JEREMIA 27:22 - AMÜSÜH HÜM CL Bible (BSI)

²² Jurübo Babilon ching hande ayübah tüsho arü thsungkheaknü inü rhuakheahpü nimung khiungde arü ju ching labah, Atungpuhnü thachoh. Judüki inü arü belodarübah tüsho ha dangpung ching zobah.

JEREMIA 27:22 Iomraidhean Croise

2 KIULONG THSÜRÜ 25:13

Atungpuh yam ching lakhi müwayinchi dungjingbo, lolungbebo tüsho müwayinchi kekung, Kaldearünü adütre kamde kingthünak, tüsho müwayinchi ju Babilon ching hande yü.

2 KIUTHSÜYUKHEAN 36:21

Alonü amuni sühakhimkhibo asühachih; Jeremia hode Atungpuh yubo dünjipü thsungkheaknü kam nerü mübanyi khiungde zhikrangkhündo alakhi kim alala ching sühakhim.

EZRA 1:11

küyimki Sheshbazzar tüsho ramtsorübo Babilon chingnü Jirusalem ching wulungkhea, shoto phühlung tüsho püpü kukrukbo alalanü 5400 lakheah.

EZRA 7:19

Mukhungmüdan ching ahoripü jihkhi pungphurubo küdükhüh nü kilim jihdünü Jirusalem ching Thrünpuh miki zojang.

EZRA 7:9

tümüde khinu akhuhbe atan ni Babilon chingnü tsahmusu, tüsho Thrünpuh arung hode khinu phüngü atan ni Jirusalem khiung.

MÜCHITMUDU 21:30

Atungpuh azhihde lümlung yungsho anikhitkhi yungsho lümthiyan tümü müla.

JEREMIA 20:5

Inü ha kiuto lakhit alala, hi alala, shoto kukrukbo, tüsho Juda kiulongthsüpuh rahpungbo arü riri khah ching jihbah, arünü ju yankhia lubah, tüsho rama lubah, tüsho Babilon ching hande ayübah.

JEREMIA 27:21

Wuto Atungpuh , Israel Thrünpuhnü Atungpuh yam ching lakhi, Juda kiulongthsüpuh yam ching tüsho Jirusalem ching lakhi phühlungo dünkheak ha thachoh.

JEREMIA 27:7

Anihbuh lomi keampü kim mukhiungyi khiungde trükshih alalanü api le atsührü tüsho atsührütsührü tankihbah; jushu trükshih ahihdo tüsho kiulongthsürü atobonü api arü azhorü kamshihbah.

JEREMIA 29:10

Tümüde Atungpuhnü ha thachoh: Babilon ching kam nerü bankhitsho lang inü nüsa rhuakheahbah, tüsho inü nüsa ki alokhikhi dünjishihbah tüsho nüsa ha dangpung ching belodarübah.

JEREMIA 32:5

tüsho apinü Zedekia Babilon lim bede ayübah, tüsho I anihbuh ki müyüyi khiungde api ju ching labah, Atungpuhnü thachoh; nünü Kaldearü bede keochihchih she mukuk?”

JEREMIA 34:2

Atungpuh Israel Thrünpuhnü ha thachoh: Yüang tüsho Juda kiulongthsüpuh Zedekia ki asukachihang tüsho api ki thaang: Atungpuhnü ha thachoh: Inü ha kiuto Babilon kiulongthsüpuh khah ching jihbah, tüsho apinü ha monü atakbah.

JEREMIA 34:3

Tüsho nü she api khah chingnü mutsokhi, tüshe tsükjide tholobah tüsho api kilim jihbah; nünü Babilon kiulongthsüpuh müknü mük ngübah tüsho api ki mironü miro asukachihbah; tüsho nü Babilon lim yübah.

JEREMIA 34:5

nü mungtsü chingnü ashebah. Tüsho nüsa jipürü, nü müngüh kiulongthsürübo thsungkheak arhümthüneabe takkhi nangde, arünü nü thsungkheak rhümthüneabe takbah tüsho nü thsungkheak tüzhode athabah “Aha, Atungpuh !” Tümüde inü thiyu asukdo, Atungpuhnü thachoh.

DANIEL 5:23

Nünü yinmi Thrünpuh azhihde nihbuh zangrü shuhkihdo! Api arüngyam pungphurubo nü miki lude azah, tüsho nü putungrübo, nü niubebo tüsho nü hanniubebonü jurü chingnü yukhu yung. Nünü shotoyinchi tüsho suna, müwayinchi, yinchi, sang, tüsho lung thrünpuhbo, küpünü müngü yungsho muso yungsho mümükheahnü ju shijih; tüshe Thrünpuh shepü khah ching nü rhangdung la, tüsho shepü kilim nü limro alala lanü, nünü wüntre müjih.

DANIEL 9:2

Api kiulongthsü atan kam ching, I Danielnü Atungpuhnü wukihrü Jeremia ki thakhi nangde, kam nerü Jirusalem thsümünimpü dünkheak amüsüh hümbo khede tüsho lümakheahde alakheah.