JEREMIA 27:7 - AMÜSÜH HÜM CL Bible (BSI)

⁷ Anihbuh lomi keampü kim mukhiungyi khiungde trükshih alalanü api le atsührü tüsho atsührütsührü tankihbah; jushu trükshih ahihdo tüsho kiulongthsürü atobonü api arü azhorü kamshihbah.

JEREMIA 27:7 Iomraidhean Croise

MUNGSHIKHÜN 37:13

Atungpuh nü api ki münejihchoh, tümüde anihbuh nimung arükhi apinü ngüchoh.

ISAIA 13:1

Amoz tsührü Isaianü Babilon dünkheak ngükhi müchityu.

ISAIA 21:9

Kheahang, ju ching arü arüchoh, khoraberübo, khoraberü mahnene!” Tüsho apinü thalo, “Babilon lungdo, lungdo; tüsho anihbe sangthsü thrünpuhbo alala alo kheak keamthünaka yaplah.”

JEREMIA 27:22

Jurübo Babilon ching hande ayübah tüsho arü thsungkheaknü inü rhuakheahpü nimung khiungde arü ju ching labah, Atungpuhnü thachoh. Judüki inü arü belodarübah tüsho ha dangpung ching zobah.

JEREMIA 34:1

Babilon kiulongthsüpuh Nebukednezar tüsho api bonungrü alala tüsho lomi kiulongthsü alala tüsho api yukhüm bukkhüp larü mihtsürü alalanü Jirusalem tüsho kiuto alala bede keochihchoki, Atungpuh yu Jeremia kilim arü:

JEREMIA 44:30

Atungpuhnü ha thachoh, inü Juda kiulongthsüpuh Zedekia, api rhangdung yimrü Babilon kiulongthsüpuh Nebukednezar khah ching jihkhi nangde, inü Ijip kiulongthsüpuh Pharao Hophra, api rhangdung yimrü ariribo khah ching jihbah.”

JEREMIA 46:13

Ijip lomi yanpü Babilon kiulongthsüpuh Nebukednezar arüpü dünkheak Atungpuhnü wukihbuh Jeremia ki asukkhi yu:

JEREMIA 52:31

Juda kiulongthsüpuh Jehoiakin ramtso ching lakhi kam samrükheak thünepü, khinu thürükheak mahne, nimung mukukheak phüngü nipü, Babilon kiulongthsüpuh Evil-merodaknü api kiulongthsü atankih kam, Juda kiulongthsüpuh Jehoiakin ki amuzho huh tüsho rihyam chingnü api bekhit;

EZEKIEL 30:24

Inü Babilon kiulongthsüpuh bin düküngshihbah, tüsho I nukshang akhah ching yukjihbah; tüshe inü Pharao bin yihshakbah, tüsho ashepü yurirü nangde api miki anihbuhnü ashearabah.

DANIEL 2:37

Nü, O kiulongthsüpuh, kiulongthsürübo kurungkheak kiulongthsüpuh shepü kilim yinmi Thrünpuhnü kiulongthsü, wu, sühmüh, tüsho müretahkhi jihkhea,

DANIEL 4:22

ju nü ah, O kiulongthsüpuh! Nü tode zokih tüsho düküngde kam. Nü tokhi alü kam tüsho thüning khiung tüsho nü wunü alomi akheambo khiung.

HABAKKUK 2:7

Nü shozüngrünü nahde masürüba de, tüsho arü asürübah nü majanshihba de? Judüki nü ju arü thsungkheak ayankhikhi kukruk thsübah.

HABAKKUK 2:8

Tümütüsho nünü trükshih ahihdo yankhia ludo, tümütüsho mihtsürü thiyih bukkhi tüsho alomi kiutobo tüsho jurü ching larü alala ki athsümünim rhimokhinü aninga larü mihtsürü alalanü nü yankhia lubah.

AMIKHEAKAKHIUKKHI 14:8

Püpü yunirü, mahnepünü tha, “Lungdo! Babilon ato lungdo! Alibenü anihbe yüliyüra yukhu trükshih alala yungshih.”

AMIKHEAKAKHIUKKHI 16:19

Ato kiuto ju mahsam thsüde chamnak, trükshih kiutobo lungabah, tüsho Thrünpuhnü api bukakhiukkhi pung mütrüna yungshihpü ato Babilon lümkhit.