JEREMIA 27:9 - AMÜSÜH HÜM CL Bible (BSI)

⁹ Jumonü nüsanü nüsa wukihrübo, müchitrübo, milim yihnakrübo, müchityu tharübo, yungsho wurük-huhrü ki dani, sherünü nüsa ki thacho, “ Nüsanü Babilon kiulongthsüpuh mütankih.”

JEREMIA 27:9 Iomraidhean Croise

ABEKHIT 22:18

“Wurük-huhrü sheshe rhangdung dülashih.

ABEKHIT 7:11

Tüshe Pharaonü she lümlung larü mihtsürü tüsho wurük-huhrü jide arü; junangde Ijip wurük-huhrübonü she arü wurüknü ju ruk thsü.

MÜCHITMUDU 19:27

I tsah-a, küyimki nünü anikhitpü tuklobanü, nünü mükheah-a lakhi nahde duhmüabahbah.

ISAIA 8:19

Küyimki mihtsürübonü dapdaprururü mesherü tüsho me-larü ki keoang de nü ki thabanü, mihtsürübonü arü Thrünpuh ki mükeobea de? Tümüde arhang larü thsung thsüde asherü ki keokhicho?

JEREMIA 14:14

Tüsho Atungpuhnü I ki tha: Wukihrübonü I mung ching akeangyu müchitchoh; inü arü müthiyi, yungsho arü ki thiyukhüm müjih yungsho arü ki masuk. Arünü nü ki akeangyu michih, müthülünkhi müchityu, tüsho arü nihbuh akeangyu lümkhi müchitchoh.

JEREMIA 23:16

Wuto Atungpuhnü ha thachoh: Nüsa ki müchitrü wukihrübo yu dani; arünü nüsa bemüchihchoh. Arünü nihbuh lümkhi michih asukchoh, Atungpuh mün chingnü yung.

JEREMIA 23:25

Akeangyu müchitrü wukihrübonü I mung chingnü athakhi inü sodo, “ Inü mido, inü mido!”

JEREMIA 23:32

Kheahang, akeangyu milim müchitrü inü azhihchoh, Atungpuhnü thachoh, tüsho sherünü jurü thacho, tüsho sherünü inü müthiyide, akeangyu thade tüsho mükümkangde I mihtsürübo bephülapde tsocho; jumonü arünü ha mihtsürü shahjungde alü müthsüshih, Atungpuhnü thachoh.

JEREMIA 29:8

Tümüde Wuto Atungpuh , Israel Thrünpuhnü ha thachoh: Nüsa lung larü wukihrü tüsho müchitrübonü nüsa dümülapyukshih, tüsho arünü milim mikhi nüsanü dani,

EZEKIEL 21:29

Nüsanü angükhi michihbo tüsho müchitbo akeangyu, nüsa mihbukmuyuk tüsho amütsürü tüsho nüsa akheam thsümüchipü nimung arüchoh, nukshang ju nüsa hungbo kheak keampü lah.

DANIEL 4:7

Judüki kuhikheahrü, wurük-huhrü, thümürü, chining-kherübo tüsho Kaldearü alala bede azah, tüsho inü arü ki thaa huh, tüshe arünü I ki müthanakkhuk.

MIKA 3:7

angürübo mungchihbah, tüsho müchitrü achih ngübah; arü alalanü arü münküp muhiudobah, tümüde Thrünpuh kilimnü alojihkhi müla.

ZEKARIA 10:2

Tümüde sangthsübonü akeangyu thachoh; tüsho müchitrünü akeangyu ngüchoh; milim-mirünü akeangyu michoh, tüsho akeangkeang ching mulong shukheamchoh. Jumonü mihtsürübo ju namfimihnu nangde rümde tsahchoh; arübo aneakrü mülakhinü küpkhukchoh.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

YUNIRÜBO RHIMO 8:11

Arünü api ki ani, tümütüsho kim ashang apinü anihbuh wurüknü arü müyinsahshih.

EFISIA 5:6

Shenü she thiyu akeangkeangnü nüsa dümülapyukshih, tümüde hadürü hode mihyumanirübo kheak Thrünpuh mulong zhipzhip arüchoh.

YUZÜNGTHALO 13:2

tüsho apinü nüsa ki amütsan yungsho khinthiyinbe thakhi dünjisho tüsho isanü püpürü thrünpuhbo nüsanü mümükheahkhi dunglim yananü, tüsho arübo tankihanü de thasho,

YUZÜNGTHALO 18:14

Tüsho Mosanü tha, “Nüsanü amükühpü lakhi ching larübonü müchitrü tüsho rük-thümürü ki anichoh; tüshe nüsa kilim a Atungpuh nüsa Thrünpuhnü hadürü rhimopü mümülü.

JIHUSUA 13:22

Jurü bolung Israelrünü nukshangnü alaksahbuh ju müchitmudurü Beor tsührü Balaam lakheah.

AMIKHEAKAKHIUKKHI 18:23

nü kheak tsünpung ayinatrüm mütahlo; tüsho nü kheak yamkhün-kambuh le yamkhün-kambe düsheak musolo; tümüde nü shothsümolorübo alomi mungkhung mihtsürübo lakheah, tüsho nü wurük hode trükshih alala mülapyuk.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.

AMIKHEAKAKHIUKKHI 9:21

yungsho arü mihkhukkhibo yungsho arü wurükbo yungsho arü müzammüram yungsho arü ahühkhibo chingnü mümüthrilo.