JEREMIA 29:21 - AMÜSÜH HÜM CL Bible (BSI)

²¹ Wuto Atungpuh , Israel Thrünpuhnü I mung chingnü nüsa ki akeangyu müchitrü, Kolaia tsührü Ahab tüsho Maaseia tsührü Zedekia dünkheak ha thachoh: Inü arübo Babilon kiulongthsüpuh Nebukednezar khah ching jihpü thsüchoh, tüsho apinü arübo nüsa mük kinü alaksahbah.

JEREMIA 29:21 Iomraidhean Croise

JEREMIA 20:4

Tümüde Atungpuhnü ha thachoh: Inü nü tüsho nü müyamrü alala ki nü atrebe kamshihchoh; tüsho nünü kheahde alachoki arübo arü riri nukshangnü akeambah. Tüsho inü Juda alala Babilon kiulongthsüpuh khah ching jihbah; apinü arübo rama lubah Babilon ching tsobah, tüsho nukshangnü arü laksahbah.

JEREMIA 20:6

Tüsho nü, Pashhur, tüsho nü yam ching larü alala, rama hanbah atsobah, tüsho nü Babilon ching yübah; nü ju ching shebah tüsho nü le nünü sherü kheak akeangyu müchitkheanü nü müyamrü alala ju ching kiuyuka bahbah.

JEREMIA 23:14

Tüshe Jirusalem ching wukihrü bolung inü khide atrebe ngüdo: Arünü müzammüramchoh tüsho akeangyu ching tsahchoh; arünü amütsü rhimorü khah düküngloshihchoh, junangde sheshe mihbukmuyuk chingnü murholo; arü alala I ki Sodom nangde kamdo, tüsho ha ching larübo Gomorra nangde lah.

JEREMIA 29:15

Tümütüsho nüsanü tha, “Atungpuhnü isa thsungkheak Babilon ching wukihrübo arüshihdo,”–

TÜZHOKHI 2:14

Wukihrübonü nü thsungkheak akeangyu tüsho mülapyukkhi michihbo ngüdo; arünü nü kuhibo ngülopü thsüde nü mülimkhi mülahkhit, tüshe nü thsungkheaknü akeangyu tüsho bemüchihpü müchityu ngüdo.

2 PETER 2:1

Adüso arükchih wukihrübo mihtsürü bolung lakheah, junangde nüsa bolung she arükchih thsangyurübo akhiukbah. Arünü athsümünimbe akeangyu kingaünyakzan hande arübah, tüsho arü rhokhitbuh arü Putungrü reanglobah, tüsho junangde arünü arü nihbuh kheak zukleangnü athsümünim hande arübah.