JEREMIA 30:2 - AMÜSÜH HÜM CL Bible (BSI)

² Atungpuh , Israel Thrünpuhnü ha thachoh: Inü nü ki asukkhi yubo alala hüm khülang ching thrütang.

JEREMIA 30:2 Iomraidhean Croise

ABEKHIT 17:14

Atungpuhnü Mosa ki tha, “Ha mümihpü thsüde hüm ching thrütang tüsho Jihusuanü sode kheang, junangde Amalekrü lümkhitpü yinmi bukkhüpnü shahde nankhita bahbah.”

ISAIA 30:8

Kheakü yüang, ha arü miki lungbeak khülang kheak thrütang, tüsho hüm ching thrütyukang, junangde lünnü arübe thsungkheak thiyumütsan labah.

ISAIA 8:1

Judüki Atungpuhnü I ki tha, Lungbeak ato khülang luang tüsho ju kheak atotonü thrütang, “Maher-shalal-hash-baz,”

JEREMIA 25:13

Inü azhihde athakhi yubo alala ha hüm ching thrütkhi lüpdükhi, trükshih alala azhihde Jeremianü müchitkhi, ju lomi kheak handarübah.

JEREMIA 30:1

Atungpuh kilimnü Jeremia kilim thiyu arü:

JEREMIA 36:28

Küpqiu püpü luang tüsho Juda kiulongthsüpuhnü takabahkhi akhuhbe küpqiu ching lakhi yubo ju kheak thrütang.

JEREMIA 36:32

Judüki Jeremianü küpqiu püpü lu tüsho Neria tsührü Baruk kilim jihbah, Juda kiulongthsüpuh Jehoiakimnü mo ching takabahkhi Jeremianü thaa thrütshihkhi küpqiu yubo alala thrütkih; tüsho akiphahkhi yubo ahihdo yukajak.

DANIEL 12:4

Tüshe Daniel, nünü akheam kim khiungde aramyubo lodoang tüsho yümdoang. Ahihdo yüla arüla de ashanbah, tüsho amütsü alü kambah.”

ROMRÜ KILIM PAULNÜ ATHRÜTKHI KIHÜM HUHTANYU 15:4

Tümüpürü adüso nimungbo ching thrütkheanü, isa thsangyupü thsungkheak lakheah, junangde amüsühyu düküngkhi tüsho tuthsukkhinü isa mulonglam labah.

1 KORINT 10:11

Kheakü arübo ki harü atünadopü dünji, tüshe akheam lün arüa larü isabo thsungkheak thsangdanpü harü thrüt.

YUZÜNGTHALO 31:19

“Jumonü kheakü, nünü ha khün thrütang, tüsho Israel tsührübo ki thsangyuang; ha arü mün ching yukjang, junangde I thsungkheaknü Israelrü tsührü azhihde hanü thiyumütsan thsübah.

2 PETER 1:21

tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 1:19

Kheakü nünü tümü ngücho, tümü la tüsho ha dunglim tümü dünjipü lanü thrütang.