JEREMIA 3:3 - AMÜSÜH HÜM CL Bible (BSI)

³ Jumonü müngühmühi tsüngbo tholoabah, tüsho mükhean tsüngbo marü; nü a müzammüramrü miro ah, nünü machih.

JEREMIA 3:3 Iomraidhean Croise

THRÜNTAN 19:34

Ashidopü adüjibenü akheambe ki tha, “Yishih I buh lung I yapkheah; ikenü khihre she api yukhu yungshihanü, tüsho nü yübah api lung yapang, junangde ikenü ike abuh mung jimulopü lashihbah.”

NEHEMIA 9:17

Arünü mihyuanipü reanglo; arünü nünü arhimokhi mihdo; arünü nünü amükheahmihbe huhkhi mihdo. Arü kükheangkhi chingnü limberü mokhitbah Ijip azhorü kuhi ching belobah ayüshihpü kamshih. Tüshe nü a neak bahjihrü Thrünpuh ah; nü a mihmüthsümrü tüsho amuzhorü, arünnü bukakhiukchoh. Nü mihmüthsüm ato; jumonü nünü arü mübahyuk.

MÜCHITMUDU 21:29

Mihbukmuyuk mihtsürünü nihbuh miro müküpde kamchoh, tüshe alungkirünü a nihbuh limro lümakheahchoh.

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

JEREMIA 14:1

Akungkhi dünkheak Atungpuh yu Jeremia kilim arü:

JEREMIA 14:22

Sangthsübo khürünü tsüng arüshihkhukba de? Yungsho thüningbonü wungpütsüng akishihkhukba de? O Atungpuh isa Thrünpuh, ha nü yung de? Isanü nü kheak isa mulonglam zojihchoh, tümüde ha alala nünü rhimochoh.

JEREMIA 14:3

Atorübonü arü yamlarübo ke thsungkheak yüshihchoh, arübo kekhip ching arüchoh, arünü ke müngü, arübo kesopung akeangkeang tsolochoh. Arübo achih ngüdo tüsho mulong thsümünimdo tüsho arü ku muhiuchoh,

JEREMIA 14:4

tümütüsho alo jukrüpa lah. Tümütüsho alo kheak tsüng mülamonü thulu thsürübo mulong thsümünim; arünü arü ku muhiuchoh.

JEREMIA 36:2

Küpqiu khülang luang tüsho inü Israel le Juda tüsho trükshih alala azhihde, Josia kiulongthsüchoki inü nü ki asukpü tankihkhinü kheakü khiungde nü ki asukkhi yubo ju kheak thrütang.

JEREMIA 5:24

Arünü mulong ching mütha, “ Isanü Atungpuh isa Thrünpuh treanü, shepünü akheahmünchi ching tsüng arüshihcho, mumükin tsüng tüsho mükhean tsüng jihcho, tüsho isa kilim yimlupü nimungbo akhukhita zojihcho.”

JEREMIA 5:25

Nüsanü alakmihkhibonü harü rholode tsodo, tüsho nüsa neakbonü atsübo tukloshihdo.

JEREMIA 5:3

O Atungpuh , nü müknü thiyuro mükheahcho de? Nünü arü shik, tüshe arünü thsünükhi mümütsan; nünü arü muyuabah, tüshe arünü thsülangkhi lupü reanglo. Arünü arü miro lung kheaknü amürangbe kamshih; arünü arholopü thsunglo.

JEREMIA 6:15

Arünü machihde rhimodo, arünü athraneanbe yihbeakdo; tütüshe arünü machih, arünü achihpüyak mümükheah. Jumonü sherübo angakchonü ju lung arü angakbah. Inü arü thsümüchichoki, arü akeamkhamshihbah, Atungpuhnü thachoh.

JEREMIA 8:12

Arünü machihde rhimodo, arünü athraneanbe yihbeak; tütüshe judü lang machih, arünü achihpüyak mümükheah. Jumonü sherü angakchonü ju lung arü angakbah; inü arü thsümüchichoki, arü akeamkhamshihbah, Atungpuhnü thachoh.

JEREMIA 9:12

Ha anikhitpü shepü lümlung khiukde la? Apinü akhipkhitshihpü thsüde shepü ki Atungpuh münnü asukkhea? Shenü mütsahhopü thsüde, sunglo nangde tümüde alomi thsümünima yapla?

EZEKIEL 3:7

Tüshe Israel yamkhünnü nü ki anipü mümulong tümütüsho arünü I ki anipü mümulong, tümüde Israel yamkhün athrünkhi müküplah tüsho rhükrhüklah.

LEVI 26:19

Inü nüsa kükheangkhi wu thsümünimjihbah; inü nüsa kumung lakhi thüning yinchi nangde akamshihbah tüsho nüsa bukkhüp lakhi alo ju müwayinchi nangde akamshihbah.

AMOS 4:7

Tüsho kheaküshe yimlupü khinu mahsam lachoki inü nüsa kheaknü tsüng tuklo; inü kiuto khülang lungki tsüng arüshih, tüsho püpü kiuto lungki tsüng marüshih; thulu khülang lungki tsüng arüshih, tüsho tsüng marükhi thulu ju mukuhabah;

AMOS 4:8

jumonü kiuto mahne yungsho mahsamnü ke yungpü kiuto khülang ching yüla arüla thsü, tüsho reangmükeamde lakheah; tütüshe nüsanü I kilim murholo, Atungpuhnü thachoh.

ZEPHANIA 2:1

Rukhüh mukhungang, mukhungang, O machihkhi trükshih,

ZEPHANIA 3:5

Ju ching lakhi Atungpuh ju thiyuro-lungki; apinü amülim mürhimo. Yapsu aban apinü mahkhapchoh, anipdokhün mülakphah; tüshe thiyuro mülakhinü achihbe tümü mümükheah.

HAGGAI 1:11

Tüsho lomi le müzüngbo kheak, hi kheak, yukhu aso, müdangke, alonü mukhuhshihkhi kheak, mihtsürü tüsho shiwühbo kheak, tüsho nüsa khah rhimo alala kheak kungshihpü inü ji.

YUZÜNGTHALO 28:23

Tüsho nüsa kumung lakhi thüning ju müwayinchi labah, tüsho nüsa bukkhüp lakhi alo ju yinchi labah.

IBRI 12:25

Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba?