JEREMIA 3:25 - AMÜSÜH HÜM CL Bible (BSI)

²⁵ Isanü achih ngükhi ching lunga yapanü, tüsho isanü wüntre mülakhinü isa lüpdoshang; isa le isa jipürübo, isa athunuchokinü khihni khiungde isanü Atungpuh isa Thrünpuh azhihde neak yihbeakdo; tüsho isanü Atungpuh isa Thrünpuh yu manidebahdo.”

JEREMIA 3:25 Iomraidhean Croise

MUNGSHIKHÜN 106:6

Isanü isa jipürü lung neak yihbeakdo, isanü amülim yihbeakdo, isanü mihbukmuyukde rhimodo.

MUNGSHIKHÜN 106:7

Isa jipürübonü Ijip ching nü amüyinsahbebo manikhit; arünü mükhebinkhi nü amüthsümbo mülümkhit, tüshe Amürüm Keto yeannü Wutobuh azhih.

MUNGSHIKHÜN 109:29

I müneahrübo achih ngükhi yihshang, tüsho khimmih nangde arü lümchihyuknü arü lüpdoshang.

MÜCHITMUDU 13:18

Shepünü adanyukkhi amümürang thsüchonü mükheakmürak tüsho achih ngükhi kamchoh, tüshe shepünü thsülangkhi anichonü wüntre jihchoh.

MÜCHITMUDU 5:13

Inü I thsangyurübo düsheak mani, yungsho I thsangdanrü kilim I nükhünbo mümupho!

ISAIA 48:8

Nünü küyimkishe musoakheah, nünü küyimkishe mümükheahkheah, adüsonü nü nükhün mükhimshuh. Tümüde nünü khide akinashu mülade arhimobah de inü mükheah, tüsho nuyam chingnü nü a azhihrü de ajikheah.

ISAIA 50:11

Tüshe nüsa alala mo takkihrü, mozhuh takkihrü ah. Nü mo trukhi ching tüsho nünü atakkihkhi mozhuh bolung tsahang! Ha I khah chingnü nünü angübah: nü thsümütsü ching yapbah.

JEREMIA 11:13

Tümüde nü kiutobo hihkhi nangde nü thrünpuhbo hihde kamdo, O Juda; tüsho Jirusalem kiudunglimrobo hihkhi nangde achihbe Baal kingaünpü kingaün sadambo thsüa lah.

JEREMIA 12:13

Arünü wheat hi yang tüshe ayangbo yimludo, arü keakzungdo tüshe tümü alü müla. Atungpuh bukakhiukkhi hode arü yimlukhi ching arü achihbah.

JEREMIA 14:20

O Atungpuh , isanü isa yo mihbukmuyuk, isa jipürü mülimkhibo thakhitchoh, tümüde isanü nü azhihde neak yihbeakdo.

JEREMIA 14:7

Isa mülimkhibonü isa azhihde thiyumütsan thsüthsü she, O Atungpuh , nü mung chingnü rhimoang; tümüde isa ashitlokhi tode lah tüsho isanü nü azhihde neak yihbeakdo.

JEREMIA 2:17

Ha apinü nü limro ching bechoki Atungpuh nü Thrünpuh bahyukkhinü nü kheak handarükhi yung de?

JEREMIA 2:19

Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

JEREMIA 2:2

Yüang tüsho Jirusalemnü sode zhiyukang, Atungpuhnü ha thachoh: Inü nü athunuchoki shuhmülanga jihkhi lümkhitchoh, akhuh yamkhün thsüchoki mümükheankhi lomi sunglo ching nünü I yankhi lümkhitchoh.

JEREMIA 2:26

Ahührü tholochoki achih ngükhi nangde, Israel yamkhün achih ngübah–arübo, arü kiulongthsürübo, arü torübo, amükeamrübo, tüsho wukihrübo,

JEREMIA 20:18

Küpkhuk tüsho mulong rozhak kheahpü tüsho I nimungbo achihpü ching kheampü tümü thsüpü I nuyam chingnü arükhea?

JEREMIA 22:21

Inü nü lalim-tsükhi ching asuk, tüshe nünü tha, “ Inü mani.” Ha nü athunuchoki nü limro lakheah, tümüde nünü I yu mani.

