JEREMIA 31:20 - AMÜSÜH HÜM CL Bible (BSI)

²⁰ Ephraim a inü amuzhokhi tsührü a de? Api ju inü asühkhi tsührü a de? Alochode inü api azhihde asuksuk she, judü lang inü api lümkhitchoh. Jumonü api thsungkheak I mulong niuthünaka lah; tsükjide inü api kheak mihmüthsüm labah, Atungpuhnü thachoh.

JEREMIA 31:20 Iomraidhean Croise

THRÜNTAN 43:30

Kheakü aniurü thsungkheaknü api mulong thsümünim; jumonü Josepnü niokheamde yü tüsho atrippü dangpung khürü yim. Apinü anihbuh khiungshak ching yüzah tüsho trip.

1 KIULONG THSÜRÜ 3:26

Tüshe rhangdung lakhi khungarü abe junü kiulongthsüpuh ki tha–tümütüsho atsührü muzhokhinü amulong ching tru– “Muzhobah I tungpuh, rhangdung lakhi azübuh ju anihbe kilim jihang; dükde api dülaksah!” Püpünü tha, “Ha I yo yungsho nü yo she müthsü; mahne thsüde kiurüpang.”

MUNGSHIKHÜN 103:13

Buhrünü tsührü muzhokhi nangde, Atungpuhnü api trerü muzhochoh.

MÜCHITMUDU 3:12

tümütüsho buhrü khülangnü tsührü kheak asühkhi nangde Atungpuhnü shepü kheak muzhochonü apinü thsülangchoh.

KHÜNBOLUNGKHÜN 5:4

I tsübuhnü khimdopü rihbe ching akhah chungyuk, tüsho I mulongnü api künsahde kam.

ISAIA 16:11

Jumonü Moab thsungkheak bingshang nangde, tüsho Kir-heres thsungkheak I me nangde mulong rozhakchoh.

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

ISAIA 63:15

Yinmi chingnü, nü yo amüsüh tüsho müretahkhi lapung chingnü abinkhia kheahang. Nü künkhi tüsho nü wu-sühmüh küching la? Nü amuzho tüsho nü lümrhihkhi thsü küching la? Arübo isa kheaknü tukloa lah.

JEREMIA 3:12

Yüang, tüsho ha yubo dukulim peang zhiyukjang, tüsho thaang: Rholoang, akin mülakhi Israel, Atungpuhnü thachoh; inü nü kheak bukakhiukde mükheah, tümüde I mihmüthsüm lah, Atungpuhnü thachoh; inü lünnü bukakhiukdü lang müla.

JEREMIA 3:19

I tsührü bolung küde thsah nü zojihpü; tüsho alo atsü, trükshih alala yo akheahakham yamrüplurüp küde ajihpü de inü tha. Tüsho nünü I ki, abuh de ajibah tüsho I kilimnü rholode mutso de inü tha.

JEREMIA 31:9

Tripde arübo arübah tüsho shukheamde inü arü belodarübah, inü arübo yungzü ke yeande atsahshihbah, limro mukhiungkhi ching arü jing mümükhe; tümüde I Israel abuh kamdo tüsho Ephraim ju I tsührü adüjibuh.

JEREMIA 33:26

inü Jakob tsührü tüsho I yamlarü David bahyukbah tüsho api tsührü sheshe Abraham, Isak tüsho Jakob tsührü kurungkheak yakzanshuhrü mumokhit. Tümüde inü arü kuhibo jihlobah, tüsho arü kheak mihmüthsüm labah.

JEREMIA 48:36

Jumonü khungpi khungkhi nangde I mulongnü ashechoh, tüsho khungpi nangde Kir-heres mihtsürü thsungkheak I mulongnü ashechoh; tümüde arü lakhit ngükhi dükheakdo.

TÜZHOKHI 3:22

Atungpuh amuzho adüküng küyimkishe mükheam, api mihmüthsüm küyimkishe mükheam;

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

HOSEA 14:4

“ Inü arü akin-mülakhi thsüngubah; inü akeangnü arü muzhobah, tümüde I bukakhiukkhi arü kheaknü tsodo.

LEVI 26:44

Tütüshe, arübo arü riri lomi ching lalashe, inü arübo mübahyuk yungsho shahde müthsümünim, tüsho arü kheak inü tangzüngkhi müthsümünim; tümüde I Atungpuh arü Thrünpuh.

LUKNÜ ATHRÜTKHI THIYUSHEAK-ATSÜ HUHTANYU 15:24

tümüde I tsührü ha shea lakheah tüshe kheakü arhang lalolah; api dükheaka lakheah tüshe ngüdo.’ Tüsho arünü asühachihpü tankih.

LUKNÜ ATHRÜTKHI THIYUSHEAK-ATSÜ HUHTANYU 15:32

Isanü asühachihpü tüsho asühpü alungki lah, tümüde nü niurü shea lakheah tüshe kheakü arhang lah, tüsho dükheaka lakheah tüshe ngüdo.’ ”

YUZÜNGTHALO 32:36

Küyimki apinü arü wu tsodo tüsho rhüka larü yungsho zuzu larü maning de mükheahbanü, atsütsü Atungpuhnü api mihtsürü bekhitbah, tüsho api yamlarübo kheak müthsümbah.

FILIPI 1:8

Tümüde Jisu Khrista amuzhonü inü künangde nüsa alala thsungkheak mulong dukchonü Thrünpuh ju I thiyumütsan lah.

MAHKHAPRÜ 10:16

Jumonü arünü khiungkerü thrünpuhbo arü bolungnü yihkhita bah tüsho A TUN GPU H tankih. Tüsho Israel thsünükhi apinü küruhkhüh marümkheamde alakheah.