JEREMIA 29:31 - AMÜSÜH HÜM CL Bible (BSI)

³¹ Ramtsorü alala ki thaa yüshang, Nehelamrü Shemaia dünkheak Atungpuhnü ha thachoh: Tümütüsho inü api müthiyia lalashe Shemaianü nüsa ki müchitdo, tüsho akeangyu ching nüsa kinshihdo,

JEREMIA 29:31 Iomraidhean Croise

1 KIULONG THSÜRÜ 13:18

Judüki wukihrü awünbuhnü alo, “Nü nangde I she wukihrü ah, tüsho Atungpuh yu hode yunirü khülangnü I ki tha: Api nü lung belobah nü yam ching arang, junangde apinü jim tsühbah tüsho ke yungbah.” Tüshe apinü anihbuh ki akeangyu thade alakheah.

JEREMIA 23:21

Inü wukihrübo müthiyi, tütüshe arünü alihdo; inü arü ki masuk, tütüshe arünü müchitdo.

JEREMIA 29:20

Tüshe kheakü, inü Jirusalem chingnü Babilon ramtso ching yüshihrübo nüsa alala, Atungpuh yu aniang:

JEREMIA 29:30

Judüki Atungpuh yu Jeremia kilim arü:

JEREMIA 29:9

tümüde arünü I mung chingnü akeangyu nüsa ki müchitchoh; inü arü müthiyi, Atungpuhnü thachoh.

2 PETER 2:1

Adüso arükchih wukihrübo mihtsürü bolung lakheah, junangde nüsa bolung she arükchih thsangyurübo akhiukbah. Arünü athsümünimbe akeangyu kingaünyakzan hande arübah, tüsho arü rhokhitbuh arü Putungrü reanglobah, tüsho junangde arünü arü nihbuh kheak zukleangnü athsümünim hande arübah.