JEREMIA 31:1 - AMÜSÜH HÜM CL Bible (BSI)

¹ Atungpuhnü thachoh, ju kim ching I Israel yamkhün alala Thrünpuh thsübah, tüsho arübo I mihtsürü thsübah.

JEREMIA 31:1 Iomraidhean Croise

2 SAMUEL 7:24

Tüsho nünü Israelrü lünnü nü mihtsürü thsüpü thsakham; tüsho O Atungpuh , nü arü Thrünpuh kamabah.

MUNGSHIKHÜN 144:15

Mihtsürü sherü hadürü lalim ching lanü asühpü; mihtsürü sherü Thrünpuh ju Atungpuh lanü asühpü!

MUNGSHIKHÜN 48:14

“Ha Thrünpuh, lünnü lün isa Thrünpuh ah; apinü akheam khiungde isa bebah.”

ISAIA 20:6

Ju nimung ching ha keyean larübonü athabah, ‘ Kheahang, shepü kheak isanü mulonglamkhea tüsho arung thsungkheak yükhea tüsho Asiria kiulongthsüpuh kheaknü khümkhitpü kheak tümü dünjia la! Küde thsah isa tsokhitba?’ ”

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

JEREMIA 23:6

Api nimungbo ching Juda khümkhitbah tüsho Israel akhümkhitkhi ching labah. Tüsho apinü ajipü mung ha labah: “Atungpuh ju isa thiyuro-lungki.”

JEREMIA 3:18

Judüki Juda yamkhünnü Israel yamkhün lung arihbah, tüsho arü rukhühnü inü nüsa jipürü kilim yamrüplurüp jihkhi lo lim dukulim lomi chingnü arübah.

JEREMIA 30:10

Tüshe nü thsungkheak a, dütre, I yamlarü Jakob, Atungpuhnü thachoh, tüsho mulong dübah, O Israel; tümüde inü nü limshu chingnü akhümkhitbah, tüsho nü tsührübo arübo ramde ayükhi lomi chingnü akhümkhitbah. Jakob alodarübah tüsho mungtsü le keamramkhi labah, tüshe shenü api mümüyinsahshih.

JEREMIA 30:22

Tüsho nüsa I mihtsürü thsübah tüsho I nüsa Thrünpuh thsübah.

JEREMIA 30:24

Api lüm ching lümkhi mürhimoyiki tüsho mukukyiki Atungpuh buk mükede akhiukkhi mutuklo. Arübe nimungbo ching nüsanü ha anikhitbah.

JEREMIA 30:3

Tümüde I mihtsürü Israel tüsho Juda kuhi ngülopü nimungbo tsükjide arüchoh, Atungpuhnü thachoh, tüsho inü arü jipürü kilim jihkhi lomi ching arübo belodarübah tüsho arünü ju yamalo lubah.

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

JEREMIA 32:38

Arübo I mihtsürü thsübah, tüsho I arü Thrünpuh thsübah.

JEREMIA 33:14

Atungpuhnü thachoh, inü Israel yamkhün tüsho Juda yamkhün ki alokhikhi dünjipü nimungbo tsükjide arüchoh.

JEREMIA 33:7

Inü Juda kuhi tüsho Israel kuhi jihlobah, tüsho arü atankih nangde thsülojihbah.

JEREMIA 50:4

Atungpuhnü thachoh, ju nimung ching, ju kim ching, Israel mihtsürü tüsho Juda mihtsürü rukhüh arübah; arünü Atungpuh arü Thrünpuh yimde tripde arübah.

EZEKIEL 11:20

Jushu arünü I yakzan thsükhibo yanbah tüsho I yakzanbo zopü kümkangbah. Arü ju I mihtsürü thsübah, tüsho I ju arü Thrünpuh thsübah.

EZEKIEL 34:24

Tüsho I Atungpuh ju arü Thrünpuh thsübah, tüsho I yamlarü David ju arü bolung yakzanshuhrü thsübah; I, Atungpuhnü asukdo.

EZEKIEL 34:31

Nüsa I yo namfimihnu, I rimlopung yo namfimihnu, tüsho I nüsa Thrünpuh, Atungpuh Thrünpuhnü thachoh.

EZEKIEL 36:28

Judüki inü nüsa jipürü ki jihkhi lo ching nü labah; tüsho nü I mihtsürü thsübah, tüsho I nü Thrünpuh thsübah.

EZEKIEL 39:22

Ju nimungnü ründe I Atungpuh arü Thrünpuh de Israel yamkhünnü mükheahbah.

EZEKIEL 39:25

Jumonü Atungpuh Thrünpuhnü ha thachoh: Kheakü inü Jakob kuhi jihlobah, tüsho Israel yamkhün athrünkhi kheak mihmüthsüm labah; tüsho inü I mung amüsüh kümdobah.

HOSEA 1:11

Juda mihtsürü tüsho Israel mihtsürü rukhüh mukhungbah, tüsho arünü arü thsungkheak limberü khülang mokhitbah; tüsho arünü alo müküh-a lubah, tümüde Jezreel nimung ju ato labah.

LEVI 26:12

I nüsa lung tsahbah tüsho nüsa Thrünpuh thsübah, tüsho nüsa I mihtsürü thsübah.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

JOHAN 20:17

Jisunü alibe ki tha, “I kheak dütholo, tümüde I Buh kilim I müyükihyi; tüsho I keoniorü ki yübah thaang, ‘I Abuh, nüsa Abuh, tüsho I Thrünpuh tüsho nüsa Thrünpuh kilim yüchoh.’”

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

IBRI 12:16

Sheshe müzammüram mülapü yungsho jim phuru khülang dün nihbuh adüjirü alim yinabahkhi amükinrü Esau nangde mülapü kurhangang.