JEREMIA 31:21 - AMÜSÜH HÜM CL Bible (BSI)

²¹ Nü thsungkheak limro-mütsan khimang, nünü lim-huhdung zhipshang; nü yükhi limro küpü limtoanü mütsanang. Rholoang, O atsangkhit Israel, nü kiutobo harü ching alodarang.

JEREMIA 31:21 Iomraidhean Croise

1 KIUTHSÜYUKHEAN 29:3

Ju lang yung, ju kheak khiode amüsüh yam thsungkheak inü I Thrünpuh yam thsungkheak shuhmülanga jihmonü, I yo suna tüsho shotoyinchi rahpung jih:

2 KIUTHSÜYUKHEAN 11:16

Israel Thrünpuh, Atungpuh yimpü mulongrü arü jipürü Thrünpuh, Atungpuh kilim laksah-a kingaünpü Israel trük alala chingnü arü dunglim Jirusalem ching arü.

2 KIUTHSÜYUKHEAN 20:3

Jehoshaphatnü trede alakheah; apinü Atungpuh yimpü thsakham, tüsho Juda alala ching, khümkeak thsüpü zhiyuk.

MUNGSHIKHÜN 62:10

Junokhi ching akin düla, yungsho jangkhijangra ching akeangkeang mulong dülam; alarübo rünkihsho arü kheak nü mulong düzo.

MUNGSHIKHÜN 84:5

Mihtsürü shepü sühmüh nü kheak la, shepü mulong amüsüh-hantsahpü lanü müngühmühi.

MÜCHITMUDU 24:32

Küyimki inü ju ngükhea, inü tsüde lümakheah; inü kheah tüsho thsangdankhi leangkhi:

ISAIA 48:20

Babilon chingnü wukhiukang, Kaldea chingnü tsoang, ha asühkhinü zhide thaang, zhiyukang, ha alomi akheam ching yüshang; thaang, “Atungpuhnü api yamlarü Jakob rhokhitdo!”

ISAIA 57:14

Hade athabah, “ Rünkihang, rünkihang, limro thsakhamang, I mihtsürübo limro chingnü jing mükhebe alala lah-a bahang.”

ISAIA 62:10

Hode yüang, chipiripitbo hode yüang, mihtsürübo thsungkheak limro thsakhamang; zünang, limtobo zünang, lungbo moa bahang, mihtsürübo kurungkheak amütsan shuhkihang.

JEREMIA 3:12

Yüang, tüsho ha yubo dukulim peang zhiyukjang, tüsho thaang: Rholoang, akin mülakhi Israel, Atungpuhnü thachoh; inü nü kheak bukakhiukde mükheah, tümüde I mihmüthsüm lah, Atungpuhnü thachoh; inü lünnü bukakhiukdü lang müla.

JEREMIA 3:14

Rholoang, O akin mülakhi tsührü, Atungpuhnü thachoh, tümüde I nü putungrü lah; inü nüsa, khülang kiuto chingnü tüsho mahne yamkhün chingnü bea lubah, tüsho inü nüsa Zion lim bedarübah.

JEREMIA 31:4

Kheaküshe inü nü bemusubah, tüsho nü thsülobah, O atsangkhit Israel! Kheaküshe nünü züpzüppü lubah tüsho asühde tsünde ayübah.

JEREMIA 46:11

Gilead lim wutuang, tüsho moli luang, O Ijip atsangkhit tsührübe! Akeangkeang ching nünü moli ahihdo ahorido; nü thsungkheaknü athsüngu müla.

JEREMIA 50:5

Arünü Zion limro keokhibah, tüsho ju lim arü miro anguhbah tüsho arünü küyimkishe mümihbe akheam müla tangzüng hode A TU N GPU H kilim arübah tüsho arihbah.

JEREMIA 51:50

Nüsa nukshang chingnü atsokhitrübo, yüang, daleang! Limshu lomi ching Atungpuh lümkhitang, tüsho nüsa lüm ching Jirusalem arüshang.

JEREMIA 51:6

Babilon bolungnü tsoang, nüsa mihbüm abannü nihbuh rhangdung khümkhitang! Anihbe neak dünkheaknü düdükheak, tümüde ha Atungpuh royimkhi kim lah; anihbe ngüpü lakhi apinü jihlochoh.

JEREMIA 6:16

Atungpuhnü ha thachoh: Limbeakbo kheak zhipang tüsho kheahang, tüsho jipü limrobo keoang, küching limro atsü la; tüsho ju ching tsahang, tüsho nüsa mebo thsungkheak sühakhim ngüang. Tüshe arünü tha, “ Isanü ju ching mütsah.”

EZEKIEL 40:4

Mihtsürünü I ki tha, “Mihtsürü tsührü, kheahkihde kheahang tüsho tsüde aniang, tüsho inü nü ki huhkhi alala kheak nü lümkhi zoang, tümüde inü ha nü ki huhpü thsüde nü ha ching bedarükheah; nünü angükhi alala Israel yamkhün ki thaang.”

HAGGAI 1:5

Kheakü jumonü Wuto Atungpuhnü ha thachoh: Nüsa limrobo lümakheahang.

ZEKARIA 10:9

Inü arübo trükshih bolung hiumüzütshihshih she, limshu lomibo chingnü arünü I lümkhitbah, tüsho arünü arü tsührübo mütrübah tüsho alodarübah.

YUZÜNGTHALO 32:46

tüsho apinü arü ki tha, “Inü khihni thiyumütsan jihkhi kheak nüsa mulong zoang, ha yakzan Israel tsührübonü kümkangde anishihpü nüsanü thiyukhüm jihang.