JEREMIA 30:20 - AMÜSÜH HÜM CL Bible (BSI)

²⁰ Arü tsührübo adüso nimung ching nangde alabah, I miki arü boto tankih-a labah; tüsho arü junorü alala inü thsümüchibah.

JEREMIA 30:20 Iomraidhean Croise

MUNGSHIKHÜN 102:18

Ha arübe lünbo thsungkheak thrütbah, junangde müthrünyide alakhi mihtsürünü Atungpuh shibah.

MUNGSHIKHÜN 102:28

Nü yamlarübo tsührübo mutuklode alabah, tüsho arü tsühsoniusobo nü miki rünkih-a labah.”

ISAIA 49:26

Inü nü junorübo ki arü shih tsühloshihbah, tüsho arü thiyihnü yukhunü nangde amüshangbah. Judüki mihtsürü alalanü I Atungpuh nüsa Khümkhitrü tüsho nüsa Rhokhitrü, Jakob yo Wuto Khülang de amükheahbah.”

ISAIA 51:22

Wuto Atungpuhnü ha thachoh, nü Thrünpuh shepünü api mihtsürü dünkheak mushujihcho: Kheahang, nü khah chingnü amüshangbe pung inü ludo; nünü kheaküa I bukakhiukkhi lakuk chingnü mütründe muyung.

ISAIA 54:14

Thiyuro-lungki ching nü rünkihbah; nü junopü chingnü limshude alabah, tümüde nü mütrede alabah, tüsho atrebe müla, tümüde ju nü phünide marü.

JEREMIA 2:3

Atungpuh kilim apinü yimlukhi akhuhbe sangaso Israel amüsüh lakheah. Ha tsührü alala amülim ngüde alakheah; thsümütsü arü kheak arü, Atungpuhnü thachoh.

JEREMIA 30:16

Tüshe sherünü nü tsühabahchonü alala tsühabahbah, tüsho nü riri alala, mihbüm abannü ramtso ching yübah; sherünü nü yankhia luchonü arübo yankhia lubah, tüsho sherünü nü shih tsühchonü nü arübo ju shih kamshihbah.

JEREMIA 32:39

Inü arü kilim mulong khülang tüsho limro khülang jihbah, junangde arü tsükhi tüsho arü dunglim arü tsührübo tsükhi dünkheak lünnü arünü I trebah.

TÜZHOKHI 5:21

Isa nü kilim beloang, O Atungpuh , junangde isa lalobah; adüso nangde isa nimungbo aso kamshang–

ZEKARIA 10:6

Inü Juda yamkhün düküngde akamshihbah, tüsho Josep yamkhün inü khümkhitbah. Inü arü belode arübah, tümütüsho arü kheak I muzhokhi lah, tüsho arü ju inü mübahyukkhi nangde alabah; tümüde I ju Atungpuh arü Thrünpuh tüsho inü arü ki alojihbah.

ZEKARIA 10:8

Inü arü jibah tüsho arübo mukhungbah, tümüde inü arü rhokhitdo tüsho akhuhlim nangde arü hihde akambah.

ZEKARIA 8:5

Tüsho kiudunglimrobo ching athrürü tüsho aliberübonü mide ahoribah.