JEREMIA 30:18 - AMÜSÜH HÜM CL Bible (BSI)

¹⁸ Atungpuhnü ha thachoh: Inü Jakob khimyam kuhibo jihlopü thsüchoh, tüsho api lapung kheak mihmuzho labah; kiuto ju amujuk kheak thsülobah, tüsho alungki dangpung kheak kiulongthsürü-yam thsübah.

JEREMIA 30:18 Iomraidhean Croise

1 KIUTHSÜYUKHEAN 29:1

Kiulongthsüpuh Davidnü amukhungrü alala ki tha, “Thrünpuhnü amokhitkhi I tsührü Solomon athunu tüsho müyeanlamyi, tüshe rhimo tolah; tümüde arüngyam ha mihtsürü thsungkheak yung tüshe Atungpuh Thrünpuh thsungkheak ah.

1 KIUTHSÜYUKHEAN 29:19

I tsührü Solomon kilim nü yukhümbo, nü kiuthsü yukhüm, nü yakzan thsükhibo alala yande, inü tsanglunga lakhi arüngyam thsüpü thiyuro lümkhi jihang.”

NEHEMIA 7:4

Jirusalem kiuto amülak thsüa lalashe, ju ching mihtsürü nükde la, tüsho thüyam jitde müthsüyide alakheah.

MUNGSHIKHÜN 102:13

Nü asürübah tüsho Zion kheak mihmüthsüm labah; tümüde alibe muzhopü kim akhukhi arüdo.

MUNGSHIKHÜN 102:14

Tümüde nü yamlarübonü anihbe lungbo kheak asühchoh, tüsho anihbe asungthulung ki amuzho huhchoh.

MUNGSHIKHÜN 122:7

Nüsa chipi bukkhüp mungtsü lashang, nüsa kiulongthsürü-yambo ching lalim-atsü lashang.”

MUNGSHIKHÜN 48:13

rhübo mütsanmükhiang tüsho chipibo kheahyukang, junangde nüsanü arübe lün ki thabah:

MUNGSHIKHÜN 48:3

Kiuto chipibo khüp kurampung lah de Thrünpuhnü huhchoh.

MUNGSHIKHÜN 78:69

Tüsho apinü achangbo nangde, apinü lünnü thsüa zokhi alomi nangde api arüngakopung thsü.

MUNGSHIKHÜN 85:1

Atungpuh , nünü nü lomi muzhode lado; nünü Jakob aramrü belode arüdo.

ISAIA 44:26

shepünü api yamlarü yu mütsanmükhishih, tüsho api yunithsürünü müchitkhi dünjishih; shepünü Jirusalem dünkheak tha, “Ha ching mihtsürü labah,” tüsho Juda kiutobo dünkheak, “Arübo athsülobah, tüsho inü arü athsümünimkhi yihmusubah;”

ISAIA 44:28

shepünü Sairus dünkheak tha, “Api I mihnu neakrü, tüsho apinü I lümkhi alala rhimode ayübah;” tüsho shepünü Jirusalem dünkheak tha, “Ha athsülobah,” tüsho arüngyam dünkheak, “ Nü khimtan khimbah.”

JEREMIA 23:3

Inü I mihtsürübo aningkhi lomibo ching yanmüzütkhi bemukhungbah, tüsho arübo nihbuh lapung lomi ching bedarübah, tüsho arübo tsührü labah tüsho wüh jabah.

JEREMIA 29:11

Tümüde inü nüsa thsungkheak lümkhi thsükhi inü mükheahlah, Atungpuhnü thachoh, nüsa arung thsungkheak lümkhibo tüsho athsümünimpü yung, nüsa kilim arübe mulonglam jihpü lah.

JEREMIA 29:14

inü nüsa ki I ngüshihbah, Atungpuhnü thachoh, tüsho inü nüsa kuhi jihlobah tüsho inü nüsa müzütshihpung trükshihbo alala tüsho dangpungbo alala chingnü nüsa bemukhungbah, Atungpuhnü thachoh, tüsho inü nüsa ramtso ching yüshihpung ching nüsa belodarübah.

JEREMIA 30:3

Tümüde I mihtsürü Israel tüsho Juda kuhi ngülopü nimungbo tsükjide arüchoh, Atungpuhnü thachoh, tüsho inü arü jipürü kilim jihkhi lomi ching arübo belodarübah tüsho arünü ju yamalo lubah.

JEREMIA 31:23

Wuto Atungpuh , Israel Thrünpuhnü ha thachoh: Khülang ki arünü inü arü kilim kuhi jihlokhi, Juda lomi tüsho kiutobo ching harü yubo ahoribah: “Atungpuhnü nü müngühjang, O thiyuro lapung, O amüsüh wung!”

