JEREMIA 30:10 - AMÜSÜH HÜM CL Bible (BSI)

¹⁰ Tüshe nü thsungkheak a, dütre, I yamlarü Jakob, Atungpuhnü thachoh, tüsho mulong dübah, O Israel; tümüde inü nü limshu chingnü akhümkhitbah, tüsho nü tsührübo arübo ramde ayükhi lomi chingnü akhümkhitbah. Jakob alodarübah tüsho mungtsü le keamramkhi labah, tüshe shenü api mümüyinsahshih.

JEREMIA 30:10 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

ISAIA 14:3

Küyimki nüsa thsünü le thsümüchi tüsho nüsa rhimo amüküp tankihpü chingnü Atungpuhnü nüsa sühakhimshihbanü,

ISAIA 35:9

Ju ching kekhüzü müla yungsho akhümkhi shiwüh ju kheak marü; arübo ju ching müngü tüshe rhokhita larü ju ching tsahbah.

ISAIA 43:5

Dütre, tümüde I nü lung lah; inü nü tsührübo aniakhiuklimnü bedarübah, tüsho aniyüzahlimnü inü nüsa bemukhungbah.

ISAIA 44:1

Tüshe kheakü aniang, O I yamlarü Jakob, inü mokhitkhi Israel!

ISAIA 44:2

Atungpuhnü ha thachoh, shepünü nü thrünkhea, shepünü nü nuyam chingnü kamshihkhea tüsho nü rungpü la: Dütre, O I yamlarü Jakob, Jeshurun, shepü inü mokhitkhea.

ISAIA 46:11

aniakhiuklimnü shihtsüh wuhnu khülang, I lümkhi thsungkheak limshu lomi chingnü mihtsürü khülang jichoh. Inü asukdo, tüsho ha dünjibah; inü lümkhi thsüdo, tüsho ju arhimobah.

ISAIA 46:13

Inü abekhitpü phünide handarüchoh, limshude yung, tüsho I akhümkhit mülakma; inü Zion ching akhümkhit yukbah, Israel thsungkheak müretahkhi labah.

ISAIA 49:12

Kheahang, harü limshu chingnü arübah, tüsho kheahang, harü dukulim tüsho aniyüzahlimnü, tüsho Sinim lomi chingnü arübah.

ISAIA 49:25

Tüshe Atungpuhnü ha thachoh: “ Wutonü aramkhi she alubah tüsho bukmüke shih she abekhitbah; tümüde nü kheak shochihrü kheak inü shochihbah, tüsho inü nü tsührübo khümkhitbah.

ISAIA 54:4

Dütre, tümüde nü achih müngü; mulong dünini, tümüde nü achih ngüde müküpkhuk; nü athunu achihahean nünü amihbah, tüsho nü khimokhi achihahean nünü mülümkhitlo.

JEREMIA 23:3

Inü I mihtsürübo aningkhi lomibo ching yanmüzütkhi bemukhungbah, tüsho arübo nihbuh lapung lomi ching bedarübah, tüsho arübo tsührü labah tüsho wüh jabah.

JEREMIA 23:4

Inü arü kümpü yakzanshuhrübo mokhitbah, tüsho arünü kheaküa mütre, yungsho mümüyinnim, yungsho müdükheak, Atungpuhnü thachoh.

JEREMIA 23:6

Api nimungbo ching Juda khümkhitbah tüsho Israel akhümkhitkhi ching labah. Tüsho apinü ajipü mung ha labah: “Atungpuh ju isa thiyuro-lungki.”

JEREMIA 23:8

tüshe “Atungpuh lale, shepünü Israel yamkhün tsührübo dukulim lomi tüsho apinü arü yanmüzütpung lomi alala chingnü bekhit tüsho bekhea.” Tüsho arübonü arü nihbuh lomi ching labah.

JEREMIA 29:11

Tümüde inü nüsa thsungkheak lümkhi thsükhi inü mükheahlah, Atungpuhnü thachoh, nüsa arung thsungkheak lümkhibo tüsho athsümünimpü yung, nüsa kilim arübe mulonglam jihpü lah.

