JEREMIA 31:17 - AMÜSÜH HÜM CL Bible (BSI)

¹⁷ Nü arübe-kuhi thsungkheak mulonglam lah, Atungpuhnü thachoh: nü tsührübo arü lomi ching belodarübah.

JEREMIA 31:17 Iomraidhean Croise

ISAIA 6:13

Thürü ching khülang aningning she, kheaküshe athsümünimbah, mudungsang yungsho ame wokhi nangde.” Müjih amüsüh ju hoju ame ah.

TÜZHOKHI 3:18

jumonü inü tha, “ I müretahkhi tüsho Atungpuh kilimnü I mulonglamkhi alala tsodo.”

TÜZHOKHI 3:21

Tüshe ha I lüm ching inü lümkhitchoh, jumonü I mulonglam lah.

TÜZHOKHI 3:26

Khürünü Atungpuh akhümkhit thsungkheak zhikde aleangkhi ju tsülah.

TÜZHOKHI 3:29

api mün asungthulung ching lashang, khükijua ju ching mulonglam labah.

EZEKIEL 37:21

arü ki thaang, Atungpuh Thrünpuhnü ha thachoh: Inü Israel mihtsürübo arü yüpung trükshih bolungnü alubah, tüsho thrip aban chingnü arü bemukhungbah, tüsho arü nihbuh lomi ching bedarübah.

EZEKIEL 37:25

Inü I yamlarü Jakob kilim jihkhi nüsa jipürü lakhi lo ching arübo labah; arü le arü tsührü tüsho arü tsührü tsührübo lünnü ju ching labah; tüsho I yamlarü David lünnü arü yakzanshuhrü thsübah.

EZEKIEL 39:28

Judüki arünü I Atungpuh arü Thrünpuh de mükheahbah, tümütüsho inü arübo trükshih bolung aramkhi ching yüshih, tüsho arü nihbuh lomi ching bemukhung. Inü arü sheshe dunglim mübahjih;

HOSEA 2:15

Ju chingnü inü alibe ki anihbe kurungasolubo jihbah tüsho Akor Jindükhün ju mulonglam ripit khülang kamshihbah. Ju ching alibenü anihbe athunu kim ching nangde, anihbe Ijip lomi chingnü akhiukchoki kim nangde alabah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

ZEKARIA 9:12

Nüsa chipi lim rholoang, O mulonglamkhi aramrübo; khihni nüsa alü thsüde laloshihpü inü khipkhitchoh.

MATHI 24:22

Jurü nimungbo mükhikkheamkhülaa, sheshe rhangdung mülade alabah, tüshe amokhitrübo thsülimnü jurü nimungbo khikkheamjihbah.