JEREMIA 29:18 - AMÜSÜH HÜM CL Bible (BSI)

¹⁸ Inü arübo nukshang, khümzung, tüsho arüm-tukthsünü yande müshambah, tüsho arübo alomi kiulongthsü alala ki athraneanbe, muthrumünean tüsho atrebe ish thsübe tüsho inü arü yana yüshihkhi trükshih alala bolung keangrümünekhi kamshihbah,

JEREMIA 29:18 Iomraidhean Croise

2 KIUTHSÜYUKHEAN 29:8

Jumonü Atungpuh bukakhiukkhi Juda tüsho Jirusalem kheak akih, tüsho apinü arü atrebe tüsho athraneanbe kukruk khülang kamshih, nüsa mükbonü ngülah.

MUNGSHIKHÜN 44:11

Nünü isa alaksahpü lakhi namfimihnunu nangde kamshih, tüsho trükshihbo lung isa hiumüzütshih.

ISAIA 65:15

Nüsa mung ju inü mokhitkhi kilim athruajipü zojihbah, tüsho Atungpuh Thrünpuhnü nüsa a asheshihbah; tüshe api yamlarübo ki apinü mung püpünü ajibah.

JEREMIA 15:4

Hezekia tsührü Juda kiulongthsüpuh Manasenü Jirusalem ching rhimokhi hode lomi kiulongthsü alala ki inü arübo mihtrebe kamshihbah.

JEREMIA 18:16

arü lomi atrebe kamshihde, lünnü ish thsüpü lah. Ha ki horü alala trechoh tüsho arü kubo lukchoh.

JEREMIA 19:8

Tüsho inü ha kiuto atrebe, ish thsübe khülang kamshihbah; ha chingnü ahorü abannü ha thsümütsü dünkheaknü atrebah tüsho ish thsübah.

JEREMIA 24:10

Tüshe inü nukshang, khümzung, tüsho arüm-tukthsü, inü arü tüsho arü jipürü kilim jihkhi lomi chingnü arübo shahde müdükheakshihyi khiungde arü kheak yüshihbah.

JEREMIA 24:9

Inü arübo alomi kiulongthsü alala ki atrebe, amütsübe, mihmüthsüm mülakhi, mührü münedung, mulong yuribe, tüsho inü arü yana yüshihkhi dangpungbo alala ching muthrumünean lashihbah.

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 26:6

inü ha yam Shilo nangde akamshihbah, tüsho alomi trükshih alala bolung ha kiuto muthrumünean kamshihbah.

JEREMIA 27:8

Tüshe trükshih khürü yungsho kiulongthsünü ha Babilon kiulongthsüpuh Nebukednezar mütankihsho, tüsho Babilon kiulongthsüpuh sangkaplak khüp ahung müyüzahsho, inü ju trükshih nukshang, khümzung tüsho arüm-tukthsünü, api khah hode inü ha thsümünimkhi mükheamyi khiungde athsümüchibah, Atungpuhnü thachoh.

JEREMIA 29:17

Wuto Atungpuhnü ha thachoh, inü arü kheak nukshang, khümzung, arüm-tukthsü arüshihbah, tüsho inü arübo mütsühkhukbe ashuhkhi khubaso nangde akamshihbah.

JEREMIA 29:22

Tüsho arü dünkheak Babilon ching Juda ramtsorü alalanü ha muthrumüneanbah: “Atungpuhnü nü Zedekia tüsho Ahab nangde kamshang, sherü Babilon kiulongthsüpuhnü mo ching takkhea,”

JEREMIA 32:24

Kheahang, kiuto yanpü tankih-a lah, tüsho nukshang, khümzung tüsho arüm-tukthsü hode kiuto Kaldearü khah ching jihdo. Nünü tümü asukkheanü dünjido, nünü ngülah.

JEREMIA 34:17

Jumonü Atungpuhnü ha thachoh: Nüsanü nüsa yamhingrü tüsho müyamrübo müdükhekhi hode I yu manide kamdo; inü nüsa kilim dükhepü lah, Atungpuhnü thachoh–nukshang, arüm-tukthsü tüsho khümzung dükhebah. Inü nüsa lomi kiulongthsü alala ki atrebe kamshihbah.

JEREMIA 42:18

Tümüde Wuto Atungpuh , Israel Thrünpuhnü ha thachoh: I bukakhiukkhi tüsho I mulong zhipzhipkhi Jirusalem ching larü kheak dungkihkhi nangde, nüsa Ijip ching yüchoki nüsa kheak I bukakhiukkhi dungkihbah. Nüsa muthrumünean tüsho atrebe, abahyukpü tüsho münedung kambah; nüsanü ha dangpung küyimkishe müngülo.

