JEREMIA 28:11 - AMÜSÜH HÜM CL Bible (BSI)

¹¹ Tüsho Hananianü mihtsürü alala mikinü asuk, “Atungpuhnü ha thachoh: Hanangde inü kam mahne dükeaknü trükshih alala hung kheaknü Babilon kiulongthsüpuh Nebukednezar sangkaplak yihshakbah.” Tüsho wukihbuh Jeremia nü nihbuh limro ching yü.

JEREMIA 28:11 Iomraidhean Croise

1 KIULONG THSÜRÜ 13:18

Judüki wukihrü awünbuhnü alo, “Nü nangde I she wukihrü ah, tüsho Atungpuh yu hode yunirü khülangnü I ki tha: Api nü lung belobah nü yam ching arang, junangde apinü jim tsühbah tüsho ke yungbah.” Tüshe apinü anihbuh ki akeangyu thade alakheah.

1 KIULONG THSÜRÜ 22:6

Judüki Israel kiulongthsüpuhnü wukihrübo 400 bande bemukhung, tüsho arü ki tha, “Inü Ramoth-gilead bede keochihpü yüba shi, dashi I müyüba?” Arünü tha, “Wutuang; tümüde Atungpuhnü ju kiulongthsüpuh khah ching jihbah.”

2 KIUTHSÜYUKHEAN 18:10

Kenaana tsührü Zedekianü anihbuh thsungkheak yinchi juhbo thsü tüsho apinü tha, “Atungpuhnü ha thachoh: Arü müdükheakkhamyi khiungde harünü nünü Siriarü khubah.”

MÜCHITMUDU 14:7

Makharü mihtsürü kinü tsoang, tümüde nünü api münküpbo kheaknü mükheahmudu müngü.

JEREMIA 14:14

Tüsho Atungpuhnü I ki tha: Wukihrübonü I mung ching akeangyu müchitchoh; inü arü müthiyi, yungsho arü ki thiyukhüm müjih yungsho arü ki masuk. Arünü nü ki akeangyu michih, müthülünkhi müchityu, tüsho arü nihbuh akeangyu lümkhi müchitchoh.

JEREMIA 23:17

Atungpuh yu mükhemükimrü kheak arünü thachoh, “ Nüsa tsüde alabah;” tüsho nihnihde nihbuh mulongkhi ching yanrü ki arünü thachoh, “Thsümütsü tümü she nüsa kheak marü.”

JEREMIA 28:15

Tüsho wukihbuh Jeremianü wukihbuh Hanania ki tha, “Aniang, Hanania, Atungpuhnü nü müthiyi, tüsho nünü ha mihtsürübo akeangyu ching kinshihchoh.

JEREMIA 29:9

tümüde arünü I mung chingnü akeangyu nüsa ki müchitchoh; inü arü müthiyi, Atungpuhnü thachoh.

EZEKIEL 13:7

Inü masuka lalashe, nüsanü, “Atungpuhnü thachoh” de athachoki arükchih michihbo tüsho akeangyu müchitkhibo nüsanü müngü de?