JEREMIA 30:14 - AMÜSÜH HÜM CL Bible (BSI)

¹⁴ Nü muzhorü alalanü nü mihabahdo; arünü nü müküm; tümüde thiririnü nangde inü nü shikdo, bukmükerü khülangnü nangde thsümüchido, tümütüsho nü mülimkhi tolah, tümütüsho nü neakbo hihdaklah.

JEREMIA 30:14 Iomraidhean Croise

JOB HU H T ANYU 16:9

Apinü abukakhiukde I thothünak tüsho I thraneando; apinü I kheak azhihde ahü mütrüt; I ririnü I azhihde juh-a kheahchoh.

JOB HU H T ANYU 19:11

Apinü I azhihde alü bukakhiukdo, tüsho I api riri nangde khechoh.

JOB HU H T ANYU 30:21

Nünü I kheak bukmükede kamdo; nü khah wu-sühmühnü I thsümüchichoh.

MUNGSHIKHÜN 107:17

Arünü alakmihkhi hode makhaabah, tüsho arü amülimbo hode thsünüshih.

ISAIA 57:13

Küyimki nünü azhibanü, nünü akümukhungkhi sangthsübonü nü bekhitshang! Apungnü arü yünde atsobah, sheak khülangnü arü yünde atsobah. Tüshe sherünü I kheak tsoyukbanü alomi lubah tüsho I yo amüsüh awung yamrüplurüp lubah.

JEREMIA 14:17

Nünü arü ki ha yu thaang: Azhing tüsho ayin I mükbo ching chike bukkhishang, tüsho jurü dükheamshih, tümüde atsangkhit tsührübe – I mihtsürü– mülangde dama kinga yapshihlah, khide sükde yurijihdo.

JEREMIA 2:36

Küdüküdü she shande, nü limro müthrichoh! Asirianü achih ngüshihkhi nangde Ijipnü nü achih ngüshihbah.

JEREMIA 22:20

Lebanon lim wutuang, tüsho zhiang, tüsho Bashan ching nü düsheak shuhkihang; Abarim chingnü zhiang, tümüde nü muzhorü alala zünaka lah.

JEREMIA 22:22

Apungnü nü mihnu neakrübo yünde atsobah, tüsho nü muzhorü ramde atsobah; judüki nü rhimo amütsü alala dünkheak nü achih ngübah tüsho mulong dükheakbah.

JEREMIA 30:15

Tümüde nü yurikhi thsungkheak zhicho? Nü thsünükhi müthsüngukhukbe ah. Tümütüsho nü mülimkhi tolah, tümütüsho nü neakbo hihdaklah, inü harü nü ki rhimodo.

JEREMIA 32:29

Kaldearünü arübah ha kiuto kheak mo thsahkihbah, tüsho thüyambo küpü kheak I bukakhiukshihde Baal kilim kingaünkhea tüsho püpü thrünpuhbo kheak rhümthüneabe bukkihkheanü ju bede atakbah.

JEREMIA 32:30

Tümüde Israel mihtsürü tüsho Juda mihtsürünü arü athunuchokinü I miki amütsü lang rhimodo; Israel mihtsürünü tümü mürhimo tüshe arü khah rhimobonü I bukakhiukshihdo, Atungpuhnü thachoh.

JEREMIA 32:34

Arünü I mung kihkhi thüyambo kheak athraneanbebo zhipshih, tüsho ju müneanjih.

JEREMIA 32:35

Inü arü ki thiyukhüm müjihjih she, yungsho Juda neak yihbeakshihpü arünü ha athraneanbe rhimopü I lüm ching mülalashe arü tsührübo tüsho tsührübebo Molek kilim jihpü arünü Hinnom Tsührü Jindükhün ching Baal achang dangpungbo thsü.

JEREMIA 38:22

Juda kiulongthsüpuh yam ching aninga larü azoberü alala Babilon kiulongthsüpuh torü kilim bede wukhiukbah arünü nü ki thabah, ‘ Nü müyamrübonü nü bephülapdo tüsho nü zhidoabahdo; kheakü nü jing akhimniuhniuh ching jungrama lah, arünü nü bahkhido.’

JEREMIA 4:30

Tüsho nü, O zhikrangkhündo alakhi, nü neakrümde ayihkhi amütsan tümü a, ju ruk nünü suna lakbonü züt thsücho, nü mükbo mujua toshihcho? Akeangkeang ching nü züt thsüchoh, nü muzhorübonü nü mükhemürangchoh; arünü nü rhangdung yimchoh.

