JEREMIA 31:28 - AMÜSÜH HÜM CL Bible (BSI)

²⁸ Tüsho inü arü zükshakpü tüsho thokheampü, jipa bahpü, athsümünimpü, tüsho amütsü handarüpü kheahkhi nangde inü arü thsülopü tüsho ayangpü kheahbah, Atungpuhnü thachoh.

JEREMIA 31:28 Iomraidhean Croise

JOB HU H T ANYU 29:2

O, ahokhi khinubo ching nangde I lakhülaa, Thrünpuhnü I kheak kheahkhi nimungbo ching nangde;

MUNGSHIKHÜN 102:16

Tümüde Atungpuhnü Zion thsülobah; anihbuh müretahkhi ching api akhiukbah.

MUNGSHIKHÜN 147:2

Atungpuhnü Jirusalem laloshihchoh; apinü Israel ramtsorü bemukhungchoh.

MUNGSHIKHÜN 69:35

Tümüde Thrünpuhnü Zion khümkhitbah tüsho Juda kiutobo thsübah, junangde ju ching mihtsürübo labah tüsho müküh-a lubah;

JEREMIA 1:10

Kheahang, khihni inü nü trükshih tüsho kiulongthsübo kurungkheak arukkhitpü tüsho athomülünpü, athsümünimpü tüsho lahyuka bahpü, athsüpü tüsho akhimpü zojihchoh.”

JEREMIA 1:12

Judüki Atungpuhnü I ki tha, “ Nünü tsüde ngüdo, tümüde I yu dünjipü rhimoa huhpü inü kheahde lah.”

JEREMIA 24:6

Atsü thsungkheaknü arü kheak I mük zobah, tüsho ha lomi ching inü arü belodarübah. Inü arü thsükihbah, tüsho arü müthokheam; inü arü khimbah, tüsho arü mürukkhit.

JEREMIA 32:41

Inü arü kheak atsü rhimokhinü asühbah, tüsho thülünde, I mulong alala tüsho I me alalanü inü arü ha lomi ching lashihbah.

JEREMIA 32:42

Tümüde Atungpuhnü ha thachoh: Inü ha mihtsürü kheak thsümütsü ato handarükhi nangde, inü kheakü arü ki alokhikhi, kuhi atsü alala arü kheak handarübah.

JEREMIA 42:10

Nüsanü lang ha lomi ching lasho, inü nüsa bemusubah tüsho nüsa muthokheam; inü nüsa khimbah, tüsho nüsa murukkhit; tümüde inü nüsa kheak thsümütsü handarükhi dünkheak I mulong ashilah.

JEREMIA 44:27

Inü arü kurungkheak athsümünimpü kheahbah tüsho atsü thsungkheak yung; Ijip ching lakhi Juda mihtsürü alala nukshang tüsho khümzungnü, khülang she maningyi khiungde dükheakshihbah.

JEREMIA 45:4

Nünü api ki ha thaang, “Atungpuhnü ha thachoh: Lomi alala ching inü tümü thsükheanü thokheambah, tüsho inü akhimkhi rukkhitbah.

EZEKIEL 19:12

Tüshe ju bukmüshakkhi ching rukkhit tüsho alo ching bah. Aniakhiuklim pungnü aso ju yünmukuhabah, akhah adüküngbo yünshaka sheshih tüsho monü aniuabah.

EZEKIEL 36:10

tüsho inü nüsa kheak mihtsürübo wüh bushihbah, Israel yamkhün athrünkhi lashihbah; kiutobo ching lalobah tüsho athsümünimkhi dangpungbo thsülobah;

DANIEL 9:14

Atungpuhnü isa kheak thsümütsü handarüpü lüm müshangmang, tümüde Atungpuh isa Thrünpuh ju apinü arhimokhi lüpdükhi ching thiyuro-lungki lah; tütüshe isanü api ki mihyumani.

DANIEL 9:25

Jumonü mükheahang tüsho anikhitang: Jirusalem thsülopü thiyu wukhiukkhi chingnü mujude-mokhitkhi limberü khülang kim khiungde thünenü shu thüne kambo labah; tüsho thünenü shu rukrükheak mahne kambo ching ju kiudunglimrobo tüsho khuhtotsunglobebo bede athsülobah, tüshe ha küpkhuk kim khülang labah.

AMOS 9:11

Ju nimung David khimyam keama lakhi inü alahmusubah, tüsho azhakkhibo thsülobah, tüsho athsümünimkhibo lahmusubah, tüsho awün nimungbo nangde athsülobah;

AMOS 9:14

Inü I mihtsürü Israel kuhi jihlobah, tüsho arünü athsümünim kiutobo thsülobah tüsho jurü ching labah; arünü kurungasobo yangbah tüsho jurü yukhu yungbah, tüsho arünü awündobo thsübah tüsho sangaso tsühbah.

ZEKARIA 8:14

Tümüde Wuto Atungpuhnü ha thachoh: Nüsa jipürünü I bukakhiukshihchoki, inü mülümalode nüsa kheak thsümütsü hande arükhi nangde, Wuto Atungpuhnü thachoh,

ZEKARIA 8:15

junangde kheaküshe inü harü nimungbo ching Jirusalem tüsho Juda yamkhün ki atsü rhimopü lümkhi lah; dütre.

YUNIRÜBO RHIMO 15:16

‘Ha dunglim inü arholobah tüsho keama lakhi David lapung thsülobah; athsümünimkhi inü athsülobah tüsho inü ju laloshihbah,

YUZÜNGTHALO 30:9

Nü khahnü arhimokhi, nü pang chingnü tsührü, akamshiwüh bupü, tüsho nü lo chingnü atsü akhiukshihde Atungpuh nü Thrünpuhnü lalim tsüde akamshihbah. Tümüde Atungpuhnü nüsa jipürü kheak asühkhi nangde kheaküshe nü kheak atsü thsungkheaknü asühbah,