JEREMIA 31:38

Atungpuh thsungkheak Hananel Aheangsadam kheaknü Amühit Chipiripit khiungde kiuto thsülopü nimung tsükjide arado, Atungpuhnü thachoh.

JEREMIA 31:4

Kheaküshe inü nü bemusubah, tüsho nü thsülobah, O atsangkhit Israel! Kheaküshe nünü züpzüppü lubah tüsho asühde tsünde ayübah.

JEREMIA 31:40

Ashemi tüsho awah jindükhün alala, tüsho Kidron ayung khiungde thulubo alala, aniakhiuklim thrip Khora Chipiripit khiungde, Atungpuh kilim amüsüh labah. Ha küyimkishe murukkhit yungsho mükeamshih.

JEREMIA 32:15

Tümüde Wuto Atungpuh , Israel Thrünpuhnü ha thachoh: Thüyambo, thulubo tüsho kurungasolubo kheaküshe ha lomi ching thulobah.

JEREMIA 32:44

Benjamin lomi ching, Jirusalem mühi dangpungbo ching, tüsho Juda kiutobo ching, awungbo le lokeamlo kiutobo ching tüsho düjinglim kiutobo ching shonü thulubo thulobah, tüsho shothsühümbo mütsan dokihbah tüsho thiyumütsanbo labah; tümüde inü arü kuhi jihlobah, Atungpuhnü thachoh.

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

JEREMIA 33:7

Inü Juda kuhi tüsho Israel kuhi jihlobah, tüsho arü atankih nangde thsülojihbah.

JEREMIA 46:27

Tüshe nü thsungkheaknü, dütre I yamlarü Jakob, tüsho mulong dünini O Israel; tümüde limshu chingnü inü nü tüsho ramde ayükhi lomi chingnü nü tsührü khümkhitbah. Jakob alodarübah tüsho mungtsü tüsho sühakhim labah, tüsho shenü api mütreshih.

JEREMIA 49:39

Tüshe ashulim nimungbo ching inü Elam kuhi jihlobah, Atungpuhnü thachoh.

JEREMIA 49:6

Tüshe ju dunglim inü Amonrü kuhi jihlobah, Atungpuhnü thachoh.

EZEKIEL 36:11

tüsho inü nüsa kheak mihtsürü tüsho shiwühbo wüh bushihbah. Arübo alü kambah tüsho aso asobah; tüsho akhuhlim kimbo ching nangde inü nüsa kheak laloshihbah, tüsho püpüki kheaknü alü nüsa ki tsüde arhimobah. Judüki I Atungpuh de nüsanü mükheahbah.

AMOS 9:14

Inü I mihtsürü Israel kuhi jihlobah, tüsho arünü athsümünim kiutobo thsülobah tüsho jurü ching labah; arünü kurungasobo yangbah tüsho jurü yukhu yungbah, tüsho arünü awündobo thsübah tüsho sangaso tsühbah.

ZEKARIA 1:12

Judüki Atungpuh yunirünü tha, “ O Wuto Atungpuh , nünü kam nerü bukakhiukkhi Jirusalem tüsho Juda kiutobo kheaknü külokhüh nünü mihmüthsüm tholoba?”

ZEKARIA 1:16

Jumonü Atungpuhnü ha thachoh, Inü muzhode Jirusalem kilim rholodo, I yam ju ching thsübah, Wuto Atungpuhnü thachoh, tüsho kiuto thsülobah.

ZEKARIA 12:6

Ju nimung ching inü Juda gukbo ju sangrhungkihkhi kheak mophüh nangde, hineang bolung motru nangde akamshihbah; tüsho arünü tsülim tüsho huzulim mükamde alakhi mihtsürübo aniubah, judüki Jirusalem a anihbe lapung ching lalobah.

ZEKARIA 12:7

Tüsho Atungpuhnü akhuhde Juda lapungbo kilim akukkhi jihbah, junangde David yamkhün müretah tüsho Jirusalem ching lakhi müretah ju Juda kumung kheak atobe müla.

ZEKARIA 14:10

Alomi athrünkhi, Geba chingnü Jirusalem düjinglim Rimmon khiungde adükhün kambah. Tüshe Jirusalem a Benjamin chipiripit kheaknü adüso ripit dangpung, Amühit Chipiripit khiungde, tüsho Hananel Aheangsadam kheaknü kiulongthsüpuh yukhu nitpung khiungde adüpheak labah.