JEREMIA 44:22

Nüsanü amütsü rhimokhibo tüsho nüsanü athraneanbe yihbeakkhi Atungpuhnü marümkhuk; jumonü nüsa lomi azhikkhi tüsho athsümünim tüsho muthrumünean, mihtsürü mülade, khihni ha nangde kamshihbah.

JEREMIA 5:5

I atorü kilim yübah tüsho arü ki asukanü; tsükjide arünü Atungpuh limro, arü Thrünpuh yakzan mükheahlah.” Tüshe arü rukhühnü sangkaplak yihshakdo, arü rhükkhi rukshakdo.

JEREMIA 5:6

Jumonü murung ching yo kekhüzünü arü nguhsahbah, loshelo ching yo rimrenü arü thsümünimbah. Sangtsungnü arü kiutobo azhihde kheahchoh; sherübo wukhiukbanü adütre kamde thonakbah– tümütüsho arünü alakmihkhibo hihlah, arü mulong murholokhi tolah.

JEREMIA 50:42

Arünü sanglüh tüsho thsüh shuhlah, arübo bukmüke tüsho mihmüthsüm müla. Arü düsheak ju keto arungkhi nangde lah; arübo khorabo kheak binlah, keochihpü thirithsürü nangde duklanglah, nü azhihde, O tsührübe Babilon!

JEREMIA 6:23

Arünü sanglüh tüsho thsüh thrüa luchoh, arü bukmüke tüsho mihmüthsüm müla, arü düsheak ju keto ahukkhi nangde lah; arübo khorabo kheak binlah, thirithsürü nangde nüsa azhihde züt thsülah, O Zion tsührübe!

TÜZHOKHI 1:19

Inü I muzhorübo ki ji tüshe arünü I mülapyuk; I yo amükeamrü tüsho azothsürübo arü sühmüh dükünglopü tsühyungpü yimchoki kiuto ching dükheakdo.

TÜZHOKHI 1:2

Anihbenü azhing ching, anihbe ngobo kheak chikebo bukde düsüknimde tripchoh; anihbe muzhorü bolung anihbe shukheamrü she müla; anihbe müyamrü alalanü anihbe ki mülapyukde rhimodo, arübo anihbe riribo kamdo.

TÜZHOKHI 2:1

Künangde Atungpuhnü abukakhiukkhi amonü Zion tsührübe liudola! Apinü Israel tsakamkhi yinmi chingnü alomi ching jipkhido; apinü api bukakhiukkhi nimung ajing thrümpung mülümkhit.

EZEKIEL 23:22

Jumonü, O Oholiba, Atungpuh Thrünpuhnü ha thachoh: Nünü müküntsande rholode arükhi, nü muzhorübo nü azhihde thurumusubah, tüsho thrip aban chingnü nü azhihde inü arü bedarübah:

EZEKIEL 23:9

Jumonü inü alibenü amürühkhi anihbe muzhorü Asiriarü khah ching anihbe jih.

DANIEL 9:11

Israel alalanü nü ki anipü reanglode nü yakzan lakmihdo tüsho rholode tsodo. Jumonü Thrünpuh yamlarü Mosa yakzan ching thrütkhi muthrumünean tüsho thiyuchihchim isa kheak dungkih, tümütüsho isanü nü azhihde neak yihbeak.

DANIEL 9:13

Mosa yakzan ching thrüta lakhi nangde ha thsümütsü alala isa kheak arüdo, tütüshe isa neakbo chingnü rholode tüsho nü thiyuro anide isanü Atungpuh isa Thrünpuhnü amulongkhi müyim.

DANIEL 9:5

isanü mihbukmuyuk rhimode tüsho azhihde nü yukhümbo tüsho yuzüngbo kheaknü rholobah tsode neak yihbeakdo tüsho amülim thsüdo.

HOSEA 2:5

Tümüde arü abenü jilihjikhün ahorido; alibe shepünü arü zübekheanü achihbe rhimodo. Tümüde anihbenü tha, “ Inü I muzhorübo dunglim yübah; arünü I kilim yikhap tüsho ke jihchoh, khimlamlam, khimthünak, müdangke tüsho yukhu jihchoh.”

HOSEA 5:14

Tümüde I ju Ephraim ki kekhüzü nangde, tüsho Juda yamkhün ki kekhüzü nunu nangde alabah. Inü achakthünakbah tüsho tsoabahbah; inü arü hande atsobah, tüsho shenü she arü mükhümkhit.

OBADIA 1:7

Nü müshiprü alalanü nü mülapyukdo, arünü nü aredungyean yana yüshihdo; nü kheak arihde alarübonü nü azhihde kukdo; nü yikhap tsührübonü nü thsungkheak azheang zojihlah– ju shenü she mümükheah.