JEREMIA 30:15 - AMÜSÜH HÜM CL Bible (BSI)

¹⁵ Tümüde nü yurikhi thsungkheak zhicho? Nü thsünükhi müthsüngukhukbe ah. Tümütüsho nü mülimkhi tolah, tümütüsho nü neakbo hihdaklah, inü harü nü ki rhimodo.

JEREMIA 30:15 Iomraidhean Croise

EZRA 9:13

Jurü alala isa münean tüsho amülim dünkheak dünjialalashe, isanü mükheahlah, isa Thrünpuhnü isa kheak thülünkhi kheaknü nükde thsümüchido tüsho isa khürü rhangdung lashih.

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

JOB HU H T ANYU 34:6

I alim dünkheak inü akeangyu thabea de? I amülim mülalashe I mü ju müthsüngukhukbe lah.”

MUNGSHIKHÜN 107:17

Arünü alakmihkhi hode makhaabah, tüsho arü amülimbo hode thsünüshih.

ISAIA 1:6

Jinglung chingnü, thangphülang khiungde, ju ching atsü müla, tüshe areakbo le mübo tüsho mübo thiyihkhi lah; jurübo mümüsühabah yungsho mürüm, yungsho müdangke mumujude lah.

ISAIA 5:2

Apinü alo kiu tüsho lungbo moa bah tüsho amokhitkhi kurungasobo khim; apinü ju ching aheangsadam khülang thsü tüsho yukhu zopung kiu; apinü kurungaso asoshihpü mükkin thsü tüshe kurungaso ju asan aso.

JEREMIA 11:13

Tümüde nü kiutobo hihkhi nangde nü thrünpuhbo hihde kamdo, O Juda; tüsho Jirusalem kiudunglimrobo hihkhi nangde achihbe Baal kingaünpü kingaün sadambo thsüa lah.

JEREMIA 15:18

Tümüde I thsünükhi mükheam le, I mü müngu le, athsüngupü thsunglocho? Tsükjide, nü a I ki mülapyukkhi keyung nangde, buksapke ngahkhi nangde lah.

JEREMIA 2:19

Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

JEREMIA 30:12

Tümüde Atungpuhnü ha thachoh: Nü mü müthsüngukhukbe lah, nü yurikhi mungukhukbe lah.

JEREMIA 30:14

Nü muzhorü alalanü nü mihabahdo; arünü nü müküm; tümüde thiririnü nangde inü nü shikdo, bukmükerü khülangnü nangde thsümüchido, tümütüsho nü mülimkhi tolah, tümütüsho nü neakbo hihdaklah.

JEREMIA 30:16

Tüshe sherünü nü tsühabahchonü alala tsühabahbah, tüsho nü riri alala, mihbüm abannü ramtso ching yübah; sherünü nü yankhia luchonü arübo yankhia lubah, tüsho sherünü nü shih tsühchonü nü arübo ju shih kamshihbah.

JEREMIA 30:17

Tümüde inü nü shihphü tsüloshihbah, tüsho nü mübo inü athsüngubah, Atungpuhnü thachoh, tümütüsho arünü nüsa ki ayankhitkhi de jido: “Ha Zion; shenü anihbe thsungkheak mükümchoh!”

JEREMIA 46:11

Gilead lim wutuang, tüsho moli luang, O Ijip atsangkhit tsührübe! Akeangkeang ching nünü moli ahihdo ahorido; nü thsungkheaknü athsüngu müla.

JEREMIA 6:13

Tümüde anikhühnü atobe khiungde, thiyuro mülakhi alü thsüpü bukmükhütlah; tüsho wukihrünü amükeamrü khiungde, alalanü mülimde rhimochoh.

TÜZHOKHI 1:5

Anihbe riribo aputungrübo kamdo, anihbe riribo thsü-tsüde lah, tümütüsho anihbenü thsümünimkhi hihdakmonü Atungpuhnü anihbe thsünüshih; anihbe tsührübo tsoabahdo, thiri miki aramrübo ah.

TÜZHOKHI 2:13

Inü nü thsungkheak tümü thakhukba, tümü ki nü akeba, O Jirusalem tsührübe? Inü nü shukheampü thsüde tümü ruk laba, O atsangkhit Zion tsührübe? Tümüde keto zünmülihkhi nangde nü thsümünimkhi lah; shenü nü thsüngukhukba?

TÜZHOKHI 3:39

Küde thsah arhang larü mihtsürünü arü neakbo dünkheak thsümüchikhi arünü atsanglopü?

TÜZHOKHI 4:13

Ha anihbe wukihrü neakbo tüsho anihbe amükeamrü mülimkhibo, thiyuro-lungkirü thiyih bukshihkhi hode alakheah.

MIKA 1:9

Tümüde anihbe mü müthsüngube lah. Ha Juda ching arüdo; ha I mihtsürü, Jirusalem chipiripit khiungdo.

MIKA 7:9

Tümütüsho inü api azhihde neak yihbeak, api I kilim tsangkhi tüsho I mahkhapkhi khiungde inü Atungpuh bukakhiukkhi arümpü lah. Apinü I ayin ching bekhitbah; inü api thiyuro-lungki ngübah.

NAHUM 3:19

Tümünü nü mü müthsüngukhuk; nü yurikhi ashebe lah. Nü yusheak sorü aban nü keamkhi dünkheak khah damchoh, Khürünü akheam mülakhi nü bukmükekhi chingnü tsokhidü de?