JEREMIA 30:13 - AMÜSÜH HÜM CL Bible (BSI)

¹³ Nü kümpü she müla, nü mü thsungkheak moli müla, nü thsüngupü müla.

JEREMIA 30:13 Iomraidhean Croise

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

JOB HU H T ANYU 5:18

Tümüde apinü yurijihchoh, tüshe apinü rümjihchoh; apinü shikchoh, tüshe api khahnü thsünguchoh.

MUNGSHIKHÜN 106:23

Küyimki Thrünpuhnü api mihtsürü thsümünimpü thakhea, apinü mokhitkhi yamlarü Mosanü Thrünpuh reanglode zhip tüsho arü thsümünimpü api bukakhiukkhi tukloshih.

MUNGSHIKHÜN 142:4

I khah tsülim mürüngang tüsho kheahang, tümüde I mükheahrü she müla; I tsoyukpü müla; shenü I me müküm.

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

ISAIA 1:6

Jinglung chingnü, thangphülang khiungde, ju ching atsü müla, tüshe areakbo le mübo tüsho mübo thiyihkhi lah; jurübo mümüsühabah yungsho mürüm, yungsho müdangke mumujude lah.

ISAIA 59:16

Apinü ju ching sheshe mülakhi ngü, tüsho arungkhirü mülakhi müyinsah; jumonü anihbuh khahnü api kilim akuk ngükhi handarü, tüsho api thiyuro-lungkinü api tholo.

JEREMIA 14:19

Nünü shahde Juda bahyukdo de? Nü mulongnü Zion thraneanabahdo de? Isa thsungkheak athsüngu mülapü thsüde tümüde nünü isa shika lungshihkhea? Isanü mungtsü thsungkheak kheahchoh, tüshe atsü müngü; athsüngupü kim kheahchoh tüshe ju müthri atrebe lah.

JEREMIA 17:14

I thsüngujang, thsüngujang, O Atungpuh , tüsho I athsüngubah; I khümkhitang, tümüde nü a inü mungshipü lah.

JEREMIA 30:17

Tümüde inü nü shihphü tsüloshihbah, tüsho nü mübo inü athsüngubah, Atungpuhnü thachoh, tümütüsho arünü nüsa ki ayankhitkhi de jido: “Ha Zion; shenü anihbe thsungkheak mükümchoh!”

JEREMIA 33:6

Tütüshe inü shihphü jihlobah tüsho thsüngubah; inü arü thsüngubah tüsho lalim atsü tüsho kurampung suhdahde inü arü ki huhbah.

JEREMIA 46:11

Gilead lim wutuang, tüsho moli luang, O Ijip atsangkhit tsührübe! Akeangkeang ching nünü moli ahihdo ahorido; nü thsungkheaknü athsüngu müla.

JEREMIA 6:7

Kekhipnü ke bukkhitkhi nangde, anihbenü mihbukmuyuk bukkhitchoh; thiyih bukkhi tüsho athsümünim anihbe kheaknü sochoh; tukthsü tüsho mübo I miki judü lang lah.

JEREMIA 8:22

Gilead ching moli müla de? Ju ching thümürü müla de? Dale tümüde amuzhobe I mihtsürü shihphü müthsüngukhea?

TÜZHOKHI 2:13

Inü nü thsungkheak tümü thakhukba, tümü ki nü akeba, O Jirusalem tsührübe? Inü nü shukheampü thsüde tümü ruk laba, O atsangkhit Zion tsührübe? Tümüde keto zünmülihkhi nangde nü thsümünimkhi lah; shenü nü thsüngukhukba?

EZEKIEL 22:30

Tüsho chipi thsülopü tüsho lomi thsung thsüde chipi keamkhi ching zhippü arü bolung inü khürü yim, junangde inü ju müthsümünim; tüshe inü sheshe müyimkhit.

EZEKIEL 30:21

Mihtsürü tsührü, inü Ijip kiulongthsüpuh Pharao bin yihshakdo; dükünglode nukshang shuhpü thsüde angushihpü mürümlo yungsho arümbenü mürümdo.

HOSEA 14:4

“ Inü arü akin-mülakhi thsüngubah; inü akeangnü arü muzhobah, tümüde I bukakhiukkhi arü kheaknü tsodo.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

NAHUM 3:19

Tümünü nü mü müthsüngukhuk; nü yurikhi ashebe lah. Nü yusheak sorü aban nü keamkhi dünkheak khah damchoh, Khürünü akheam mülakhi nü bukmükekhi chingnü tsokhidü de?

YUZÜNGTHALO 32:39

Kheakü kheahang I, I lang, Thrünpuh ah, tüsho I hobah tümü thrünpuh müla; inü laksahchoh tüsho inü rhangdung lashihchoh; inü yurijihchoh tüsho inü ngushihchoh; tüsho I khah chingnü abekhitkhukpü thsüde sheshe müla.

1 PETER 2:24

Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu.

1 JOHAN 2:1

I tsührübo, nüsanü neak müyihbeakpü thsüde inü nüsa kilim thrütchoh; tüshe khürünü neak yihbeaksho, isa thsung thsüde mushujihrü thiyuro-lungkirü Jisu Khrista Abuh lung lah;