JEREMIA 3:1 - AMÜSÜH HÜM CL Bible (BSI)

¹ Athrürü khülangnü aniube bahbah api kinü tsosho tüsho püpürü thrürü niuberü kamsho, apinü alibe kilim yüloba de? Hadürü lo ju tode mümüneanba de? Nünü müyamrü ahihdo kheak müzammüramdo; tüsho nü I kilim arüloba de? Atungpuhnü thachoh.

JEREMIA 3:1 Iomraidhean Croise

MUNGSHIKHÜN 106:38

tüsho amülim-mülarü thiyih bukshih, arü tsührübo le tsührübebo thiyih she, Kananrü sangthsübo kilim shuhmülanga jih; tüsho alo ju thiyihnü müneana lakheah.

ISAIA 24:5

Mihtsürübonü alomi müneando; tümüde arünü yakzanbo lakmihdo, thiyuzüngbo thsümünimdo, akheam mülakhi tangzüng yihshakdo.

JEREMIA 2:20

Ashang tsodo, nünü nü sangkaplak yihshak tüsho thiyuchihchim yihshakabah, tüsho nünü tha, “ Inü mütankih!” Awung achang abande tüsho sangdung phüyak aban khüp müzammüramrü nangde nünü yap.

JEREMIA 2:23

Küde thsah nünü thakhukpü, “ I a mümünean, inü Baal dunglim müyü?” Jindükhün ching nü limro kheahang; nünü arhimokhi mükheahang– nü a athrikhi mütüm Kemel halim-halim yungchoh.

JEREMIA 2:7

Inü nü suhdahkhi lomi ching sangaso tüsho atsü mungjibo tsühshihpü bedarü. Tüshe küyimki nü yüzahkhea, nünü I lomi müneanabah, tüsho I yamrüplurüp athraneanbe kamshih.

JEREMIA 22:20

Lebanon lim wutuang, tüsho zhiang, tüsho Bashan ching nü düsheak shuhkihang; Abarim chingnü zhiang, tümüde nü muzhorü alala zünaka lah.

JEREMIA 3:22

Rholoang, O akin mülakhi tsührübo, inü nüsa akin mülakhi chingnü thsüngujihbah. “He, isa nü kilim arüchoh; tümüde nü a Atungpuh isa Thrünpuh.

JEREMIA 3:9

Tümütüsho alibenü anihbe müzammüram machihde rhimo, alibenü alo müneanjih, lung tüsho sangdung kheak müzammüram thsü.

JEREMIA 31:22

Külokhüh nü rümde atsahba, O akin mülakhi tsührübe? Tümüde Atungpuhnü alomi kheak kukruk aso khülang thründo; aliberü khülangnü athrürü kümdopü lah.

JEREMIA 4:1

Nüsanü rholosho, O Israel Atungpuhnü thachoh, nüsanü I kilim rholosho, nüsanü athraneanbe I mikinü yihkhita bahsho, tüsho tsahphülapde müyüsho,

JEREMIA 4:14

O Jirusalem, mihbukmuyuk chingnü mulong müsühang, junangde nü khümkhitbah. Nü lümkhi amütsü külokhüh nü kheak laba?

TÜZHOKHI 1:2

Anihbenü azhing ching, anihbe ngobo kheak chikebo bukde düsüknimde tripchoh; anihbe muzhorü bolung anihbe shukheamrü she müla; anihbe müyamrü alalanü anihbe ki mülapyukde rhimodo, arübo anihbe riribo kamdo.

EZEKIEL 16:26

Nünü nü shihkünkhi nü phünirü Ijiprü kheak müzammüram thsü, tüsho alü müzammüramkhinü I bukakhiukshih.

EZEKIEL 16:30

Wuto Atungpuhnü thachoh, nünü achih mühanrü müzammüramrü nangde harü alala rhimodo.

EZEKIEL 16:35

Jumonü nü müzammüramrü, Atungpuh yu aniang!

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

HOSEA 1:2

Küyimki akhuhde Atungpuhnü Hosea hode asukkhea, Atungpuhnü Hosea ki tha, “ Yüang, müzammüramberü nü niube thsüpü luang tüsho müzammüramrü tsührübo lashang, tümüde lominü Atungpuh bahyukde müzammüram ato yihbeakdo.”

HOSEA 2:2

Nü be ki thürühang, thürühang, tümüde anihbe I niube yung tüsho I aniubuh yung. Anihbenü müzammüramkhi tüsho beyapkhi tukloshang.

MIKA 2:10

Asürang tüsho yüang; tümüde ha sühakhim dangpung yung, tümütüsho mümüsühkhinü ha khitode thsümünima lah.

ZEKARIA 1:3

Jumonü arü ki thaang, Wuto Atungpuhnü ha thachoh: I kilim rholoang, Wuto Atungpuhnü thachoh, tüsho inü nü kilim rholobah, Wuto Atungpuhnü thachoh.

MATHI 5:31

“Hade thade la, ‘Khürünü nihbuh niuberü bahsho achamachihkhi jingyan-hüm anihbe kilim jihbeah.’

YUZÜNGTHALO 22:21

arünü alibe ju abuh yam khimdopü ki bede akhiukbah, tüsho kiuto ching lakhi athrürübonü anihbe ju lungnü arusahbah, tümütüsho alibenü abuh yam chingnü müzammüramde achihbe rhimo Israel ching rhimodo; jumonü nüsanü amütsü mihtsürü nüsa bolungnü yihkhita bahang.

MAHKHAPRÜ 19:2

Tüshe alibenü api ki thiyuro mülakheah. Alibenü api bahjihbah Juda ching lakhi Bethlehem ching abuh yam lim alode yü, tüsho ju ching khinu phüyi amuyung lakheah.