JEREMIA 3:17 - AMÜSÜH HÜM CL Bible (BSI)

¹⁷ Ju kim ching Jirusalem ju Atungpuh kiulongthsü-binkiu de ajibah, tüsho trükshih alala Jirusalem ching Atungpuh miki mukhungbah, tüsho kheaküa arünü mulong müküpde nihbuh amütsü lümkhi ching müyan.

JEREMIA 3:17 Iomraidhean Croise

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

1 KIULONG THSÜRÜ 8:41

“Küyimki, nü mihtsürü Israel yungde khiungkerü khülang nü mung hode limshu lomi chingnü arübanü–

MUNGSHIKHÜN 102:23

Apinü limro ching I sühmüh keakeade kamshih; apinü I nimungbo khihshih.

MUNGSHIKHÜN 78:8

Arübo arü jipürü anihnih tüsho azhihkhi lün arü mulong tüsho me Thrünpuh ki thiyuro mülakhi nangde mülade alabah.

MUNGSHIKHÜN 87:3

Müretahkhibo ju nü dünkheak thakhi lah, O Thrünpuh kiuto!

ISAIA 26:8

Nü mahkhapkhi limro ching, O Atungpuh , isanü nü aleanglah; nü mung tüsho nü mungthu menü künde lah.

ISAIA 56:6

Tüsho khiungkerübo sherünü Atungpuh lung arihcho, api tankihpü, Atungpuh mung muzhopü, tüsho api yamlarü thsüpü, amuni mungrü alala tüsho ju mümüneanjihcho, tüsho I yo tangzüng dükde ramlocho–

ISAIA 59:19

Jumonü aniyüzahlim Atungpuh mung trebah, tüsho aniakhiuklimrünü api müretahkhi trebah; tümüde ke bukkhi nangde api arübah, junangde Atungpuh pung yünbah.

ISAIA 6:1

Kiulongthsüpuh Uzzia shekhi kam ching, inü Atungpuh kiulongthsü-binkiu kheak binde, achang tüsho shuhkih-a ngü; tüsho api shulünkhimnü arüngyam mi.

ISAIA 66:1

Atungpuhnü ha thachoh: Yinmi I kiulongthsü-binkiu tüsho alomi I jing dubopung; nüsanü I thsungkheak tümü yam thsüjihba, tüsho I sühakhimpung tümü a?

ISAIA 66:18

Tümüde inü arü rhimobo tüsho arü lümkhi mükheahlah, tüsho trükshih le thiyutha alala bemukhungpü I arüchoh; tüsho arünü arübah I müretahkhi ngübah,

ISAIA 66:20

Arünü nüsa keoniorü alala trükshih alala chingnü A TU N GPU H kilim kingaün nangde, khorabo, khora-lolungbe, atho-lolungbe, khoranunu, tüsho kemelbo kheaknü Jirusalem ching I yo amüsüh wung kheak handarübah, Atungpuhnü thachoh, Israelrünü amüsüh yukpung chingnü hi kingaün Atungpuh yam ching handarükhi nangde alabah.

JEREMIA 11:8

Tütüshe arünü mihyu mani yungsho arü nükhün manguh, tüshe mihbüm abannü amütsü lümkhi ching nihnihde tsahdo. Jumonü inü arü ki arhimoshihpü thiyukhüm jihkhi ha tangzüng yubo alala arü kheak handarü, tüshe arünü mürhimo.

JEREMIA 12:15

Tüsho inü arü rukkhita bahshu kheaküshe inü arü ki mihmuzho labah, tüsho arü mihbüm abande arü lo tüsho arü yamrüplurüp lim belodarübah.

JEREMIA 12:16

Tüsho arünü I mihtsürü limrobo düshihde amükheahbah, I mung tamde thiyuchihchimbah, “Atungpuh lale,” arünü khülang ki Baal tamde thiyuchihchimpü I mihtsürü ki thsangyua lalashe, arübo I mihtsürü bolung laabahbah.

JEREMIA 14:21

Nü mung chingnü, isa düthranean; nü müretah kiulongthsü-binkiu wüntre müjihde düla; lümkhitang tüsho isa kheak trükshih tangzüng düthsümünim.

JEREMIA 16:12

tüsho nüsanü jipürü kheaknü amütsübe yakli huh, tümüde nüsa mihbüm abannü I ki anipü thsunglode, nihbuh lümkhi anihnih amütsü yanchoh.

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

JEREMIA 17:12

O müretahkhi kiulongthsü-binkiu, atankih chingnü ashuhkihkhi, ju isa arüngyam dangpung ah!

JEREMIA 18:12

Tüshe arünü tha, “Ju rhimo müla! Isanü isa nihbuh lümkhi yanbah, tüsho isa mihbüm abannü isa lümkhi amütsü yande arhimobah.”

