JEREMIA 29:14 - AMÜSÜH HÜM CL Bible (BSI)

¹⁴ inü nüsa ki I ngüshihbah, Atungpuhnü thachoh, tüsho inü nüsa kuhi jihlobah tüsho inü nüsa müzütshihpung trükshihbo alala tüsho dangpungbo alala chingnü nüsa bemukhungbah, Atungpuhnü thachoh, tüsho inü nüsa ramtso ching yüshihpung ching nüsa belodarübah.

JEREMIA 29:14 Iomraidhean Croise

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

MUNGSHIKHÜN 126:1

Küyimki Atungpuhnü Zion aramrübo belode arükheanü, isabo milim mirü nangde alakheah.

MUNGSHIKHÜN 126:4

O Atungpuh , düjinglim ayung nangde isa aramrübo belode arang.

MUNGSHIKHÜN 32:6

Jumonü thiyuro mihtsürübonü arü lümthsünü kim ching nü ki tamkhüntamnüshang; tsükjide keto kingde akihchoki junü arü mukhiung.

MUNGSHIKHÜN 46:1

Thrünpuh ju isa tsoyukpung tüsho sühmüh, küpkhuk kim ching rungpü thsüde lah.

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

ISAIA 43:5

Dütre, tümüde I nü lung lah; inü nü tsührübo aniakhiuklimnü bedarübah, tüsho aniyüzahlimnü inü nüsa bemukhungbah.

ISAIA 43:6

Inü dukulim thabah, “Tsoshang,” tüsho düjinglim, “Dütholo; I tsührübo limshu chingnü tüsho I tsührübebo alomi akheam chingnü bedarang–

ISAIA 45:19

Inü amiting lomi ching ramde masuk, inü Jakob tsührü ki mütha, “Akeangkeang ching I yimang.” I Atungpuhnü thiyuro asukchoh, inü alungki thachoh.

ISAIA 55:6

Api ngüpü lachoki Atungpuh yimang, api thüninde lachoki api ki jiang;

JEREMIA 12:15

Tüsho inü arü rukkhita bahshu kheaküshe inü arü ki mihmuzho labah, tüsho arü mihbüm abande arü lo tüsho arü yamrüplurüp lim belodarübah.

JEREMIA 3:14

Rholoang, O akin mülakhi tsührü, Atungpuhnü thachoh, tümüde I nü putungrü lah; inü nüsa, khülang kiuto chingnü tüsho mahne yamkhün chingnü bea lubah, tüsho inü nüsa Zion lim bedarübah.

JEREMIA 30:10

Tüshe nü thsungkheak a, dütre, I yamlarü Jakob, Atungpuhnü thachoh, tüsho mulong dübah, O Israel; tümüde inü nü limshu chingnü akhümkhitbah, tüsho nü tsührübo arübo ramde ayükhi lomi chingnü akhümkhitbah. Jakob alodarübah tüsho mungtsü le keamramkhi labah, tüshe shenü api mümüyinsahshih.

JEREMIA 30:18

Atungpuhnü ha thachoh: Inü Jakob khimyam kuhibo jihlopü thsüchoh, tüsho api lapung kheak mihmuzho labah; kiuto ju amujuk kheak thsülobah, tüsho alungki dangpung kheak kiulongthsürü-yam thsübah.

JEREMIA 30:3

Tümüde I mihtsürü Israel tüsho Juda kuhi ngülopü nimungbo tsükjide arüchoh, Atungpuhnü thachoh, tüsho inü arü jipürü kilim jihkhi lomi ching arübo belodarübah tüsho arünü ju yamalo lubah.

JEREMIA 31:16

Atungpuhnü ha thachoh: Nü atripkhi düsheak chingnü tüsho mük ching chike bukkhi chingnü tukloang; tümüde nü rhimo dünkheak thsambah khülang lah, Atungpuhnü thachoh: arü riri lomi chingnü arü alodarübah;

JEREMIA 31:17

Nü arübe-kuhi thsungkheak mulonglam lah, Atungpuhnü thachoh: nü tsührübo arü lomi ching belodarübah.

JEREMIA 31:23

Wuto Atungpuh , Israel Thrünpuhnü ha thachoh: Khülang ki arünü inü arü kilim kuhi jihlokhi, Juda lomi tüsho kiutobo ching harü yubo ahoribah: “Atungpuhnü nü müngühjang, O thiyuro lapung, O amüsüh wung!”

JEREMIA 51:10

Atungpuhnü isa thiyuro handarüdo; arang, isanü Atungpuh isa Thrünpuh rhimo Zion ching thaanü.

JEREMIA 8:3

Jushu inü yanmüzüta lakhi dangpung ching lakhi amütsü yamkhün aningkhibo alalanü rhangdung lapü yungde ashepü mürühbah, Wuto Atungpuhnü thachoh.

EZEKIEL 37:21

arü ki thaang, Atungpuh Thrünpuhnü ha thachoh: Inü Israel mihtsürübo arü yüpung trükshih bolungnü alubah, tüsho thrip aban chingnü arü bemukhungbah, tüsho arü nihbuh lomi ching bedarübah.

EZEKIEL 39:25

Jumonü Atungpuh Thrünpuhnü ha thachoh: Kheakü inü Jakob kuhi jihlobah, tüsho Israel yamkhün athrünkhi kheak mihmüthsüm labah; tüsho inü I mung amüsüh kümdobah.

AMOS 9:14

Inü I mihtsürü Israel kuhi jihlobah, tüsho arünü athsümünim kiutobo thsülobah tüsho jurü ching labah; arünü kurungasobo yangbah tüsho jurü yukhu yungbah, tüsho arünü awündobo thsübah tüsho sangaso tsühbah.

MIKA 4:12

Tüshe arünü Atungpuhnü lümkhi mümükheah; arünü apinü rhimopung ching hiphungbo nangde arü hanmukhungkhi api lümkhi thsükhi manikhit.

ZEPHANIA 3:20

Ju kim ching inü nüsa bemukhungchoki nü thüyam lim bedarübah, tümüde inü nü kuhibo jihlochoki, nü alomi mihtsürü alala bolung mungthu tüsho mungshi kamshihbah, Atungpuhnü thachoh.

ROMRÜ KILIM PAULNÜ ATHRÜTKHI KIHÜM HUHTANYU 10:20

Tüsho Isaianü mulong tode thachoh, “I müyimrünü I ngü; I dünkheak mükeokhirü ki inü I huh.”

YUZÜNGTHALO 30:1

“Kheakü, küyimki inü nüsa miki zojihkhi müngühmühi tüsho muthrumünean nüsa kheak arübanü, tüsho Atungpuh nüsa Thrünpuhnü nüsa hiumüzütshihpung trükshih alala bolungnü nüsa mulong ching lümkhitshihbanü,

YUZÜNGTHALO 30:3

Atungpuh nüsa Thrünpuhnü nüsa aramkhi chingnü belode arübah, tüsho nüsa kheak muzhode, Atungpuh nüsa Thrünpuhnü trük alala ching müzütshihkhi chingnü bemukhungbah.

YUZÜNGTHALO 30:5

Judüki Atungpuh nüsa Thrünpuhnü nüsa jipürü lapung lo ching bede arübah, tüsho nüsa ju ching labah. Apinü nüsa jipürü kheaknü alü nüsa lalim atsü tüsho hihde akamshihbah.

YUZÜNGTHALO 4:7

“Tümüde isanü Atungpuh isa Thrünpuh ki jikhi nangde, thrünpuhnü athüninkhi püpürü trükshih ato küju la?