JEREMIA 31:13 - AMÜSÜH HÜM CL Bible (BSI)

¹³ Judüki anünürübonü asühde atsünbah, tüsho athrününgtsüng le azobuhrünü asüharabah. Inü arü tüzhokhi asühpü kamshihbah, inü arü shukheambah tüsho mulong rozhak thsungkheak arü ki asühpü jihbah.

JEREMIA 31:13 Iomraidhean Croise

EZRA 6:22

Arünü phaüm muyukkhi yikhap thünio thüne ni asühde mung, tümüde Atungpuh hode Asiria kiulongthsüpuhnü arü ki muzhode kamshih, junangde apinü Israel Thrünpuh arüngyam thsülochoki arü rung.

NEHEMIA 12:27

Jirusalem chipi müsüchoki, Levirü alala nihbuh lapung chingnü jiyuk, tüsho arünü larüp, bingshang tüsho bingkhungbo shuhbah makshe jihkhi khünbo thsü.

NEHEMIA 12:43

Ju nimung kingaün ahihkhüh jihde, tüsho mihtsürübo asühkhinü mi tümüde Thrünpuhnü arübo khide asühpü jih. Aliberü tüsho azürübo müsükhitkhi münchi ching be, tüsho arü alalanü alankhi ju limshu chingnü she so.

ESTER 9:22

Harü nimungbo ju Jihudarübo arü riri kheaknü lümyinkhi; tüsho mulong thsümünimkhi adükheakbe chingnü asühpü nimung müthrikhi khinu lakheah. Harü nimungbo ching boto tsühyungachihde, tsühyungbenü thsambah khülangnü khülang ki jihachihde tüsho zhochihrü kilim thsambahbo jihshihpü arü ki thrüt.

MUNGSHIKHÜN 126:5

Sherünü chikebo ching hiuchonü asühkhi ching yimlubah.

MUNGSHIKHÜN 148:12

athunu mihtsürü tüsho anünürü chido; ashinbuhrü tüsho azürübo.

MUNGSHIKHÜN 149:3

Arünü tsünde api mung shishang; arünü züpzüppü tüsho bingshang bede api mungshikhi khünbo thsüshang.

MUNGSHIKHÜN 30:11

Nünü I thsungkheak I tüzhokhi ju atsünpü kamshih; nünü I shungliukhim yihkhita bahjih tüsho asühpü phuyujih.

ISAIA 12:1

Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

ISAIA 35:10

Tüsho Atungpuh zuzu alodarübah tüsho khün thsüde Zion lim arübah; akheam mülakhi asühachihkhi arü ku kheak labah; arünü asühpü tüsho asühara ngübah, tüsho mulong rozhak tüsho sheak-dükip tsoabahbah.

ISAIA 51:11

Jumonü Atungpuhnü rhokhitrü rholobah tüsho khün thsüde Zion lim arübah; akheam müla asühachihkhi arü ku kheak labah; arünü asühachih tüsho asühakokhi labah, tüsho mulong rozhak le masühkhi tsoabahbah.

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

ISAIA 60:20

Nü yo ani kheaküa müyüzah, yungsho khinunü aküdahnü mutsolo; tümüde Atungpuh ju nü yo akheam müla ayin labah, tüsho nü tüzhokhi nimungbo arün thsübah.

ISAIA 61:2

Atungpuh mulongkhi kam zhiyukpü, tüsho isa Thrünpuh royimkhi nimung zhiyukpü; tüzhode alarü alala shukheampü;

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

JEREMIA 31:4

Kheaküshe inü nü bemusubah, tüsho nü thsülobah, O atsangkhit Israel! Kheaküshe nünü züpzüppü lubah tüsho asühde tsünde ayübah.

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

ZEKARIA 8:19

Wuto Atungpuhnü ha thachoh: Khinu phüyi ching khümkeakkhi, phüngü ching khümkeakkhi, thüne ching khümkeakkhi, tüsho thürüpü ching khümkeakkhi ju asühachih tüsho asühara akheahmünchibo, tüsho Juda yamkhün thsungkheak asühkhi thüniobo labah: jumonü thiyuro tüsho mungtsü muzhoang.

JOHAN 16:22

Jumonü nüsa kheakü mulong rozhak lah; tüshe inü nüsa ngülobah tüsho nüsa mulong asühbah, tüsho nüsa asühkhi shenü she nüsa kheaknü lude mutso.

MAHKHAPRÜ 21:21

tüsho kheahang; tüsho küyimki Shilo liberübo atsünpü akhiukbanü, kurungasolubo chingnü akhiukang tüsho athrürü abannü Shilo liberü bolungnü niuberü thsüpü ramang; jushu Benjamin lo ching yüang.