JEREMIA 3:19

I tsührü bolung küde thsah nü zojihpü; tüsho alo atsü, trükshih alala yo akheahakham yamrüplurüp küde ajihpü de inü tha. Tüsho nünü I ki, abuh de ajibah tüsho I kilimnü rholode mutso de inü tha.

JEREMIA 31:23

Wuto Atungpuh , Israel Thrünpuhnü ha thachoh: Khülang ki arünü inü arü kilim kuhi jihlokhi, Juda lomi tüsho kiutobo ching harü yubo ahoribah: “Atungpuhnü nü müngühjang, O thiyuro lapung, O amüsüh wung!”

JEREMIA 33:9

Tüsho inü arü thsungkheak atsü rhimokhi alala sopü larü lomi trükshihbo alala miki ha kiuto I ki asühkhi mung, mungshi tüsho müretahkhi labah; inü ha thsungkheak atsü tüsho lalim atsü alala jihkhi dünkheak arünü atrebah tüsho ajanbah.

JEREMIA 4:2

tüsho nüsanü, “Atungpuh lale!” de thiyuro ching, jakmükheahkhi ching, alungki chingnü thiyuchihchimsho, apinü trükshihbo müngühjihbah, tüsho api lung arü müretahbah.

JEREMIA 7:24

Tütüshe arünü mihyu mani yungsho arü nükhün mumupho, tüshe arü amütsü lümkhi ching nihnihde, arü nihbuh lümrükbo ching tsah, tüsho mikhuhlim yungde dunglim peang tsah.

JEREMIA 9:14

tüshe arü jipürünü arü ki thsangyukhi nangde nihnihde arü nihbuh mulong yan tüsho Baalbo dunglim yü.

EZEKIEL 1:26

Arü ku kumung thüning kumung lakhi ju shotolung-bluk kiulongthsü-binkiu nangde lakheah, tüsho kiulongthsü-binkiu kumung achang kheak ju mihtsürü jak nangde alakheah.

EZEKIEL 43:7

Apinü I ki tha: Mihtsürü tsührü, ha I Israel bolung lünnü alapü lakhi I kiulongthsü-binkiu zopung tüsho I jinglung dubopung. Israel yamkhünnü kheaküa arünü yungsho arü kiulongthsürübonü, arü yüliyürakhinü, tüsho arü kiulongthsürübo shechoki asheminü I mung amüsüh mümüneanjih.

EZEKIEL 48:35

Kiuto mükamkhi ju khahnap 18,000 labah. Tüsho ju kimnü ründe kiuto mung ju, “Atungpuh Ju Ching Lah” de alabah.

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

ZEKARIA 8:8

tüsho inü arübo Jirusalem ching lashihpü bede arübah. Athülünkhi tüsho thiyuro-lungki ching arübo I mihtsürü thsübah tüsho I arü Thrünpuh thsübah.

WÜHKHE 15:39

Tüsho nüsa kheak hingmüngam müchekhi ju alabah, tüsho ju kheak kheahbahle Atungpuh yukhümbo lümkhitbah, tüsho jurübo rhimobah, tüsho jude athsükhinü nüsa mulong tüsho nüsa müknü abekhi lim müzammüramde nüsanü müyü,

ROMRÜ KILIM PAULNÜ ATHRÜTKHI KIHÜM HUHTANYU 1:21

tümüde arünü Thrünpuh mükheah-a lalashe api Thrünpuh ah de wüntre müjih yungsho makshe müjih, tüshe arünü alümkhi ching zhazhade kam tüsho arü makhakhi mulong mitingabah.

ROMRÜ KILIM PAULNÜ ATHRÜTKHI KIHÜM HUHTANYU 6:14

Tümüde neaknü nü kurungkheak yakzan mushuh, tümütüsho nü yakzan khüp müla tüshe mihmüthsüm khüp lah.

GALATIA 4:26

Tüshe Jirusalem akube zuzu lah, tüsho alibe ju isa abe ah.

YUZÜNGTHALO 29:29

“Aramkhi kukruk ju Atungpuh isa Thrünpuh yo ah, tüshe akhiukahuhkhibo lünnü isa tüsho isa tsührübo yo ah, junangde isanü ha yakzan anibah.

MAHKHAPRÜ 2:19

Tüsho küyimki mahkhaprübo sheabahkhea, arünü rholobah püpürü thrünpuhbo yande, tankihde tüsho khukningde arü bebuhrü kheaknü amütsübe thsüde rhimo. Arünü arü nihbuh rhimokhi chingnü yungsho arü nihnihkhi limro chingnü arün müthsü.