JEREMIA 27:14 - AMÜSÜH HÜM CL Bible (BSI)

¹⁴ Babilon kiulongthsüpuh mütankihpü wukihrübonü nüsa ki thakhi yubo dani, tümüde arünü nüsa ki akeangyu müchitchoh.

JEREMIA 27:14 Iomraidhean Croise

JEREMIA 14:14

Tüsho Atungpuhnü I ki tha: Wukihrübonü I mung ching akeangyu müchitchoh; inü arü müthiyi, yungsho arü ki thiyukhüm müjih yungsho arü ki masuk. Arünü nü ki akeangyu michih, müthülünkhi müchityu, tüsho arü nihbuh akeangyu lümkhi müchitchoh.

JEREMIA 23:21

Inü wukihrübo müthiyi, tütüshe arünü alihdo; inü arü ki masuk, tütüshe arünü müchitdo.

JEREMIA 23:25

Akeangyu müchitrü wukihrübonü I mung chingnü athakhi inü sodo, “ Inü mido, inü mido!”

JEREMIA 28:15

Tüsho wukihbuh Jeremianü wukihbuh Hanania ki tha, “Aniang, Hanania, Atungpuhnü nü müthiyi, tüsho nünü ha mihtsürübo akeangyu ching kinshihchoh.

JEREMIA 37:19

Nü yo wukihrübo küching la, sherünü nü ki müchitde, ‘ Nü tüsho ha lomi azhihde Babilon kiulongthsüpuh marü’ de athakhea?

JEREMIA 38:22

Juda kiulongthsüpuh yam ching aninga larü azoberü alala Babilon kiulongthsüpuh torü kilim bede wukhiukbah arünü nü ki thabah, ‘ Nü müyamrübonü nü bephülapdo tüsho nü zhidoabahdo; kheakü nü jing akhimniuhniuh ching jungrama lah, arünü nü bahkhido.’

TÜZHOKHI 2:14

Wukihrübonü nü thsungkheak akeangyu tüsho mülapyukkhi michihbo ngüdo; arünü nü kuhibo ngülopü thsüde nü mülimkhi mülahkhit, tüshe nü thsungkheaknü akeangyu tüsho bemüchihpü müchityu ngüdo.

MIKA 2:11

Khürünü akeangyu thade arüsho, “ Inü nüsa ki suhdahkhi yukhu tüsho ayungbe dünkheak müchitbah,” api ju ha mihtsürü thsungkheak wukihrü lakhi labah!

ZEKARIA 10:2

Tümüde sangthsübonü akeangyu thachoh; tüsho müchitrünü akeangyu ngüchoh; milim-mirünü akeangyu michoh, tüsho akeangkeang ching mulong shukheamchoh. Jumonü mihtsürübo ju namfimihnu nangde rümde tsahchoh; arübo aneakrü mülakhinü küpkhukchoh.

MATHI 7:15

“Arükchih wukihrübo dünkheak kümkangang; arünü namfimihnu küp yihbah nüsa kilim arüchoh tüshe alung ching a arübo ju amütsü rimrebo ah.

FILIPI 3:2

Khihnubo, amütsü rhimorü, shih thsümünimrü aheangang.

1 JOHAN 4:1

Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo.