JEREMIA 31:11 - AMÜSÜH HÜM CL Bible (BSI)

¹¹ Tümüde Atungpuhnü Jakob mah shakjih, tüsho khah amüküp chingnü api rhokhit.

JEREMIA 31:11 Iomraidhean Croise

MUNGSHIKHÜN 142:6

Inü azhikhi aniang, tümüde I khide abobe kamshihdo; I thsümüchirü kheaknü I bekhitang, tümüde I kheaknü arü müranglah.

ABEKHIT 15:16

Mihtrebe tüsho atrebe arü kheak keamkih; nü khah tokhi hode arübo lung nangde mülüplüp, O Atungpuh , nünü athulokhi nü mihtsürü muhoyi khiungde.

ISAIA 44:23

Khün thsang O thüningbo, tümüde Atungpuhnü ha thsükheah; zhiang, O alomi asükbo; khün thsüde ahoang, O awungbo, O murung, tüsho ju ching sangdungbo! Tümüde Atungpuhnü Jakob rhokhitdo tüsho Israel ching müretahbah.

ISAIA 48:20

Babilon chingnü wukhiukang, Kaldea chingnü tsoang, ha asühkhinü zhide thaang, zhiyukang, ha alomi akheam ching yüshang; thaang, “Atungpuhnü api yamlarü Jakob rhokhitdo!”

ISAIA 49:24

Wuto kheaknü shih lukhukba de, yungsho thiyuro-lungkirü ramkhibo bekhitkhukba de?

ISAIA 49:25

Tüshe Atungpuhnü ha thachoh: “ Wutonü aramkhi she alubah tüsho bukmüke shih she abekhitbah; tümüde nü kheak shochihrü kheak inü shochihbah, tüsho inü nü tsührübo khümkhitbah.

ISAIA 51:11

Jumonü Atungpuhnü rhokhitrü rholobah tüsho khün thsüde Zion lim arübah; akheam müla asühachihkhi arü ku kheak labah; arünü asühachih tüsho asühakokhi labah, tüsho mulong rozhak le masühkhi tsoabahbah.

JEREMIA 15:21

Inü nü mihbukmuyuk khah chingnü bekhitbah, tüsho mihmukhiuh khah chingnü rhokhitbah.

JEREMIA 50:33

Wuto Atungpuhnü ha thachoh: Israel mihtsürü tüsho Juda mihtsürü junoa lah; arü ramrü alalanü arü düngde tholodo tüsho mütsoshih.

JEREMIA 50:34

Arü Rhokhitbuh sühmüh lah; Wuto Atungpuh ju api mung. Apinü tsükjide arü dünkheak müküpde azhipbah, junangde apinü aningkhi lomi kilim sühakhim jihbah, tüshe Babilon ching larü kilim sühakhim mülakhi jihbah.

TÜZHOKHI 3:58

Nünü I dünkheak mushudo, O Atungpuh , nünü I rhangdung rhokhitdo.

HOSEA 13:14

Inü arü Ashe-lomi ching rhokhitba de? Inü arü Ashe chingnü rhokhitba de? O Ashe, nü arüm-tukthsübo küching la? O Ashe-lomi, nü athsümünim küching la? I mük kinü amuzho jika lah.

ZEKARIA 9:16

Ju nimung Atungpuh arü Thrünpuhnü arü khümkhitbah, tümüde arü ju api mihtsürü namfimihnu boto lah; tümüde kuthran yo mürezhingzhing nangde arünü api lomi kheak yinshihbah.

MATHI 12:29

Yungsho khürünü sühmüh lakhi mihtsürü ju akhuhde rhüka muzosho, küde thsah api yam ching yüzahbah akukrukbo lupü? Jushu apinü anihbuh yam yankhia lukhukbah.

MATHI 20:28

Mihtsürü Tsührü she tankihshihpü yung tüshe tankihpü tüsho ahihdo rhokhitpü api rhangdung jihpü arükheah!”

MATHI 22:29

Jisunü arü ki alo, “Nüsanü amüsühyu yungsho Thrünpuh wu mümükheahde lakmihdo.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.