JEREMIA 29:7 - AMÜSÜH HÜM CL Bible (BSI)

⁷ Tüshe inü nüsa ramtso yüshihkhi kiuto mungtsü tüsho lalim atsü thsungkheak yimang. Atungpuh ki tamkhüntamnüang, tümütüsho ju lalim tsüsho nüsa she lalim tsübah.

JEREMIA 29:7 Iomraidhean Croise

EZRA 6:10

Jude athsükhinü arünü yinmi Thrünpuh kilim arhümthüneade kingaünshihbah, tüsho Api müngühmühi I tüsho I tsührübo kheak lashihpü tamkhüntamnüshihbah.

EZRA 7:23

Yinmi Thrünpuhnü arüngyam thsungkheak yihnüpü lakhi akukthülün khide kümkangde jihang, jude müthsüsho I le I tsührübo kheak Thrünpuh bukakhiukbah.

MUNGSHIKHÜN 122:6

Jirusalem mungtsü thsungkheak tamkhüntamnüang: “Nü muzhorü latsühlayungde kamshang.

JEREMIA 38:4

Judüki atorübonü kiulongthsüpuh ki tha, “Ha mihtsürü asheshihpü lah, tümütüsho apinü ha kiuto ching aninga larü bonungrü tüsho mihtsürü alala arü ki hadürü yu thakhinü mulong ninishihchoh. Tümüde ha mihtsürünü mihtsürübo arung thsungkheak yungde arü thsümünimpü yimchoh.”

EZEKIEL 11:16

Jumonü thaang: Wuto Atungpuhnü ha thachoh: Inü arübo trükshih bolung limshude yüshihshih she tüsho lomi bolung ching arü hiumüzütshihshih she, arü yükhi lomibo ching arü thsungkheaknü I arüngakopung khülang lakheah.

DANIEL 4:19

Judüki Belteshazzar de ajikhi Daniel ju anükhüh kheak lüm shangmangde kam. Anihbuh lümkhinü api trede kamshih. Kiulongthsüpuhnü tha, “Belteshazzar, milim yungsho thanakkhinü nü trede dükam.” Belteshazzarnü alo, “ I tungpuh, milim ju nü thraneanrü thsungkheak tüsho thanakkhi ju nü riribo thsungkheak lashang!

DANIEL 4:27

Jumonü, O kiulongthsüpuh, inü athakhi yanang. Neak yihbeakpü tukloang, tümü alim lanü rhimoang, tüsho zhochihrü ki müthsümang. Junangde nü lalim tsüde alabah.”

ROMRÜ KILIM PAULNÜ ATHRÜTKHI KIHÜM HUHTANYU 13:1

Mihtsürü abannü thiyukhümsühmüh khüp laang. Tümütüsho Thrünpuhnü amülüjihkhi kheak hode thiyukhüm-sühmüh püpü müla, tüsho sherü lanü Thrünpuhnü amokhitkhi lah.

ROMRÜ KILIM PAULNÜ ATHRÜTKHI KIHÜM HUHTANYU 13:5

Jumonü nüsanü Thrünpuh bukakhiukpü thsungkheak lang yung tüshe lümzülümdo thsungkheak she thiyukhüm-sühmüh khüp laang.