JEREMIA 28:14 - AMÜSÜH HÜM CL Bible (BSI)

¹⁴ Tümüde Wuto Atungpuh , Israel Thrünpuhnü ha thachoh: Inü trükshih alala hung kheak yinchikaplak yihkihjihdo, junangde Nebukednezar tankihbah, tüsho arünü dükde api tankihbah; inü api kilim mütüm shiwühbo she jihdo.

JEREMIA 28:14 Iomraidhean Croise

JEREMIA 15:12

Dukulim yo shotolung ju yinchi khürünü ayihshakkhukba de?

JEREMIA 27:4

Arü putungrü thsungkheak arü ki ha thiyukhüm jihang: Wuto Atungpuh Israel Thrünpuhnü ha thachoh: Nüsanü ha nüsa putungrübo ki thabah:

JEREMIA 27:8

Tüshe trükshih khürü yungsho kiulongthsünü ha Babilon kiulongthsüpuh Nebukednezar mütankihsho, tüsho Babilon kiulongthsüpuh sangkaplak khüp ahung müyüzahsho, inü ju trükshih nukshang, khümzung tüsho arüm-tukthsünü, api khah hode inü ha thsümünimkhi mükheamyi khiungde athsümüchibah, Atungpuhnü thachoh.

JEREMIA 40:4

Kheakü kheahang, khihni inü nü khahbo ching yinchiliu chingnü nü dükhedo. Nünü I lung Babilon lim arünesho arang, tüsho inü nü düshihde akümbah; tüshe nünü I lung Babilon lim marünesho, nü darü. Kheahang, alomi abümnü nü miki lah; nünü kürü ching tsüde lümla tüsho alungki yüpü lanü yüang.

TÜZHOKHI 1:14

Inü alakmihkhi sangkaplakbo api khahnü thsünru; jurübo I hung kheak nokih, I sühmüh keakeashih; inü azhihde müzhipkhukrü kilim Atungpuhnü I jih.

DANIEL 2:38

shepü khah ching apinü mihtsürübo jihkhea, arü küching küching lalashe, thulu ching mütüm shiwühbo, tüsho thüning wuhnubo, tüsho apinü shepü ki arü alala kurungkheak yakzanshuhrü kamshih– nü ju suna aku khülang ah.

HOSEA 10:11

Ephraim a thsangyukhi moshi nunu, anitpü muzhokhi lakheah, tüsho inü anihbe hung atsü kheak sangkap müyihkih; tüshe inü Ephraim alo yihnakshihbah, Judanü wochakbah, tüsho Jakobnü alo phünnakbah.

YUZÜNGTHALO 28:48

jumonü nüsanü khümde, kethüride, bünkeang, tüsho kimkethürü mükheakde Atungpuhnü nüsa azhihde arüshihkhi nüsa riri tankihbah; tüsho nüsa müsheshihyi khiungde apinü nüsa hung ching yinchi-khrih yihkihjihbah;

YUZÜNGTHALO 4:20

Tüshe Atungpuhnü nüsa yinchi trukhi, Ijip chingnü nüsa khihni lakhi ruk api mihtsürü thsüpü tüsho api yamrüplurüp thsüpü bekhit.