JEREMIA 29:14

inü nüsa ki I ngüshihbah, Atungpuhnü thachoh, tüsho inü nüsa kuhi jihlobah tüsho inü nüsa müzütshihpung trükshihbo alala tüsho dangpungbo alala chingnü nüsa bemukhungbah, Atungpuhnü thachoh, tüsho inü nüsa ramtso ching yüshihpung ching nüsa belodarübah.

JEREMIA 3:18

Judüki Juda yamkhünnü Israel yamkhün lung arihbah, tüsho arü rukhühnü inü nüsa jipürü kilim yamrüplurüp jihkhi lo lim dukulim lomi chingnü arübah.

JEREMIA 30:3

Tümüde I mihtsürü Israel tüsho Juda kuhi ngülopü nimungbo tsükjide arüchoh, Atungpuhnü thachoh, tüsho inü arü jipürü kilim jihkhi lomi ching arübo belodarübah tüsho arünü ju yamalo lubah.

JEREMIA 30:7

Aha! ju nimung küde atrebe, ju ruk püpü müla; ha Jakob thsungkheak lümthsünü kim lah; tütüshe api ju chingnü abekhitbah.

JEREMIA 33:16

Ju nimungbo ching Juda khümkhitbah tüsho Jirusalem sühakhim ching labah. Tüsho arünü tamde ajipü mung ha: “Atungpuh ju isa thiyuro-lungki.”

EZEKIEL 16:52

Nü achih arümang, tümüde nünü nü chi pürü thsungkheak thiyumütsan khürü jihdo. Tümütüsho nü neakbo ju arü kheaknü alü mütsüdakde alakheah. Arübo nü kheaknü alü thiyurolungki akhiukdo. Jumonü achihang tüsho nü mungchih arümang, tümüde nünü nü chi pürü thiyuro-lungki akhiukshihdo.

EZEKIEL 38:11

Nünü athabah, “Chipi ayünkhi kiulongbo azhihde inü wutubah; chipibo, akhrihbebo yungsho chipiripitbo mülakhi, mungtsü mihtsürü sühakhim ching larü kheak inü akeambah”;

DANIEL 12:1

“Ju kim ching nü mihtsürü kümrü, yunirü ato Maikel asürübah. Trükshihbo lakhi kim ching küyimkishe mülakhi thsünü kim khülang labah. Tüshe ju kim ching nü mihtsürübo Thrünpuh hüm ching thrüta larü khümkhitbah.

HOSEA 2:18

Ju nimung nü thsungkheaknü inü mütüm shiwühbo, apung wuhnubo, tüsho alo kheak abüde atsahbe kheak tangzüng khülang thsübah; tüsho inü sanglüh, nukshang, tüsho thirithsü lomi chingnü akheamshihbah; tüsho inü nü mungtsü tüsho atsokhitkhi ching lashihbah.

HOSEA 2:20

Inü nü athülünkhi chingnü I niube thsüpü lubah; tüsho nünü Atungpuh mükheahbah.

HOSEA 6:11

O Juda, inü I mihtsürü ramtso chingnü belode arüchoki, nü thsungkheak yimlupü akhukhita lah.

JOEL 2:21

Dütre, O alo; asühang tüsho asühachihang, tümüde Atungpuhnü ato rhimodo!

MIKA 4:9

Kheakü tümüde nünü achangnü zhicho! Nü lung kiulongthsürü müla de? Nü lümthiyan-jihrü dükheakbah aliberü thsünükhi nangde nü thsünüla de?

ZEKARIA 3:10

Wuto Atungpuhnü thachoh, ju nimung nüsanü nüsa kurungaso tüsho khubasodung khüp khülangnü khülang jiyukachihbah.”

JOHAN 12:15

“Dütre, O Zion tsührübe; kheahang, nü kiulongthsüpuh donki nunu kheak binbah arüchoh.”