JEREMIA 3:13

Nünü Atungpuh nü Thrünpuh azhihkhi mütsande mükheahshang, tüsho nü muzho jaksorü bolung sangdung phüyak aban khüp hiumüzütkhi, tüsho I yu manikhi alokhiang, Atungpuhnü thachoh.

JEREMIA 31:19

Tümüde I rholode atso dunglim I mulong müthri; inü anikhit dunglim inü I khüh yüm. I achih ngü tüsho mi müdünkhit tümütüsho I athunuchoki achihbe inü han.”

JEREMIA 6:26

O amuzhobe I mihtsürü, shungliukhim phuyuang, tüsho awah ching kolahang; tsührü khülang thsungkheak nangde khide khühde tüzhoang: tümüde athsümünimrü zukleangnü isa kheak arübah.

JEREMIA 7:19

Atungpuhnü thachoh, Arünü I bukakhiukshihcho de? Arü küdah thsüde arü achih handarüchoh yung de?

JEREMIA 8:14

Tümüde isa kheakü khiungde binla? Rukhüh mukhungang, isanü chipi ayünkhi kiuto ching yüzahanü, tüsho ju ching dükheakanü; tümüde Atungpuh isa Thrünpuhnü isa dükheakshihpü akhuabahdo, tüsho müzüm ke ayungpü jihdo, tümütüsho isanü Atungpuh azhihde neak yihbeakdo.

JEREMIA 9:18

arünü nahde isa kurungkheak mitrip-khün thsüshang, junangde isa mükbo ching chike bukbah, tüsho isa mükküpbo ching ke bukbah.

TÜZHOKHI 5:16

Isa ku kheaknü kuthran ayokhido; isa are, tümüde isanü neak yihbeakdo!

TÜZHOKHI 5:7

Isa jipürübonü neak yihbeak; arü kheaküa müla, tüsho isanü arü amülimbo hanlah.

EZEKIEL 2:3

Apinü tha: “Mihtsürü tsührü, inü nü Israel, I azhih trükshih kilim yüshihchoh; arü le arü bebuhrünü khihni khiungde I azhihde arüdo.

EZEKIEL 36:32

Ha nü thsülimnü inü arhimopü thsüchoh yung, Atungpuh Thrünpuhnü thachoh; ju nünü mükheahang. Nü limrobo thsungkheak achihang tüsho lümchihyuk ngüang, O Israel yamkhün.

EZEKIEL 44:13

Arünü amükeamrü thsüde tankihpü I thüninde marü, yungsho khide amüsüh I yo kingaünbo khürü phünide marü; tüshe arünü ayihbeakkhi athraneanbebo achih hanbah.

EZEKIEL 7:18

Arünü shungliukhim phuyubah tüsho atrebe khümbah. Arü mirobo kheak achihkhi labah tüsho arü kubo hütbah.

DANIEL 12:2

Asherü ahihdo asürülobah: khürü akheam müla rhangdung labah, tüsho khürü achih ngükhi tüsho akheam müla abahyuk labah.

HOSEA 9:10

Sunglo ching kurungasobo nangde, inü Israel ngüdo. Akheahmünchi ching khubaso akhuh asokhi nangde, inü nüsa jipürübo ngüdo. Tüshe arünü Baal-peor ching arü, tüsho achihbe kukruk ki arü nihbuh müsühkhit, tüsho arünü muzhokhi kukruk nangde arübo athraneanbe kam.

ZEPHANIA 1:17

Inü hadürü lümthsünü mihtsürübo kheak handarübah, junangde arübo müktukrü nangde atsahbah; tümütüsho arünü Atungpuh azhihde neak yihbeakkhinü, arü thiyih ke nangde abukkhitbah, tüsho arü shih müneanmuru mujung nangde alabah.

ROMRÜ KILIM PAULNÜ ATHRÜTKHI KIHÜM HUHTANYU 6:21

Dale tüsho kheakü nüsanü achihde alakhi rhimokhi chingnü nüsa tümü alü thsüde? Jurübo akheam ju ashekhi lah.

MAHKHAPRÜ 2:2

Tüsho nüsanü ha lomi ching larü ki tangzüng müthsü; nüsanü arü kingaün sadam thsümünima keamshihbah.’ Tüshe nüsanü I yu mani. Tümüde nüsanü ha rhimokhea?