh, tüsho nü I yo kam.

EZEKIEL 20:37

Inü nüsa I tso khüp hosihbah tüsho tangzüngkhi ching inü nüsa hanyukbah.

EZEKIEL 23:4

Azopü mung Ohola tüsho anihbe niurü mung Oholiba lakheah. Ane chido inü lu, tüsho anenü tsührübo le tsührübebo zübejih. Ane mung, Ohola ju Samaria, tüsho Oholiba ju Jirusalem.

HOSEA 11:1

Küyimki Israel azürü lakhea, inü api muzhokheah, tüsho I tsührü nangde Ijip chingnü jikhit.

HOSEA 2:2

Nü be ki thürühang, thürühang, tümüde anihbe I niube yung tüsho I aniubuh yung. Anihbenü müzammüramkhi tüsho beyapkhi tukloshang.

HOSEA 3:1

Atungpuhnü I ki thalo, “ Yüang, Israel mihtsürünü püpü thrünpuhbo tüsho akungkhi yikhap kilim rhololo she Atungpuhnü arü muzhokhi nangde amuzhorü larü tüsho müzammüram liberü nü yamkhünbe ki muzholoang.”

LEVI 26:15

tüsho I yakzan thsükhibo manisho tüsho I yuzüngbo manisho yungsho I yukhümbo alala müleangkhide tangzüngkhi thsümünimsho,

MARK 8:23

Apinü müktukbuh ju akhah kheaknü thoa lubah kiulong chingnü wukhiuk. Küyimki apinü mihtsürü mük kheak mukhiukkihkhea, tüsho akhahnü api qiukhea, Jisunü keo, “Nünü tümükhüh ngünah?”

JOHAN 3:29

Yamkhün-kambe ju yamkhünkambuh yo ah; tüshe yamkhünkambuh müyamrü, shepünü zhipbah api ki anichonü yamkhün-kambuh düsheak hode tode asühachihchoh. Jumonü ha I asühkhi dünjido.

YUNIRÜBO RHIMO 23:19

Limthobuhnü akhah kheaknü thoa lu tüsho tsahhuhbah mükhingde api ki keokhi, “Nünü I ki thapü ju tümü a?”

2 KORINT 11:2

Inü nüsa kheak amüsüh mükthsülah, tümüde inü nüsa ju atsangkhit arhangberü nangde yamkhünbuh khülang, Khrista ki rhangshihpü alokhido.

YUZÜNGTHALO 1:31

tüsho mihtsürünü nihbuh tsührü buhkhi ruk sunglo tüsho ha khiungde arükhi lomi ching Atungpuhnü künangde nüsa buhde arükheanü nüsanü ngüdo.

YUZÜNGTHALO 29:1

Harübo ha apinü arü kheak Horeb ching tangzüngkhi lung ajakde Israel mihtsürübo ki Moab ching thiyukhüm jihshihpü Atungpuhnü Mosa ki tangzüngkhi jihkhibo ah.

YUZÜNGTHALO 29:21

Tüsho ha yakzan hüm ching thrüta lakhi muthrumünean tangzüngkhi nangde Atungpuhnü api thsümüchipü thsungkheaknü api Israel trükbo alala chingnü bemuwuhbah.

YUZÜNGTHALO 29:24

Trük alalanü athabah, ‘ Tümüde Atungpuhnü ha lo ching hade arhimokhea? Tode abukakhiukkhi ha tümü amütsan?’

YUZÜNGTHALO 31:16

Tüsho Atungpuhnü Mosa ki tha, “Kheahang, nü nü buh pürü lung sühakhimbah; tüsho ha mihtsürübonü asürübah tüsho khiungkerü lo thrünpuhbo kheak müzammüram ahoribah, küching arü yübanü jurü bolung labah, tüsho arünü I bahyukbah tüsho inü arü kheak tangzüngkhi thsümünimbah.

YUZÜNGTHALO 31:20

Küyimki arübo inü arü jipürü kheak thiyuchihchimkhi, niuhke tüsho mukhuke bukkhi lo ching bede ayübanü, tüsho arünü bukthsüde tsühbah shih kihbanü; judüki arünü püpürü thrünpuhbo kilim anguhde yübah atankihbah; tüsho arünü I bahyukbah tüsho tangzüngkhi thsümünimbah.

YUZÜNGTHALO 5:2

Atungpuh isa Thrünpuhnü isa ki Horeb ching tangzüng khülang thsü.

YUZÜNGTHALO 5:3

Atungpuhnü ha isa bebuhrü kheak mütangzüng, tüshe khihni ha ching lakhi rhangdung larübo isa ki ah.

IBRI 8:9

inü Ijip lomi chingnü arü khah kheaknü bekhitkhi nimung arü jipürü ki tangzüngkhi nangde yung; tümüde arünü I tangzüng ching müladebah, jumonü inü arü ki manijih, Atungpuhnü thachoh.