JEREMIA 26:2 - AMÜSÜH HÜM CL Bible (BSI)

² Atungpuhnü ha thachoh: Atungpuh yam mahkhappung ching zhipang, tüsho Atungpuh yam ching kingaünpü arükhi Juda kiutobo alala ki asukang; inü nü ki thiyukhüm jihkhi yubo alala arü ki asukang; thiyubüm khülang she düwuhlo.

JEREMIA 26:2 Iomraidhean Croise

JEREMIA 1:17

Tüshe nü, nü chim rümang; asürang tüsho inü nü ki thiyukhüm jihkhi alala arü ki thaang. Arü miki dütre jude yungsho inü nü arü miki treshihbah.

JEREMIA 1:7

Tüshe Atungpuhnü I ki tha, “‘ I azürü nunu khülang ah’ de dütha.” Tümüde inü nü sherü kilim yüshihbanü nü ayübah, tüsho inü tümüpürü nü ki thiyukhüm jihbanü nünü athabah.

JEREMIA 19:14

Küyimki Jeremianü Atungpuhnü müchitpü yüshihpung Topheth chingnü arükhea, apinü Atungpuh yam mahkhappung ching zhip tüsho mihtsürü alala ki tha:

JEREMIA 23:28

Wukihrü shepünü milim mikheanü milim kheanshang, tüshe shepü I yu lanü thiyuronü I yu asukshang. Tümü rimneang ju wheat hi lung rukhüh la? Atungpuhnü thachoh.

JEREMIA 25:2

küpü wukihbuh Jeremianü Juda mihtsürü tüsho Jirusalem ching larü alala ki asuk:

JEREMIA 28:5

Judüki wukihbuh Jeremianü amükeamrübo tüsho Atungpuh yam ching zhiprü mihtsürü alala mikinü wukihbuh Hanania ki asuk;

JEREMIA 36:10

Judüki Baruknü Atungpuh yam ching yüzahpung chipiripit aso kheak achangbe yamkhuh ching, Shaphan tsührü athrütbuh Gemaria khiungshak chingnü, Atungpuh yam ching mihtsürü alalanü sode küpqiu chingnü Jeremia yubo khe.

JEREMIA 42:4

Wukihbuh Jeremianü arü ki tha, “ Khide tsülah: Nüsanü mushukhi nangde Atungpuh nüsa Thrünpuh ki inü tamkhüntamnübah, tüsho Atungpuhnü tümüpürü nüsa ki alobanü inü nüsa ki thabah; inü tümü she nüsa kheaknü müram.”

JEREMIA 7:2

Atungpuh yam chipiripit kheak zhipang, tüsho ju ching ha yu zhiyukjang, tüsho thaang, Nüsa Juda mihtsürübo, nüsa Atungpuh kingaünpü ha chipiripitbo ching yüzahrübo Atungpuh yu aniang.

JEREMIA 7:27

Junangde nünü ha yubo alala arü ki asukbah, tüshe arünü nü ki manijih. Nünü arü ki jibah, tüshe arünü nü ki malojih.

EZEKIEL 3:10

Tüsho apinü I ki tha, “Mihtsürü tsührü, kümkangde aniang tüsho inü nü ki asukkhi yubo alala mulong ching zoang.

EZEKIEL 33:7

Jumonü, mihtsürü tsührü, Inü nü Israel yamkhün thsungkheak aheangrü khülang kamshihdo; inü nü kilim jihkhi kurhangyu arü kilim yüshang.

EZEKIEL 40:4

Mihtsürünü I ki tha, “Mihtsürü tsührü, kheahkihde kheahang tüsho tsüde aniang, tüsho inü nü ki huhkhi alala kheak nü lümkhi zoang, tümüde inü ha nü ki huhpü thsüde nü ha ching bedarükheah; nünü angükhi alala Israel yamkhün ki thaang.”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

LUKNÜ ATHRÜTKHI THIYUSHEAK-ATSÜ HUHTANYU 19:47

Tüsho apinü nimung aban arüngyam ching thsangyude alakheah. Tüshe amükeam putungrübo, yakzan thsangyurübo, tüsho mihtsürü limberübonü api laksahpü yim,

JOHAN 18:20

Jisunü api ki alo, “Inü alomi ki khipkhitde thado. Inü Jihudarü mukhungpung sinagogbo le arüngyam ching kamruhroro thsangyudo, tüsho inü ramde tümü mütha.

JOHAN 8:2

Yapsu mükikde apinü arüngyam ching arülo, tüsho mihtsürü alala api ki arü; tüsho apinü binbah arü thsangyu.

YUNIRÜBO RHIMO 20:20

nüsa alü thsüpü lakhi thsangyuthsangrapü tümü she inü mudukiuhlo tüshe boto chingnü tüsho thüyam abande nüsa thsangyude,

YUNIRÜBO RHIMO 20:27

tümüde inü nüsa ki Thrünpuh lümkhi alala zhiyukpü müdukiuhlo.

YUNIRÜBO RHIMO 5:25

Judüki khülang arübah arü ki tha, “Kheahang, nüsanü rihyam ching yukrübo thsü arüngyam ching zhipbah mihtsürübo ki thsangyuchoh!”

YUNIRÜBO RHIMO 5:42

Tüsho nimung aban arüngyam tüsho thüyam ching Jisu ju Khrista de athsangyupü tüsho thsangyuthsangrapü arünü anüzhak müthsü.

YUZÜNGTHALO 12:32

Inü tümüpürü nüsa ki thiyukhüm jihchonü ju rhimopü kümkangang; nüsanü ju ching düyukajak yungsho yihkhita she dübah.

YUZÜNGTHALO 12:5

Tüshe Atungpuh nüsa Thrünpuhnü api lapung thsungkheak api mung zopü nüsa trükbo lungnü amokhitkhi dangpung nüsanü yimang; tüsho ju ching nüsa yübah.

YUZÜNGTHALO 4:2

Inü thiyukhüm jihkhi yu kheak nüsanü alü düyuk, yungsho yihkhita dübah, junangde nüsanü inü thiyukhüm jihkhi, Atungpuh nüsa Thrünpuh yukhüm zobah.

JIHUSUA 8:35

Jihusuanü Mosa yukhüm ju amukhungrü, aliberü le azürü tüsho arü bolung lakhi khiungkerübo alala kilim phümütsande khea huh.

AMIKHEAKAKHIUKKHI 22:19

tüsho khürünü ha hüm ching müchitkhi yubo yihkhita bahsho, ha hüm ching thakhi rhangdung sangdung tüsho amüsüh kiuto chingnü api shihcham Thrünpuhnü lude atsobah.