JEREMIA 27:12 - AMÜSÜH HÜM CL Bible (BSI)

¹² Inü Juda kiulongthsüpuh Zedekia ki ju ruk asukdo: Babilon kiulongthsüpuh sangkaplak khüp nü hung mükhümang, tüsho api le api mihtsürü tankihang tüsho laang.

JEREMIA 27:12 Iomraidhean Croise

MÜCHITMUDU 1:33

tüshe sherünü I ki anibanü khümkhita labah, tüsho amütsü trepü mülade tsüde alabah.”

JEREMIA 17:4

Nüsa nihbuhnü arhimokhi hode inü nüsa kilim jihkhi yamrüplurüp dükheakbah, tüsho nüsanü mümükheahkhi lomi ching inü nüsabo nüsa riribo tankihshihbah, tümüde I bukakhiukkhi ching lünnü atakpü mo khülang takkih-a lah.

JEREMIA 21:9

Sherü ha kiuto ching lanü nukshang, khümzung, tüsho tukthsünü ashebah; tüshe sherü wukhiukba tüsho nüsa yanrü Kaldearü ki jihabahbanü nüsa rhangdung labah tüsho thirithsü thsambah khülang nangde arü rhangdung labah.

JEREMIA 27:8

Tüshe trükshih khürü yungsho kiulongthsünü ha Babilon kiulongthsüpuh Nebukednezar mütankihsho, tüsho Babilon kiulongthsüpuh sangkaplak khüp ahung müyüzahsho, inü ju trükshih nukshang, khümzung tüsho arüm-tukthsünü, api khah hode inü ha thsümünimkhi mükheamyi khiungde athsümüchibah, Atungpuhnü thachoh.

JEREMIA 28:1

Ju kam ching, Juda kiulongthsüpuh Zedekia kiulongthsü atankihlim peang, kam phüyi khinu phüngüpü ching, Gibeon chingnü Azzur tsührü wukihbuh Hanania nü Atungpuh yam ching amükeamrübo tüsho mihtsürü alala mikinü I ki tha,

JEREMIA 28:2

“ Wuto Atungpuh , Israel Thrünpuhnü ha thachoh: Inü Babilon kiulongthsüpuh sangkaplak yihshakdo.

JEREMIA 38:17

Judüki Jeremianü Zedekia ki tha, “Atungpuh , Wuto Thrünpuh, Israel Thrünpuhnü ha thachoh, Nünü lang Babilon kiulongthsüpuh atorü ki shuhmülanga jihsho, nü rhangdung labah, tüsho ha kiuto monü mütak, tüsho nü le nü yamkhün rhangdung labah.

JEREMIA 42:11

Babilon kiulongthsüpuh ki kheaküa dütre; api dütre, Atungpuhnü thachoh, tümüde api khah chingnü nüsa khümkhitpü tüsho bekhitpü I nüsa lung lah.