JEREMIA 27:18 - AMÜSÜH HÜM CL Bible (BSI)

¹⁸ Atsütsü arü wukihrübo a sho, tüsho Atungpuh yu arü kheak lasho, arünü Wuto Atungpuh ki mushushang, junangde phühlungbo Atungpuh yam ching lakhi, Juda kiulongthsüpuh yam ching lakhi, tüsho Jirusalem ching lakhi Babilon ching müyü.

JEREMIA 27:18 Iomraidhean Croise

THRÜNTAN 20:17

Abrahamnü Thrünpuh ki tamkhüntamnü, tüsho Thrünpuhnü Abimelek, aniube le azhorü liberübo thsüngu, junangde arübo tsührü lalokhuk,

1 KIULONG THSÜRÜ 18:24

Jushu nüsanü nüsa thrünpuh mung jibah tüsho inü Atungpuh mung jibah; thrünpuh shepünü mo hode alochonü api Thrünpuh ah.” Mihtsürü alalanü alo, “Tsüde thado!”

1 KIULONG THSÜRÜ 18:26

Jumonü arü kilim jihkhi moshipung arünü lubah thsakham, tüsho yapsunü animuro khiungde Baal mung jide zhi, “O Baal, isa ki alojang!” Tüshe düsheak tümü müla tüsho malojih. Arünü athsükhi kingaün sadam mükamde arünü tsün.

2 KIUTHSÜYUKHEAN 32:20

Judüki kiulongthsüpuh Hezekia tüsho Amoz tsührü wukihbuh Isaianü ha dünkheaknü tamkhüntamnü tüsho yinmi lim zhi.

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

JEREMIA 18:20

Atsü ju amütsünü ashakloba de? Tütüshe arünü I rhangdung thsungkheak alokhün khülang kiudo. Künangde I nü miki zhipkheanü, arü thsungkheak asukpü, arü kheaknü nü bukakhiukkhi rholode atsopü lümkhitjang.

JEREMIA 42:2

wukihbuh Jeremia ki tha, “ Isanü mushukhi tsüde anijang, tüsho isa thsungkheak Atungpuh nü Thrünpuh ki tamkhüntamnüjang– harü aningkhi alala thsungkheak. Tümüde nü müknü ngülah, ahihdo chingnü isa anükhüh lang aningdo.

JEREMIA 7:16

Nünü harü mihtsürü thsungkheak dütamkhüntamnüjih, arü thsung thsüde düzhi yungsho dütamkhüntamnü, tüsho I ki dümushu, tümüde inü nü ki mani.

EZEKIEL 14:14

harü mihtsürü mahsam– Noa, Daniel tüsho Job ju ching laa lalashe, arü thiyuro-lungki hode nihbuh lang khümkhitkhukbah, Wuto Atungpuhnü thachoh.

EZEKIEL 22:30

Tüsho chipi thsülopü tüsho lomi thsung thsüde chipi keamkhi ching zhippü arü bolung inü khürü yim, junangde inü ju müthsümünim; tüshe inü sheshe müyimkhit.

MALAKI 1:9

Tüshe kheakü Thrünpuh amuzho mushuang, junangde apinü isa ki mihmuzho labah. Ha nüsa khahnü rhimoa lachoki, apinü nüsa ki muzhode aleangkhiba de? Wuto Atungpuhnü thachoh.

1 SAMUEL 12:19

Mihtsürü alalanü Samuel ki tha, “Nü yamlarübo thsungkheaknü Atungpuh nü Thrünpuh ki tamkhüntamnüjang, junangde isa müshe; tümüde isa thsungkheaknü kiulongthsürü khülang kheangkhi hode isa neakbo kheak yukajakde alü yihbeaklodo.”

1 SAMUEL 12:23

Kheaküshe nüsa thsungkheaknü tamkhüntamnüpü tuklokhi hode inü Atungpuh azhihde neak yihbeakpü I kheaknü limshuabahang; tüsho inü nüsa ki atsü tüsho alungki limro thsangyubah.

1 SAMUEL 7:8

Israel mihtsürübonü Samuel ki tha, “Isa thsungkheaknü Atungpuh isa Thrünpuh ki zhipü dütuklo, tüsho apinü isa Filistiarü khah chingnü akhümkhitshihpü tamkhüntamnüjang.”