JEREMIA 3:16 - AMÜSÜH HÜM CL Bible (BSI)

¹⁶ Tüsho küyimki nüsa lomi ching wüh bubanü, Atungpuhnü thachoh, arünü kheaküa mütha, “Atungpuh tangzüng sangdan.” Ju lüm ching marü, yungsho mülümkhit, yungsho müthsülo.

JEREMIA 3:16 Iomraidhean Croise

ISAIA 60:22

Yamkhün aninibenü guk khülang kambah, tüsho boto anikhühnü sühmüh lakhi trükshih kambah; I Atungpuh ; kim dükde ching inü ju nahde arhimobah.

ISAIA 61:4

Adüso thsümünimkhibo arünü athsülobah, akhuhlim thsünimthsüshikhi arünü shuhmusulobah; lün ahihdo ching thsümünimkhi kiuto arünü athsülobah.

ISAIA 65:17

Tümüde inü yinmibo aso tüsho alomi aso thrünpü thsüchoh; akhuhlim dünjikhibo mülümkhit yungsho lüm ching marü.

JEREMIA 3:17

Ju kim ching Jirusalem ju Atungpuh kiulongthsü-binkiu de ajibah, tüsho trükshih alala Jirusalem ching Atungpuh miki mukhungbah, tüsho kheaküa arünü mulong müküpde nihbuh amütsü lümkhi ching müyan.

JEREMIA 30:19

Jurü chingnü makshe jihkhi arübah tüsho asühachihrü düsheak sobah. Inü arübo hihde akamshihbah tüsho arü nükde müla; inü arü müretahde kamshihbah tüsho arü khenoa müla.

JEREMIA 31:27

Atungpuhnü thachoh, Israel yamkhün tüsho Juda yamkhün kheak mihtsürü tüsho shiwüh müjihbo hiupü nimung tsükjide arado.

JEREMIA 31:8

Kheahang, inü dukulim lomi chingnü arübo bedarüpü lah, tüsho limshu lomi chingnü arü bolung müktukrü tüsho jingkikrü, berünü khungarü hanbah tüsho thsünüde, rukhühnü bemukhungbah; boto ato, arübo ha ching alodarübah.

JEREMIA 7:4

Harü mülapyukbe yubo ching dükin: “Ha Atungpuh arüngyam, Atungpuh arüngyam, Atungpuh arüngyam.”

EZEKIEL 15:5

Ha abüm lachoki tümükhüh yihnüpü mülasho, monü atakshu tüsho müraksho, ha tümükhüh yihnüpü küdükhüh nükde alaba?

EZEKIEL 37:26

Inü arü kheak mungtsü tangzüng khülang thsübah; ju arü kheak akheam mülakhi tangzüng khülang labah; tüsho inü arü müngühjihbah tüsho wüh bushihbah, tüsho arü bolung I arüngakopung lünnü alashihbah.

AMOS 9:9

Tümüde kheahang, inü thiyukhüm jihbah tüsho khürünü ayikeangnü ayikhi nangde trükshih alala bolung müthülünkhi yihkhita bahpü inü Israel yamkhün ayibah.

ZEPHANIA 3:11

Ju nimung nünü I azhihde arhimokhi alala dünkheaknü nü achih müngü; tümüde inü nüsa bolungnü kükheangde asühachihrübo yihkhita bahbah, tüsho nüsanü kheaküa I yo amüsüh müzüng kheak lülüshishi müthsü.

MATHI 1:11

Arü Babilon ramtso ching lachoki Josia kheaknü Jekonia tüsho api keoniorübo trükkhit.

MATHI 3:9

tüsho nüsa küdah thsüde, ‘Abraham ju isa abuh ah,’ de athapü dülüm. Tümüde Thrünpuhnü harü lungbo kheaknü Abraham kilim tsührübo akhiukshihkhuklah de inü nüsa ki thachoh.