JEREMIA 29:8 - AMÜSÜH HÜM CL Bible (BSI)

⁸ Tümüde Wuto Atungpuh , Israel Thrünpuhnü ha thachoh: Nüsa lung larü wukihrü tüsho müchitrübonü nüsa dümülapyukshih, tüsho arünü milim mikhi nüsanü dani,

JEREMIA 29:8 Iomraidhean Croise

JEREMIA 14:14

Tüsho Atungpuhnü I ki tha: Wukihrübonü I mung ching akeangyu müchitchoh; inü arü müthiyi, yungsho arü ki thiyukhüm müjih yungsho arü ki masuk. Arünü nü ki akeangyu michih, müthülünkhi müchityu, tüsho arü nihbuh akeangyu lümkhi müchitchoh.

JEREMIA 23:16

Wuto Atungpuhnü ha thachoh: Nüsa ki müchitrü wukihrübo yu dani; arünü nüsa bemüchihchoh. Arünü nihbuh lümkhi michih asukchoh, Atungpuh mün chingnü yung.

JEREMIA 23:21

Inü wukihrübo müthiyi, tütüshe arünü alihdo; inü arü ki masuk, tütüshe arünü müchitdo.

JEREMIA 23:25

Akeangyu müchitrü wukihrübonü I mung chingnü athakhi inü sodo, “ Inü mido, inü mido!”

JEREMIA 23:27

Arü jipürünü I mihbah Baal kilim rholokhi nangde I mihtsürübonü arü milim kheankhinü I mung mihshihpü arünü lümchoh.

JEREMIA 27:9

Jumonü nüsanü nüsa wukihrübo, müchitrübo, milim yihnakrübo, müchityu tharübo, yungsho wurük-huhrü ki dani, sherünü nüsa ki thacho, “ Nüsanü Babilon kiulongthsüpuh mütankih.”

JEREMIA 28:15

Tüsho wukihbuh Jeremianü wukihbuh Hanania ki tha, “Aniang, Hanania, Atungpuhnü nü müthiyi, tüsho nünü ha mihtsürübo akeangyu ching kinshihchoh.

JEREMIA 29:1

Ha Nebukednezarnü Jirusalem chingnü ramtso ching hande ayürü, ramtsorü bolung aningkhi azothsürübo, amükeamrübo, wukihrübo, tüsho mihtsürü alala kilim wukihbuh Jeremianü Jirusalem chingnü thrüta yüshihkhi yubo ah.

JEREMIA 29:15

Tümütüsho nüsanü tha, “Atungpuhnü isa thsungkheak Babilon ching wukihrübo arüshihdo,”–

JEREMIA 29:21

Wuto Atungpuh , Israel Thrünpuhnü I mung chingnü nüsa ki akeangyu müchitrü, Kolaia tsührü Ahab tüsho Maaseia tsührü Zedekia dünkheak ha thachoh: Inü arübo Babilon kiulongthsüpuh Nebukednezar khah ching jihpü thsüchoh, tüsho apinü arübo nüsa mük kinü alaksahbah.

JEREMIA 29:23

tümütüsho arünü Israel ching atrebe neak yihbeakkhi lah tüsho arü yamhingrü niuberü kheak müzammüram yihbeak tüsho arü ki thiyukhüm müjihkhi akeangyubo I mung chingnü asukdo; inü mükheahlah tüsho I thiyumütsan ah, Atungpuhnü thachoh.

JEREMIA 37:9

Atungpuhnü ha thachoh: Nü zangrü mülapyukde dütha, “Tsükjide Kaldearü isa kheaknü atsobah,” tümüde arübo tsoamübah.

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

TÜZHOKHI 2:14

Wukihrübonü nü thsungkheak akeangyu tüsho mülapyukkhi michihbo ngüdo; arünü nü kuhibo ngülopü thsüde nü mülimkhi mülahkhit, tüshe nü thsungkheaknü akeangyu tüsho bemüchihpü müchityu ngüdo.

EZEKIEL 13:6

Arü michihbo arükchih tüsho arü müchitkhi akeangyu. Atungpuhnü arü müthiyide thachoh, “Atungpuhnü thachoh”; tüsho arü yu dünjipü arünü mükkin thsüchoh.

MIKA 2:11

Khürünü akeangyu thade arüsho, “ Inü nüsa ki suhdahkhi yukhu tüsho ayungbe dünkheak müchitbah,” api ju ha mihtsürü thsungkheak wukihrü lakhi labah!

ZEKARIA 13:4

Ju nimung wukihrübo ju arünü müchitchoki mihbüm aban nihbuh michih dünkheak achihbah; arünü mülapyukpü thsüde anamkihkhi khim müyih,

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

LUKNÜ ATHRÜTKHI THIYUSHEAK-ATSÜ HUHTANYU 21:8

Tüsho apinü tha: “Nüsa mümülapyukpü kümkangang. Tümüde ahihkhüh I mung chingnü thade arübah, ‘I api ah,’ tüsho, ‘Kim thünindo.’ Jumonü arü dunglim düyü.

LUKNÜ ATHRÜTKHI THIYUSHEAK-ATSÜ HUHTANYU 6:26

“Mihtsürü alalanü nüsa tsakamkhi dünkheak asukchoki nüsa are, tümüde arü bebuhrünü arükchih wukihrübo ki jude athsükheah.

ROMRÜ KILIM PAULNÜ ATHRÜTKHI KIHÜM HUHTANYU 16:18

Tümüde hadürü mihtsürübonü isa Atungpuh Khrista mütankihchoh, tüshe arü buk thsungkheak ah, tüsho arü yu atsü tüsho atsankhinü amülim mülarü mihtsürü mulongbo thsungyukchoh.

EFISIA 4:14

junangde kheaküa isa thsunga yüla arüla de tüsho kingaün-yakzan apungnü yünde, arü rük amütsü ching azürü nangde müla.

EFISIA 5:6

Shenü she thiyu akeangkeangnü nüsa dümülapyukshih, tümüde hadürü hode mihyumanirübo kheak Thrünpuh mulong zhipzhip arüchoh.

2 TESALONIKA 2:3

Shenü she nüsa tümü ching she dümülapyukshih, tümüde azhihkhi makhiukyikia tüsho athsümünimpü akhua lakhi aneak mihtsürü makhiukyikia ju nimung marü.

2 TIMOTHI 3:13

mihtsürü amütsü tüsho rükmütsürü a mülapyukde tüsho mülapyukabahde amütsü chingnü amütsübe kambah.

1 JOHAN 4:1

Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.