JEREMIA 30:21 - AMÜSÜH HÜM CL Bible (BSI)

²¹ Arü kovünor arü bolung chingnü alabah, arü yakzanshuhrü arü bolungnü arübah; inü api phünide bedarübah, tüsho api I ki arübah tümüde shepünü müjide I ki arükhukpü? Atungpuhnü thachoh.

JEREMIA 30:21 Iomraidhean Croise

THRÜNTAN 18:27

Abrahamnü alo tüsho tha, “Kheakü I asungthulung tüsho awahnü mulong tode Atungpuh ki asukchoh:

THRÜNTAN 18:30

Tüsho apinü tha, “Atungpuh bukdakhiuk shi, tüsho inü asukanü: Mürangkhüh ju ching samrü ngükhülaa?” Tüsho Apinü alo, “Inü ju ching samrü ngüsho ju mürhimo.”

THRÜNTAN 18:32

Apinü tha, “Atungpuh bukdakhiuk, tüsho inü khülang ki asukbah: Mürangkhüh ju ching thürü ngükhülaa küde?” Tüsho apinü alo, “Thürü thsülimnü inü ju müdükheakshih.”

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

2 SAMUEL 7:13

Apinü I mung thsungkheaknü thüyam khülang thsübah, tüsho inü api kiulongthsü-binkiu lün thsungkheak thsakhamjihbah.

EZRA 2:2

Arü limbede alungrübo ju Zerubbabel, Jeshua, Nehemia, Seraia, Reelaia, Mordekai, Bilshan, Mispar, Bigvai, Rehum tüsho Baana. Israel mihtsürü wühkhe:

NEHEMIA 7:2

I mihtsürü 2: I khiung Hanani tüsho Hanania, chipi kurungkheak aberü athülünkhi mihtsürü tüsho mührü kheak kihode Thrünpuh wüntrebuh ane Jirusalem kiuto kurungkheak yakzan shuhshihpü mokhit.

MUNGSHIKHÜN 65:4

Mihtsürü shepü nünü mokhitcho tüsho nü arüngakopung ching lapü thüninde bedarüchonü müngühmühi! Nü yam kukruk atsübo, nü amüsüh arüngyam müngühmühibonü isa reangkeambah.

MUNGSHIKHÜN 89:29

Inü api müjih she lünnü rünkhiungshihbah, tüsho api kiulongthsü-binkiu yinmi nimungbo nangde alashihbah.

ABEKHIT 3:5

Thrünpuhnü tha, “Ha dangpung thüninde darü; nü jingkhümpü yihkhitang, tümütüsho nü zhipkhi dangpung ju amüsüh lo ah.”

ISAIA 63:1

“ Edom ching lakhi Bozra chingnü rung-khiungkhi khim yihbah arücho ju shepü a? Müretahkhinü züt thsübah, wu ato chingnü arücho ju shepü a?” “Ha I, thiyuro-lungki ching asukchoh, akhümkhitpü wu lah.”

JEREMIA 30:9

Tüshe arünü A TU N GPU H arü Thrünpuh tankihbah tüsho inü arü thsungkheak asürüshihkhi David kiulongthsüpuh tankihbah.

JEREMIA 33:15

Ju nimungbo tüsho ju kim ching inü David thsungkheak thiyuro-lungki sangkhah akhiukshihbah; tüsho apinü lomi ching thiyuro tüsho thiyuro-lungki rhimobah.

JEREMIA 49:19

Kekhüzü khülang Jordan sangrung akheah chingnü aphüyak rimlopung azhihde atukhi nangde, inü tsükjide ju chingnü Edom yanyuka bahbah; tüsho ju kurungkheak inü amokhitkhi zojihbah. Tümüde I nangde she la? Shepünü I azhihkhukla? I miki zhipkhukpü thsüde namfimihnu neakrü she la?

JEREMIA 50:44

Kekhüzü khülang Jordan rim akheah chingnü rimlopung aphüyak azhihde atukhi nangde, inü nahde arübo anihbe kheaknü yanyuka bahbah; tüsho inü mokhitkhi sherüanü anihbe kurungkheak zojihbah. Tümüde shepü I ruk la? Shenü I münitkhukla? I miki zhipkhukpü thsüde shepü namfimihnu neakrü a?

EZEKIEL 37:24

I yamlarü David arü kurungkheak kiulongthsüpuh labah; tüsho arü alala namfimihnu neakrü khülang labah. Arünü I yuzüngbo ching tsahbah tüsho I yakzan thsükhibo anipü kümkangbah.

HOSEA 1:11

Juda mihtsürü tüsho Israel mihtsürü rukhüh mukhungbah, tüsho arünü arü thsungkheak limberü khülang mokhitbah; tüsho arünü alo müküh-a lubah, tümüde Jezreel nimung ju ato labah.

WÜHKHE 16:40

tüsho ju Israel tsührübo thsungkheaknü mümih-mütsan thsü, junangde api ki Atungpuhnü Mosa hode alokhikhi nangde Aron tsührübo khah hobah püpürü shenü she Atungpuh miki arhümthüneabe jihpü marü, jude yungsho api ju Kora tüsho api jingyanrübo ruk kambah.

WÜHKHE 16:5

tüsho apinü Kora tüsho ajingyanrübo ki tha, “Shido yapsu Atungpuhnü sherü api yo a tüsho shepü amüsühanü ahuhbah, tüsho ju buh mihtsürü api phünide ayülishihbah; junangde shepü apinü amokhitbanü api phünide ayüshihbah.

MATHI 2:2

tüsho keokhi, “Jihudarü kiulongthsüpuh zübekhi ju küching la? Isanü api chining aniakhiuklim ngüdo tüsho api kingaünpü arükheah.”

MATHI 27:37

Tüsho api azhihkhi yu thrüta api kumung zojih: Ha jihudarü kiulongthsüpuh jisu.

MATHI 3:17

Tüsho zukleangnü yinmi chingnü düsheak khülangnü tha, “Ha inü tsüde mulong keamkhi, amuzhokhi I tsührü ah.”

LUKNÜ ATHRÜTKHI THIYUSHEAK-ATSÜ HUHTANYU 24:26

Khristanü harü thsünübah api müretahkhi ching müyüzahbea de?”

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

ROMRÜ KILIM PAULNÜ ATHRÜTKHI KIHÜM HUHTANYU 8:34

shepünü amülim jihba? Juju shebah arhang kamlokhi, Thrünpuh khah tsülim lakhi isa thsungkheak mushujihbuh Jisu khrista a shi?

YUZÜNGTHALO 17:15

nüsanü tsükjide Atungpuh nüsa Thrünpuhnü amokhitkhi kiulongthsürü nüsa kurungkheak mokhitbah; nüsa keoniorü bolungnü khülang nüsa kurungkheak nüsanü kiulongthsürü mokhitbah; nüsanü keoniorü yungde khiungkerü khülang nüsa kurungkheak kiulongthsürü dümokhit;

YUZÜNGTHALO 18:18

Inü arü keoniorü bolungnü nü nangde wukihrü khülang akhiukshihbah tüsho api mün ching I yu yukjihbah, tüsho inü api ki thiyukhüm jihkhi alala arü ki thabah.

YUZÜNGTHALO 33:5

Küyimki mihtsürü limberübo tüsho Israel trükbo alala mukhungkhea, hanangde Jeshurun ching Atungpuh ju kiulongthsüpuh kam.

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.

1 JOHAN 2:2

api ju isa neak dünthsükhikhi lah, tüsho isa thsungkheak lang yung tüshe alomiküp athrünkhi thsungkheak ah.

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.