JEREMIA 26:9 - AMÜSÜH HÜM CL Bible (BSI)

⁹ Tümüde nünü Atungpuh mung chingnü, ‘ Ha yam Shilo ruk kambah, tüsho ha kiuto mihtsürü mülade zhikrangkhündo alabah’ de müchitcho?” Tüsho mihtsürü alalanü Atungpuh yam ching Jeremia mükamde mukhung.

JEREMIA 26:9 Iomraidhean Croise

2 KIUTHSÜYUKHEAN 25:16

Tüshe api thade alachoki kiulongthsüpuhnü anihbuh ki tha, “Isanü nü kiulongthsü athsunganahrü thsüshihkhea de? Tukloang! Tümü thsüpü nü asheshihpü?” Jumonü wukihbuhnü tuklo, tüshe tha, “Thrünpuhnü nü thsümünimpü lümkihdo de inü mükheahlah, tümütüsho nünü ha rhimodo tüsho inü athsunganahkhi mani.”

ISAIA 29:21

sherünü mihtsürübo amülim kamshihcho, shepünü chipiripit ching mahkhaprü thsungkheak azheang zocho, tüsho mütsanmükhi mülade alungki ching larü thiyuro rahlocho.

JEREMIA 32:3

Tümüde Juda kiulongthsüpuh Zedekianü api rihdoa zobah tha, “Tümü thsükhi nünü müchitcho tüsho thacho: Atungpuh nü ha thachoh: Inü ha kiuto Babilon kiulongthsüpuh khah ching jihbah, tüsho apinü ju lubah;

JEREMIA 33:10

Atungpuhnü ha thachoh: Ha dangpung ching küpü nüsanü thacho, “Ha mihtsürü yungsho shiwüh mülade abahkhi lah,” Juda kiutobo ching tüsho azhikkhi Jirusalem kiudunglimrobo ching, mihtsürü yungsho shiwüh mülakhi ching khülang ki solobah,

JEREMIA 36:29

Tüsho Juda kiulongthsüpuh Jehoiakim dünkheak nünü athabah: Atungpuhnü thachoh, Nünü ha küpqiu takpü tha, “Tsükjide Babilon kiulongthsüpuh arübah tüsho ha lomi, mihtsürü tüsho shiwühbo thsümünimpü tümüde nünü ha ching thrütkhea?”

JEREMIA 9:11

Inü Jirusalem athsümünimkhi mujung, shirung lapungbo kamshihbah; tüsho inü Juda kiutobo she mülade zhikrangkhündo akamshihbah.

TÜZHOKHI 4:13

Ha anihbe wukihrü neakbo tüsho anihbe amükeamrü mülimkhibo, thiyuro-lungkirü thiyih bukshihkhi hode alakheah.

AMOS 5:10

Arünü chipimurung ching thiyuro mülakhi azhihrü thraneanchoh, tüsho arünü thiyuro asukrü thraneanchoh.

MIKA 2:6

“Düthsangyuthsangra” arünü hade thsangyuthsangrachoh– “ Khürünü hadürü thsangyuthsangra müthsübeah; mihmüthsüm mülakhinü isa müyanphuh.”

MATHI 21:23

Küyimki api arüngyam ching yüzahkhea, amükeam putungrübo tüsho mihtsürü azothsürübo api thsangyude alachoki arü tüsho tha, “Tümü thiyukhüm-sühmüh hode nünü harü alala rhimocho? Tüsho ha thiyukhüm-sühmüh nü kilim shenü ajihkhea?”

MATHI 27:20

Tüshe amükeam putungrü le azothsürübonü Baraba dükhebah Jisu sheshihpü thaang de boto ki athsung.

MARK 15:11

Tüshe apinü arü kilim Baraba dükheshihpü thsüde amükeam putungrübonü boto thurumusu.

JOHAN 8:20

Harü yubo Jisunü apinü arüngyam ching thsangyude alachoki shozopung chingnü tha; tüsho shenü she api kheak khah muchung, tümüde api kim marüyide alakheah.

JOHAN 8:59

Judüki arünü lung thrüa lubah api kheak king; tüshe Jisunü jikabah tüsho arü bolungnü hode yübah arüngyam chingnü wukhiuk, tüsho tsoabah.

YUNIRÜBO RHIMO 13:50

Tüshe Jihudarünü kiuto ching adungto mihtsürü tüsho boto ching adungtorü Thrünpuh kingaünrü khiungkerü liberü thurumusu. Arünü Paul le Barnaba büne thsümüchipü tankih tüsho arü lomi chingnü yankhitabah.

YUNIRÜBO RHIMO 21:30

Kiuto abümnü alanajide wusu, tüsho alala thripnü mihtsürübo alihde arübah Paul ram tüsho arüngyam chingnü yankhit. Tüsho ripit nahde rihabah.

YUNIRÜBO RHIMO 22:22

Ha thakhi khiungde arünü api ki ani, tüsho arü düsheak achangnü tha, “Hadürü ha alomi chingnü kheamshang, tümüde api alapü müthülün!”

YUNIRÜBO RHIMO 3:11

Küyimki apinü Peter le Johan büne kheak tholokhea, mihtsürü alala müyinsahde Solomon yam ayinkhe de ajikhi lim rukhühnü alihde yü.

YUNIRÜBO RHIMO 5:12

Amüsüh-thsangyurübonü khinthiyinbe tüsho amüyinsahbebo ahihdo mihtsürü bolung rhimo. Tüsho arü alala rukhüh Solomon yam ayinkhe khüp lakheah.

YUNIRÜBO RHIMO 5:28

“Ha buh mung chingnü müthsangyupü isanü nüsa ki müküpde thiyukhüm jihkhi yung de? Kheahang, nüsa kingaün-yakzannü Jirusalem mide kamshihdo, tüsho ha mihtsürü shekhi isa mudopü lümchoh!”

YUNIRÜBO RHIMO 6:14

tümüde Nazarethrü Jisu hanü arüngyam lukbah tüsho Mosa kilimnü arükhi yakli alala müthribah de athakhi isanü sodo.”

JIHUSUA 18:1

Arünü alomi kukkhit dunglim mükühabahshu, Israelrü lüpdükhi Shilo ching mukhung tüsho Atungpuh shorupung khimyam khülang thsü.