JEREMIA 31:3 - AMÜSÜH HÜM CL Bible (BSI)

³ Atungpuhnü adüsonü api ki akhiuka huh. Inü akheam müla amuzhonü nü muzhokheah; jumonü mutuklode inü nü ki amuzho huh.

JEREMIA 31:3 Iomraidhean Croise

1 KIULONG THSÜRÜ 10:9

Nü kheak asühbuh tüsho nü Israel kiulongthsü-binkiu kheak binshihbuh Atungpuh nü Thrünpuh shiang! Tümütüsho Atungpuhnü lünnü Israel muzhodo, jak mükheahpü tüsho thiyuro rhimopü apinü nü kiulongthsürü kamshihdo.”

MUNGSHIKHÜN 103:17

Tüshe Atungpuh amüthsüm ju api trerü kilim akheam mülanü akheam müla khiungde, tüsho api thiyuro-lungki ju tsührü tsührübo khiungde lah,

MUNGSHIKHÜN 25:6

O Atungpuh , nü amüthsüm tüsho nü muzhodakkhi lümkhitang, tümüde jurübo adüsonü lah.

KHÜNBOLUNGKHÜN 1:4

I nü lung bea lung, ike alihde tsoanü. Kiulongthsüpuhnü I api khiungshak ching beyuka lah. Isanü nü lung tode asühbah tüsho asühachihbah; isanü nü muzho yukhu kheaknü alü shijihbah; dükde arünü nü muzholah.

ISAIA 43:4

Tümütüsho nü I miki shoto lah, tüsho akinashu lah, tüsho inü nü muzholah, inü nü müthri mihtsürübo, nü rhangdung müthri trükshihbo jihchoh.

ISAIA 45:17

Tüshe Israel a Atungpuhnü akheam müla akhümkhit hode khümkhita lah; nü a küyimkishe achih müngüshih yungsho müyingyingshih.

ISAIA 49:14

Tüshe Zionnü tha, “Atungpuhnü I bahyukdo, I Tungpuhnü I mihdo.”

HOSEA 11:1

Küyimki Israel azürü lakhea, inü api muzhokheah, tüsho I tsührü nangde Ijip chingnü jikhit.

HOSEA 11:4

Inü arü mihtsürü mihmuzho tüsho amuzho liunü bea lu. Inü arü hung kheaknü sangkap shuhkhijih tüsho arü yimkippü mükhüm.

MALAKI 1:2

Inü nü muzhodo, Atungpuhnü thachoh. Tüshe nünü thachoh, “ Küde thsah nünü isa muzhokhi?” Esau ju Jakob akhiung yung de? Atungpuhnü thachoh. Tütüshe inü Jakob muzhodo

ROMRÜ KILIM PAULNÜ ATHRÜTKHI KIHÜM HUHTANYU 8:30

Tüsho apinü mokhita larü apinü ji; tüsho apinü jia larü alim mütsanjih; tüsho apinü alim mütsanjih-a larü apinü müretahshih.

ROMRÜ KILIM PAULNÜ ATHRÜTKHI KIHÜM HUHTANYU 9:13

Ha thrüta lah, “Inü Jakob muzho, tüshe inü Esau thranean.”

YUZÜNGTHALO 10:15

Tüshe khihni lakhi nangde Atungpuhnü nüsa jipürü kheak mulong keamde muzho tüsho apinü arü tsührü-tsührübo, nüsabo trükshih alala kurungkheak mokhit.

YUZÜNGTHALO 33:26

“O Jeshurun, Thrünpuh nangde sheshe müla, shepünü nüsa rungpü achang yinmi hode, tüsho api kiulongthsü thüning hode arücho.

YUZÜNGTHALO 33:3

Am, apinü amihtsürü muzho; api kilim müsühkhitrübo alala api khah ching lakheah; jumonü isanü api jing ki binchoh tüsho api yubo leangkhichoh,

YUZÜNGTHALO 4:37

Tümütüsho apinü nüsa bebuhrü muzho, jumonü apinü arü dunglim tsühsoniusobo mokhit; tüsho api wunü nüsa Ijip chingnü bekhit.

2 TIMOTHI 1:9

shepünü isa khümkhit, tüsho amüsüh jikhi ching isa jikhea, isa rhimobo dünkheaknü yung, tüshe api lümkhi tüsho adüso kambo ching Jisu Khrista hode apinü isa kilim jihkhi amüthsüm dünkheaknü,

JAKOB 1:18

Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.

1 PETER 1:3

Atungpuh Jisu Khrista Abuh tüsho Thrünpuh shiang! Api mihmüthsüm ato hode Jisu Khrista ashe chingnü arhang kamlokhinü alapü mulonglam ching isa aso zübeshihdo,

1 JOHAN 4:19

Isanü muzhochoh, tümütüsho apinü akhuhde isa muzho.