JEREMIA 44:12

Ijip lomi ching lapü lümkihbah ayürü Juda aningkhi inü lude atsobah, tüsho arü mihbüm abannü adükheakbah; Ijip lomi ching arübo keambah; nukshang tüsho khümzungnü arübo dükheakbah; anikhühnü ato khiungde, arübo nukshang tüsho khümzungnü ashebah; tüsho arübo athruaji tüsho atrebe, muthrumünean tüsho münedung kambah.

JEREMIA 44:22

Nüsanü amütsü rhimokhibo tüsho nüsanü athraneanbe yihbeakkhi Atungpuhnü marümkhuk; jumonü nüsa lomi azhikkhi tüsho athsümünim tüsho muthrumünean, mihtsürü mülade, khihni ha nangde kamshihbah.

EZEKIEL 12:15

Inü arübo trükshih bolung tüsho lomibo ching müzütshihchoki I Atungpuh de arünü mükheahbah.

EZEKIEL 22:15

Inü nü trükshih bolung hiumüzütshihbah tüsho nü lomibo ching müzütshihbah, tüsho nü mümüsühkhi akheam thsüshihbah.

EZEKIEL 23:46

Tümüde Atungpuh Thrünpuhnü ha thachoh: Ane treshihpü tüsho jangkhipü boto khülang bedarang.

EZEKIEL 36:19

Inü arübo trükshih bolung hiumüzütshih, tüsho arübo lomibo ching müzütshih; arü limro tüsho rhimobo yande inü arü mahkhap.

EZEKIEL 5:15

Küyimki I bukakhiukde tüsho mulong zhipzhipde nü thsümüchibanü, nü mühi lakhi trükshih alalanü atrebah. Arünü nü kheak thraneande luhmünebah.

EZEKIEL 6:8

Tüshe inü khürü aningshihbah, tümüde nüsa lomibo tüsho trükshih bolung müzütchoki nüsa khürü nukshang chingnü atsokhitbah.

LEVI 26:33

Inü nüsa trükshih bolung müzütshihbah tüsho nüsa azhihde nukshang thokhitbah; nüsa lo zhikabahbah tüsho kiutobo akeangkeang kambah.

AMOS 9:9

Tümüde kheahang, inü thiyukhüm jihbah tüsho khürünü ayikeangnü ayikhi nangde trükshih alala bolung müthülünkhi yihkhita bahpü inü Israel yamkhün ayibah.

MIKA 6:16

Nünü Omri yakzan thsükhibo tüsho Ahab yamkhün rhimobo zodo, tüsho nünü arü lalimlakobo yando. Jumonü inü nü ju athsümünim, tüsho nü kheak larübo ish thsüpü kamshihkheah; jumonü I mihtsürünü abahyukkhi nünü ahanbah.

ZEKARIA 7:14

tüsho inü arübo arünü mümükheahkhi trükshih alala bolung chinthrümnü hiumüzütshih. Hanangde arünü abahjihkhi lomi ju zhika lakheah, junangde shenü yüla arüla müthsü, tüsho alomi atsü ju zhika lakheah.

ZEKARIA 8:13

Nüsa trükshih bolung muthrumüneankhi lakhi nangde, O Juda tüsho Israel yamkhün, junangde inü nüsa khümkhitbah tüsho nüsa müngühmühi labah. Dütre, tüshe nüsa khahbo mürangde laang.

WÜHKHE 5:27

Tüsho küyimki apinü alibe ke yungshihbanü, mürangkhüh anihbe zangrü müneana lasho tüsho niubuhrü kheak azhihde thiyuro mülaa lasho, muthrumünean handarübe ke ju apang ching yüzahbah tüsho khühde thsünüshihbah, anihbe pho dütsüpbah, tüsho buk bümbah, tüsho alibe ju anihbe mihtsürü bolung muthrumüneankhi labah.

LUKNÜ ATHRÜTKHI THIYUSHEAK-ATSÜ HUHTANYU 21:24

Arübo nukshangnü akeambah, tüsho trükshih alala ching ramde ayübah, tüsho khiungkerü kimbo müdünjiyikia Jirusalem ju khiungkerünü ajungbah.

YUZÜNGTHALO 28:25

“Atungpuhnü nüsa riri kilim nüsa kurungkheak akuk ngüshihbah; nüsanü arü azhihde limbeakkhühnü awukhiukbah tüsho arü müngüh limbeak thüne chingnü alihde atsobah; tüsho nüsa ju kiulongthsü alala ki mihtrebe kambah.

YUZÜNGTHALO 28:37

Atungpuhnü nüsa hiumüzüta yüshihkhi trükshih bolung ching nüsa mihtrebe, mükhemürangkhi tüsho münedung kambah.

YUZÜNGTHALO 28:64

“Judüki Atungpuhnü nüsa mihtsürü alala lung, alomi akheam thripkhühnü khülim khiungde müzütshihbah, tüsho nüsanü ju ching nüsa yungsho nüsa jipürünü mümükheahkhi sang tüsho lungnü athsükhi püpü thrünpuhbo tankihbah.