JEREMIA 29:12 - AMÜSÜH HÜM CL Bible (BSI)

¹² Judüki nüsanü I ki jichoki tüsho arübah I ki tamkhüntamnüchoki, inü nüsa ki anibah.

JEREMIA 29:12 Iomraidhean Croise

2 KIUTHSÜYUKHEAN 33:13

Apinü api ki tamkhüntamnü, tüsho Thrünpuhnü api tamkhüntamnü leangkhi, apinü mushukhi so, tüsho Jirusalem tüsho anihbuh kiulongthsü kilim api alode yüshih. Judüki Atungpuh ju Thrünpuh ah de Manasenü mükheah.

2 KIUTHSÜYUKHEAN 6:38

arünü arü mulong tüsho me alalanü arü ramde ayükhi lomi ching mulong müthrisho, tüsho nünü arü jipürübo kilim jihkhi lomi, nünü amokhitkhi kiuto tüsho nü mung thsungkheak inü athsükhi yam lim tamkhüntamnüsho,

JOB HU H T ANYU 22:27

Nünü api ki tamkhüntamnüba tüsho apinü nü ki anibah, tüsho nünü thiyuchihchimkhibo jihbah.

MUNGSHIKHÜN 10:17

Atungpuh , thsümütsürünü alunekhi sojang; nünü arü mulong toshang; tüsho arünü azhikhi anijang,

MUNGSHIKHÜN 145:19

Apinü anihbuh trerünü amulongkhi dünjishihbah; apinü arü zhikhi she asojihbah tüsho arü khümkhitbah.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

ISAIA 26:16

O Atungpuh , lümthsünü ching arünü nü yim, nünü arü thsümüchichoki arünü nü ki tamkhüntamnü.

ISAIA 30:19

Atsütsü, O Zion ching mihtsürübo, Jirusalem ching larübo, nüsa kheaküa mütrip. Nüsanü azhikhi düsheak ching apinü tsükjide nüsa ki müthsümbah; küyimki apinü asoba, apinü nüsa ki alobah.

ISAIA 65:24

Arünü müjiyide inü alobah, arü asukachihde lachoki inü asobah.

JEREMIA 31:9

Tripde arübo arübah tüsho shukheamde inü arü belodarübah, inü arübo yungzü ke yeande atsahshihbah, limro mukhiungkhi ching arü jing mümükhe; tümüde I Israel abuh kamdo tüsho Ephraim ju I tsührü adüjibuh.

JEREMIA 33:3

I ki jiang tüsho inü nü ki alobah, tüsho nünü mümükheahkhi ato tüsho aramyu nü ki thabah.

JEREMIA 50:4

Atungpuhnü thachoh, ju nimung ching, ju kim ching, Israel mihtsürü tüsho Juda mihtsürü rukhüh arübah; arünü Atungpuh arü Thrünpuh yimde tripde arübah.

JEREMIA 51:50

Nüsa nukshang chingnü atsokhitrübo, yüang, daleang! Limshu lomi ching Atungpuh lümkhitang, tüsho nüsa lüm ching Jirusalem arüshang.

EZEKIEL 36:37

Atungpuh Thrünpuhnü ha thachoh: kheaküshe Israel yamkhün mihtsürübo namfimihnu boto nangde akamshihpü rhimopü thsüde arünü I ki keokhibah.

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”