JEREMIA 3:23 - AMÜSÜH HÜM CL Bible (BSI)

²³ Tsükjide awung mujuk tüsho awungbo kheak sangthsü kingaünde asühkhi ju akeangkeang lah. Tsükjide Atungpuh isa Thrünpuh lung Israel akhümkhit lah.

JEREMIA 3:23 Iomraidhean Croise

MUNGSHIKHÜN 3:8

Akhümkhit ju Atungpuh yo ah; nü müngühmühi nü mihtsürübo kheak lah.

MUNGSHIKHÜN 62:7

Thrünpuh kheak I akhümkhit tüsho I müretah lah; I sühmüh lungto, tüsho I tsoyukpung Thrünpuh kheak lah.

MÜCHITMUDU 21:31

Khora ju thirithsü nimung thsungkheak thsakhamlah, tüshe akuk ngükhi ju Atungpuh yo.

ISAIA 10:20

Ju nimung aningkhi Israel tüsho Jakob yamkhün rhangdung larübonü kheaküa arü shikrü kheak düthsün mangükih, tüshe Israel yo thiyuro Amüsühbuh kheak angükihbah.

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 43:11

I, I Atungpuh ah, tüsho I hobah akhümkhitrü she müla.

ISAIA 44:9

Sangthsü thsürü alala tümü müla, tüsho arü asühkhi kukrukbo alü müla; arü thiyumütsanbo müngü yungsho mümükheah. Jumonü arübo achih ngüshihbah.

ISAIA 45:15

Tsükjide, nü a Thrünpuh, shepü jikla, O Israel Thrünpuh, Akhümkhitrü.

ISAIA 45:17

Tüshe Israel a Atungpuhnü akheam müla akhümkhit hode khümkhita lah; nü a küyimkishe achih müngüshih yungsho müyingyingshih.

ISAIA 45:20

Nüsa shomukhungang tüsho rukhüh arang, phünide arang, nüsa trükshih chingnü tsokhita larübo! Arübo mükheahmudu müla– sherünü arü sangthsübo hancho, tüsho mükhümkhitkhukbe thrünpuh ki tamkhüntamnücho.

ISAIA 63:1

“ Edom ching lakhi Bozra chingnü rung-khiungkhi khim yihbah arücho ju shepü a? Müretahkhinü züt thsübah, wu ato chingnü arücho ju shepü a?” “Ha I, thiyuro-lungki ching asukchoh, akhümkhitpü wu lah.”

ISAIA 63:16

Tümüde nü isa abuh, Abrahamnü isa mümükheahkheah she tüsho Israelnü isa mümütsantsan she; nü, O Atungpuh , isa abuh lah; adüsonü isa Rhokhitbuh ju nü mung ah.

JEREMIA 14:8

O nü Israel mulonglam, küpkhuk kim ching khümkhitbuh, tümüde nü a isa lomi ching hanrü ruk, hantsahrü tsüngrekhüh thsungkheak lakhi ruk a le?

JEREMIA 17:14

I thsüngujang, thsüngujang, O Atungpuh , tüsho I athsüngubah; I khümkhitang, tümüde nü a inü mungshipü lah.

JEREMIA 17:2

arü tsührübonü she arü kingaün sadam tüsho Ashera sangthsübo lümkhitchoh, sangdung phüyak aban ki tüsho awung achangbo kheak,

JEREMIA 3:6

Kiulongthsüpuh Josia nimungbo ching Atungpuhnü I ki tha: Anihbenü arhimokhi nünü ngünah, akin mülakhi khülang, Israel, künangde anihbenü awung aban yükihkhea tüsho sangdung phüyak aban khüp müzammüram rhimokhea?

JEREMIA 31:7

Tümüde Atungpuhnü ha thachoh: Jakob thsungkheaknü asühde achangnü khün thsüang, tüsho trükshih yo atobe thsungkheak zhiang; zhiyukang, mungshi jihang, tüsho thaang, “ O Atungpuh , nü mihtsürü aningkhi Israel khümkhitang.”

EZEKIEL 20:28

Küyimki inü arü kilim jihpü alokhikhi lomi ching arü bedarükhea tüsho arünü awung achang yungsho ayüniuniu sangdung ngükhea, ju ching arünü laksah-a kingaün, I bukakhiukpü thsüde kingaün jih, arü yo arhümthüneabebo jih tüsho arü yo ayungbe kingaünbo dungabah.

HOSEA 1:7

Tüshe inü Juda yamkhün kheak muzhobah; inü arübo sanglüh, yungsho nukshang, yungsho thirithsü, yungsho khorabo, yungsho khoraberü hode mükhümkhit; tüshe I Atungpuh arü Thrünpuh hode arü khümkhitbah.”

JOHAN 4:22

Nüsanü tümü mümükheahnü ju kingaünchoh; isanü tümü mükheahlanü ju kingaünchoh, tümüde akhümkhit ju Jihudarü kilimnü lah.